Lucas 9:12 - Tagbanwa

¹² Iyan apu-apun na, nagpatpad duꞌut ki Jesus i sang puluꞌ baw duwa ngayting mga alagad ya. Maat nira, “Siguru magayen papanawun mu nay mga taw ngaytu nga paꞌaduꞌut katepad nga mga baryu u babalayan, isaꞌun makapangalang sirat makaꞌen nira baw makaparag it maꞌigaꞌan nira. Ka ungaytu, situ tamit kapupuyangtan nga rugar.”

Lucas 9:12 Iomraidhean Croise

Mateo 14:13

Pagkaꞌrut ni Jesus it inimatay na ngayti si Juan, liminꞌid kanya duꞌun it kadakel it mga taw ka simnakay, nga paꞌaduꞌun it esang rugar nga kapupuyangtan. Temed pagkabaritaꞌ it mga katataawan duꞌut mga lansangan ngayti, napanaw sira nga timnundug it ki Jesus ngayti.

Mateo 15:23

Temed maski tetet, egay tetet ni Jesus. Nagpatpad duꞌut kanya i mga alagad ya. Maat nira, “Ampuꞌan, tarapasan mu na kanya. Ka marimuꞌut baw yan na ngayan i buwat ya, dasun-dasun it aten.”

Mateo 15:32

Iyan nakatlu na nga duꞌun paꞌ sira, tiyaꞌwagan ni Jesus i mga alagad ya, ka maat ya, “Pagsanguꞌan kuy mga taw ngaytu, sabap ikatlung aldaw na kayti nga kaꞌiba-iba ku sira, ega nay pangaꞌen nira. Ega talaga ireg ku nga papanawun sira nga pamaggetmanan ka barang ega katatas.”

Lucas 9:11

Temed ta, pagkaꞌrut it katataawan, namagpanundug naga sira. Tiyanggap sira ni Jesus it masagya. Bawnga ipiyangadal yat kanira i pasar it kaꞌadiꞌan it Ampuꞌang Diyus, baw iyan mga may sarut, piyagayen ya.

Lucas 9:13

Temed katubag si Jesus it kanira, “Kamu nay megay it makaꞌen nira.” Katubag i mga alagad ya ngayti, maat nira, “Ampuꞌan, ta magꞌuꞌunu yan it ega talagay situ puyrat limang batu i tina-tinapay baw duwang batuy seda-sedaꞌ? Ta daꞌga mangalang kami gat ipakaꞌen it atkaytung kadakel it taw?”

Juan 6:1

Nagtaꞌlib i pirang bulan, naꞌaduꞌun si Jesus it sang dipag it Lapnaw it Galilea, nga pagpangaranan gasiꞌ it Lapnaw it Tiberias.

Filipos 1:19

sabap pagsisiguruun ku nga, kat mga panalangin mi baw kat tabang it Espiritu Santo nga piyapasubli ni Jesu-Cristo situt aten, kat ikagayen ku lamang i nabetangan ku ngayni.