Lucas 9:11 - Tagbanwa

¹¹ Temed ta, pagkaꞌrut it katataawan, namagpanundug naga sira. Tiyanggap sira ni Jesus it masagya. Bawnga ipiyangadal yat kanira i pasar it kaꞌadiꞌan it Ampuꞌang Diyus, baw iyan mga may sarut, piyagayen ya.

Lucas 9:11 Iomraidhean Croise

Mateo 12:15

Ega nataguꞌ it ki Jesus i iti ngayti nga riyunding. Aypaꞌ ka liminꞌid kanya duꞌun. Dakel i mga taw nga dimnasun it kanya, baw piyagayen ni Jesus i muꞌsa nga may mga sarut.

Mateo 14:14

Aypaꞌ pagpanlampud ni Jesus duꞌut inabutan ya ngayti nga rugar, yay piyagꞌaꞌandaꞌan it mata ya, dakel na nga mga taw. Siyanguꞌan ya sira. Piyagayen ya i mga may sarut nga taba-taban it mga taw ngayti.

Mateo 21:31

Ta siyu manggid it duwa ngayti i simnunud it kaꞌirgan it amaꞌ nira?” “Iti, akaꞌ ngayti,” maat i tubag nirat ki Jesus. “Matuud talagay iꞌaat kut imyu,” maat siꞌ ni Jesus, “nga iyan mga malulupig nga mga manigpabayad it barayadan baw iyan mga babay nga ipagpanulus niray bilug nira, mauꞌnaan nira paꞌ kamu nga kapasakep it kaꞌadiꞌan it Ampuꞌang Diyus.

Mateo 21:43

Aypaꞌ ka pagꞌaaten ta kamu, ega na kamu nga mga Judio i sakep it kaꞌadiꞌan it Ampuꞌang Diyus, in daꞌga iyan mga taw nga magsirbi it kanya it kamatuudan.

Lucas 1:53

Iyan mga paggetmanan, piyaꞌgenan ya na it magagayeng mga bagay. Temed iyan mga manggaden, inimugaw ya na it egay maski unu.

Lucas 5:31

Nagnegan ni Jesus i inimraw nira ngayti, aypaꞌ kanya nay timnubag, nga magꞌaat, “Iyan may mga sarut, sira talaga i magkaꞌilangan it manigꞌubaꞌubat. Ega sira nga egay sarut.

Lucas 8:1

Ega naꞌlay liyekep-lekep ni Jesus i mga lansangan baw baryu ka ipagpangadal ya i Magayeng Baritaꞌ pasar it kaꞌadiꞌan it Ampuꞌang Diyus. Kaꞌibaan ya naga i sang puluꞌ baw duwa ngayting mga alagad ya.

Lucas 8:10

Tiyubag sira ni Jesus, nga magꞌaat, “Talagang ipiyagꞌildaw it imyu nga maꞌrutan mi i patagu-taguꞌ nga kaꞌulugan it ipagpanulduꞌ ku pasar it kaꞌadiꞌan it Ampuꞌang Diyus. Temed iyan beken, pagꞌalimbawaen lamang, isaꞌun maski temegel sirat semyek, daꞌsira magkalteg. Baw maski manamar na sirat pagneg, ega makasepsep.”

Lucas 9:10

Pagkaꞌuliꞌ it sang puluꞌ baw duwa ngayting mga alagad nga piyapanaw ni Jesus, itiyuturan nira duꞌut kanya i muꞌsa nga nabwat nira. Pagkaꞌanu kayti, naꞌaduꞌun sirat esang rugar nga ayun duꞌun it lansangan it Betsaida. Egay piyabayaꞌ ni Jesus nga beken, mga alagad ya lamang ngayti.

Lucas 9:12

Iyan apu-apun na, nagpatpad duꞌut ki Jesus i sang puluꞌ baw duwa ngayting mga alagad ya. Maat nira, “Siguru magayen papanawun mu nay mga taw ngaytu nga paꞌaduꞌut katepad nga mga baryu u babalayan, isaꞌun makapangalang sirat makaꞌen nira baw makaparag it maꞌigaꞌan nira. Ka ungaytu, situ tamit kapupuyangtan nga rugar.”

Lucas 9:2

Bawnga tiyaꞌeg ya na sira nga mapanaw ka ipangadal nira i pasar it kaꞌadiꞌan it Ampuꞌang Diyus baw pagayenen nira i kumpur magpangabang nga may sarut.

Juan 4:34

Pagkamuya ni Jesus kayti, maat yat kanira, “Iyan bay paꞌaaten ku ngayan nga pangaꞌen ku, sunudun kuy kaꞌirgan it nagtaꞌeg it aken it paꞌasitu baw tumanen i iyan nga ipagpabwat yat aken.

Juan 6:37

Pasakep it aken i kumpur ipagbegay it Amaꞌ it aken. Talagang egay imugawun ku nga maski siyu nga magpasakep it aken.

Mga Binwat 28:31

Ipagpangadal yat kanira it magayen i pasar it kaꞌadiꞌan it Ampuꞌang Diyus, baw muꞌsang panulduꞌ pasar it Ampuꞌan nga si Jesu-Cristo. Baw egay maski siyu nga magsamrang it kanya.

Roma 10:14

Temed ta, magꞌuꞌunu kapangabang i taw duꞌun it Ampuꞌan in ega pagpamayaꞌnen baw pagsarigan nira kanya? Baw magꞌuꞌunu gasiꞌ pamayaꞌnen nira in ega paꞌ natuturanan sira pasar it kanya? Baw magꞌuꞌunu matuturanan sira in egay mangadal duꞌut kanira?

Roma 10:17

Aypaꞌ maꞌyag nga ega magkapamayaꞌ i taw in ega paꞌ nagnegan nira i maat pamayaꞌnen. Baw egay beken nga kaꞌilangan nira nga magnegan, Magayen ngaytung Baritaꞌ pasar it ki Cristo.

Roma 15:3

Sabap, maski si Cristo, iyan situ paꞌ kanyat banwa, ega sadili yang kaꞌirgan i kat nakem ya. Ka subuk natuman duꞌut kanya i magsusurat duꞌun it kasuratan nga magꞌaat, “Mga panibabaꞌ nirat imu, Ampuꞌang Diyus, aku ngaytu i naꞌiguꞌ.”

2 Timoteo 4:2

Ipagsekat ku nga, maski unu nga timpu, ipangadal mu nga pirmi i ampang ngaytu nga kamatuudan. Ipalbaw mut mga pagpangadalan mu i mga kamaliꞌ nira, sardawun mu baw paksegen muy nakem nira nga muwat sirat mataldeng. Buwaten muy muꞌsa ngaytu it may dakulang kapalulusan baw luway-luway nga tulduꞌ.

Hebreo 4:16

Aypaꞌ kayti, magayen daꞌtami na paꞌinte-intereꞌ, madap nga lagi duꞌun it Ampuꞌang Diyus, ka maski mataꞌas kanya nga magbebegbeg it muꞌsa, maꞌildaw kanya nga banar. Baw masiguru tami nga kat timpu nga kaꞌilangan tami i tabang ya, ibgay yat aten i ildaw ya ngaytu nga pagꞌangutun tami kat panalangin.