Lucas 9:1 - Tagbanwa

¹ Tiningped ni Jesus i sang puluꞌ baw duwa ngayting mga alagad ya baw piyamgayan ya sira it pudir baw kakayaan nga magkaꞌimugaw it muꞌsang mga maraꞌe-raꞌet baw makapapdek it mga sarut.

Lucas 9:1 Iomraidhean Croise

Mateo 16:19

Begayan ku ikaw it pudir, nga subuk paskelan ka it gunsiꞌ it kaꞌadiꞌan it Ampuꞌang Diyus. Kat pudir mu ngaytu, in unuy paaren mu kat katengdanan mu situt banwa, panindegan ka it Ampuꞌang Diyus nga duꞌut langit. Baw in unu gasiꞌ i paꞌintulutan mu situt banwa, atkayan naga nga panindegan ka it Ampuꞌang Diyus nga duꞌut langit.”

Mateo 4:24

Nangalaid nay baritaꞌ pasar it mga kalililuꞌan nga buwat ngayti ni Jesus, nakalkep it muꞌsang banwa it Siria. Aypaꞌ ka dakel na nga magꞌabut, nga magtataban it magsarut it dakel nga kalasit sarakiten, pati mga pagpapulpugun it maraꞌe-raꞌet, mga magpulpug nga magpangingsil, baw beken nga may patay nga bagit bilug. Pagpagayenen ya sira nga muꞌsa.

Mateo 8:9

Ka naꞌubas akut ampang nga ipagsekat, sabap may pagbayaꞌen ku nga magsekat it aken, baw may mga sundaluꞌ nga pagsekaten ku gasit aken. In aaten ku i sang kataawan, ‘Mapanaw ka,’ talagang mapanaw kanya. Ta in esa siꞌ, aaten ku, ‘Paꞌasini ka,’ magꞌaduꞌun kanya nga matuud it aken. Atkayan naga i taraꞌgen ku, in sekaten ku nga, ‘Buwaten muy ituꞌun,’ buwaten ya nga matuud.”

Lucas 10:1

Ta, pagkaꞌanu kayti, miniliꞌ siꞌ si Jesus it pitung puluꞌ baw duwa nga beken nga mga alagad ya. Bawnga piyauꞌna ya sirat papanaw it tagduwa-duwa duꞌun it kada lansangan baw baryu nga pagrima-rimaen yat paꞌaduꞌunan.

Lucas 10:19

Dedemdemen mi tu, nga binggayan ku kamu it pudir nga maꞌindaꞌeg mi i muꞌsang keseg it kakuntraꞌ ta nga si Satanas baw mga taawan ya, nga kabilangan nira mga dukul baw bangkunawa nga subuk tegday-tegdayan mi temed daꞌkamu maꞌunu-unu nira.

Juan 14:12

Ituy kamatuudan nga isugid kut imyu, iyan magpamayaꞌ it aken, kat pagsarig yat aken mabwat ya gasiꞌ tu i mga pagbuwaten ku ngaytu. Baw subraꞌ paꞌ sikaytuy mabwat ya, sabap paꞌaduꞌun aku nay aken it Amaꞌ.

Mga Binwat 1:8

Temed yay matuud, pagpasarum it Espiritu Santo kat bilug mi, maꞌimyu nay ega basta-bastang kakayaan. Baw pamatuud kamu na sabap it aken, ega lamang situt Jerusalem in daꞌga duꞌun it muꞌsang rugar nga sakep it Judea baw Samaria, baw kat paꞌari-aring rugar nga situt sinirungat langit.”

Mga Binwat 3:16

Ta kayti, magkaltegan mi ngaytung pilay nga kilala mi naga, piyagayen kanya it guna ni Jesus. Eeꞌ baꞌ, kat keseg it pamayaꞌ baw pagsarig namen it ki Jesus ngayti, piyagayen yay taw ngaytu it gayen banar kat adapan mi.

Mga Binwat 4:30

Itanyag muy guna mu isaꞌun mapagayen namen i mga magsarut baw may mabwat nga mga tandaꞌanan nga kalililuꞌang bagay, kat keseg nagat guna it manigsirbi mu nga si Jesus nga alaid kat muꞌsang kasalaꞌan.”

Mga Binwat 9:34

Pagkalteg ni Pedro it pilay ngayti, inaat ya, “Eneas, kayti nga lagi, pagpagayenen ka na ni Jesu-Cristo. Magbangun ka na baw lulunun mu nay pagliliꞌtidan mu ngayan.” Pagkaꞌampang ni Pedro kayti, nagbangun na nga matuud i pilay ngayti, dayun it nakatindeg.