Lucas 9:10 - Tagbanwa

¹⁰ Pagkaꞌuliꞌ it sang puluꞌ baw duwa ngayting mga alagad nga piyapanaw ni Jesus, itiyuturan nira duꞌut kanya i muꞌsa nga nabwat nira. Pagkaꞌanu kayti, naꞌaduꞌun sirat esang rugar nga ayun duꞌun it lansangan it Betsaida. Egay piyabayaꞌ ni Jesus nga beken, mga alagad ya lamang ngayti.

Lucas 9:10 Iomraidhean Croise

Mateo 11:21

Maat ya, “Abaa, subrang makuriꞌ talagay magꞌaꞌareg it imyu, nga mga taga Corazin baw taga Betsaida. Sabap in beteꞌ duꞌun lamang it Tiro baw Sidon, nga taw ya ega Judio, i binwatan it mga kalililuꞌan ngaytu nga binwat situt imyu, matuud nga naꞌlay na nga namagpakay it maꞌerep baw mamagꞌadung duꞌun it kaꞌabuwan i mga taga duꞌun, isaꞌun ipakilala nga magsinguliꞌ sira nga matuud.

Marcos 2:7

“Unuka magꞌampang it atkaytu i itung taw, nga magpaDiyu-Diyus na, ka daꞌga baꞌ Ampuꞌang Diyus lamang i magkapasinsiya it kasalaꞌan?”

Lucas 10:17

Pagkaꞌuliꞌ it tiyaꞌeg ngayti nga pitung puluꞌ baw duwa, masagyang-masagya sira. “Ampuꞌan,” maat nira, “talagang maski mga maraꞌe-raꞌet, magpamayaꞌ sira nga limꞌid in pagꞌimugawun namen kat ngaran mu.”

Hebreo 13:17

Baw gasiꞌ iyan i magayen, pasakep kamu it mga magpamaalaꞌ it imyu baw sunudun mi i mga munaꞌaw nirat imyu. Ka sira, iyan i katengdanan nira, magtatarima nga pirmi it pamayaꞌ mi isaꞌun ega maꞌilang i kiyarurwa mi. Tubagan nira duꞌut Ampuꞌang Diyus in pabaya-bayaꞌan nira i katengdanan nira ngaytu. Ta, simpri in pagsunudun mi sira it magayen nga pagsunud, masasagya yan sira nga magpangatengdanan. Temed in pagpataꞌbangen mi i nakem nira ka ega pagꞌintindiyen mi sira, ega naga kat ikagayen mi yan.