Lucas 9:19 - Tagbanwa

¹⁹ Katubag i mga alagad ya ngayti, maat nira, “Iyan beken, maat nira si Juan ka ngayting magpamawtis. Iyan beken gasiꞌ, si Prupitaꞌ Elias ka kunuꞌ. Ta, may magꞌaat paꞌ nga esa ka nga prupitaꞌ ngayti it tagnaꞌ nga nagꞌegen it paꞌuliꞌ.”

Lucas 9:19 Iomraidhean Croise

Malakias 4:5

Temed parabir mabut i kaiꞌlaman baw ega basta-bastang aldaw nga ipangukuman it AMPUꞌANG DIYUS it katataawan, taꞌgen ku i prupitaꞌ nga si Elias nga paꞌasan it imyu.

Mateo 14:2

Maat ni Herodes it mga katimbang ya, “Ega yay belag, si Juan ngayan nga magpamawtis. Naꞌgen yan it paꞌuliꞌ. Aypaꞌ yan magkabwat it mga kalililuꞌan ngayan nga bagay.”

Mateo 3:1

Kat iti nga timpu, si Juan nga uꞌna-uꞌnang namawtis, nagpapuꞌun na kanyat mangadal, duꞌun it rugar nga kapupuyangtan nga duꞌut Judea.

Marcos 6:14

Nakaꞌbut duꞌun it adiꞌ ngaytit Galilea nga si Herodes i baritaꞌ pasar it ki Jesus, ka pagdaya-dayawun nay iti nga ngaran. May magꞌaat nga, “Si Juan naga ngayan bayang namawtis! Naꞌgen naga yan it paꞌuliꞌ, aypaꞌ yan ka magkabwat it mga kalililuꞌan ngayang bagay.”

Marcos 6:15

Maat it beken, “Si Elias bayti.” “Prupitaꞌ yan kanya, subung yan it mga prupitaꞌ ngayan it tagnaꞌ,” maat i patandes it beken.

Lucas 9:18

Kaꞌsang aldaw, magpanalangin si Jesus it esa-esa ya, nga mga alagad ya lamang i kaꞌibaan ya duꞌut iting rugar. Pagkatupus ya, iningkut ya sira nga magꞌaat, “Unuy magkadengeg-dengegan mi nga patandes it mga katataawan in siyu aku?”

Lucas 9:20

“Ta kamu,” maat ni Jesus ngayti, “unuy masugid mi sabap it aken nga in siyu aku?” Katubag si Pedro, maat ya, “Ikaw talagay isiyanggup nga Cristo nga siyarigan it Ampuꞌang Diyus.”

Juan 1:21

“Ta in atkayan,” maat nira, “siyu ka ga? Unu, ega Prupitaꞌ ka nga si Elias?” “Bilaꞌ ega,” maat ni Juan ngayti. “Tay unu, ega Prupitaꞌ ka ngayan nga paꞌaaten?” “Bilaꞌ ega. Daꞌkuy aken mangambuꞌ.”

Juan 1:25

iningkut nira siꞌ si Juan ngayti, “Ta unuka magpamawtis ka it ega naga palan Cristo ka, nga Manriribring Adiꞌ ngayang isiyanggup it Ampuꞌang Diyus, daꞌka naga gasiꞌ si Elias baw daꞌka naga Prupitaꞌ ngayan nga paꞌaaten?”

Juan 7:40

Iyan beken, pagkagneg nirat iti nga inaat ni Jesus, maat nira, “Talagang egaytuy belag, Prupitaꞌ na ngayan.”

Juan 9:17

Aypaꞌ ka siyumarya nira sit sumaꞌup i taw ngayting beleg. “Ta ikaw,” maat nira, “it magkalteg ka na sabap, maat mu, piyagayen ka ni Jesus ngayti, ta, unuy masugid mu pasar it kanya?” “Aaꞌ,” maat i tubag ya, “esa bayan kanyang prupitaꞌ.”