Lucas 9:14 - Tagbanwa

¹⁴ Ka mga lalaki lamang i bilangen, may mga limang ribu i kadakel. Temed inaat ni Jesus i mga alagad ya ngayti, “Paꞌdungun mi sira it paggugurupu-gurupuun, nga mga taglilimang puluꞌ nga kataawan.”

Lucas 9:14 Iomraidhean Croise

Marcos 8:6

Piyaꞌdung ni Jesus i mga taw ngayti. Inangut ya i pitu ngayting batu nga tinapay bawnga nagpasalamat kanya duꞌun it Ampuꞌang Diyus. Pagkatupus ya, biyagiꞌ-bagiꞌ ya bawnga ipiyamgay yat mga alagad ya ka ipanundul nira duꞌut mga taw ngayti. Ta, ipiyanundul na it mga alagad.

Lucas 9:13

Temed katubag si Jesus it kanira, “Kamu nay megay it makaꞌen nira.” Katubag i mga alagad ya ngayti, maat nira, “Ampuꞌan, ta magꞌuꞌunu yan it ega talagay situ puyrat limang batu i tina-tinapay baw duwang batuy seda-sedaꞌ? Ta daꞌga mangalang kami gat ipakaꞌen it atkaytung kadakel it taw?”

Lucas 9:15

Piyaꞌdung it mga alagad i mga taw ngayti it atkayting pangadung.

1 Corinto 14:40

Temed gasiꞌ buwaten mi i muꞌsang bagay kat tamaꞌ baw maꞌayus nga pabetang-betang.