Lucas 9:18 - Tagbanwa

¹⁸ Kaꞌsang aldaw, magpanalangin si Jesus it esa-esa ya, nga mga alagad ya lamang i kaꞌibaan ya duꞌut iting rugar. Pagkatupus ya, iningkut ya sira nga magꞌaat, “Unuy magkadengeg-dengegan mi nga patandes it mga katataawan in siyu aku?”

Lucas 9:18 Iomraidhean Croise

Mateo 14:23

Pagkapagaring yat mga katataawan ngayti, nanungul kanyat esa-esa ya duꞌun it mungsuꞌ ka manalangin duꞌun. Dinlem na si Jesus duꞌun it mungsuꞌ ngayti it esa-esa ya lamang.

Mateo 26:36

Bawnga piyabayaꞌ sira ni Jesus duꞌun it esang rugar nga pagpangaranat Getsemani. Pagꞌabut nira duꞌun, maat yat mga alagad ya ngayti, “Sikaytu kamu na daꞌan, ka manalangin aku duꞌut langbu-langbus ngayti.”

Lucas 11:1

Ta, may esang aldaw, nga duꞌun sira na Jesus it esang rugar, nga magpanalangin kanya. Pagkatupus ya, maat it sang kataawan nga alagad ya, “Ampuꞌan, in mapakay tulduꞌan mu naga kami it manalangin, subung it binwat ni Juan it kanya nga mga alagad.”

Lucas 3:21

Iyan ega paꞌ ngayti napirisu si Juan, reet-reet nat taw i magpabawtis duꞌut kanya. Nagpabawtis gasiꞌ si Jesus. Pagpanalangin ni Jesus it magpatingdal na, naltegan ya nga sakaling miyabri i langit.

Lucas 6:12

Kat iti nga timpu, naꞌaduꞌun si Jesus it esa nga mungsuꞌ. Nanalangin kanya duꞌun it naglinag.

Lucas 9:19

Katubag i mga alagad ya ngayti, maat nira, “Iyan beken, maat nira si Juan ka ngayting magpamawtis. Iyan beken gasiꞌ, si Prupitaꞌ Elias ka kunuꞌ. Ta, may magꞌaat paꞌ nga esa ka nga prupitaꞌ ngayti it tagnaꞌ nga nagꞌegen it paꞌuliꞌ.”

Lucas 9:28

Nagtaꞌlib i barang mga walung aldaw garing it pagkasugid ni Jesus it iti ngayti, timnungul si Jesus duꞌut esang bukid ka manalangin duꞌun. Piyabayaꞌ ya si Pedro, si Juan baw si Santiago.

Lucas 9:29

Iyan magpanalangin na kanya, sakaliꞌ nga nagsiyang i rupa ni Jesus, baw pakayan ya, kasisilaw na talagay pamuti-putiꞌ.