Lucas 8:8 - Tagbanwa

⁸ Temed iyan nakasaꞌbug duꞌun it magayen nga lugtaꞌ, minwaꞌ it magayen. Sang kuway may tagasang gatus i batꞌun it legas ya.” Paꞌugdun ni Jesus, maat ya, “Ta, it pagꞌargan it talinga, ipagpagneg, kaꞌilangan pagneg kamu it magayen it pagꞌaaten ku ngaytu.”

Lucas 8:8 Iomraidhean Croise

Genesis 26:12

Iting taꞌun, nanguma si Isaac duꞌun. Talagang inildawan kanya it AMPUꞌANG DIYUS, ka dadakulaꞌ nang banar nga magkapatbasan ya.

Jeremias 25:4

Ega gasiꞌ pagdenggen mi i ipagꞌaat it beken nga mga manigsirbi ya nga prupitaꞌ nga pasigi ya nga pagtaꞌgen asan it imyu.

Mateo 11:15

Ta it pagꞌargan it talinga, ipagpagneg, kaꞌilangan pagnegan mit magayen i pagꞌaaten ku ngaytu.

Mateo 13:23

Temed itu, paꞌaaten ngaytu nga nasaꞌbugan nga magayeng lugtaꞌ, ituy mga taw nga magpagneg baw magkasepsepan nira i kamatuudan ngaytu. Ta it ipagdawaꞌ na duꞌun it ulu, aypaꞌ ka magbuwaꞌ i pamayaꞌ nirat kanira, nga subung it mabuburun ngaytung kuwayen nga tagasang gatus, tagꞌeꞌenem nga puluꞌ baw tagtutulu nga puluꞌ i legas ya.”

Marcos 4:20

Baw itu, paꞌaaten ngaytu nga nasaꞌbugan nga magayeng lugtaꞌ, mga taw nga pagpamayaꞌnen nirat kamatuudan i nagnegan nira nga ampang it Ampuꞌang Diyus. Ta it ipagdawaꞌ na duꞌun it ulu, aypaꞌ ka magbuwaꞌ i pamayaꞌ nirat kanira, nga subung it mabuburun ngaytung kuwayen nga tagtutulung puluꞌ, tagꞌeꞌenem nga puluꞌ baw tagasang gatus i legas ya.”

Marcos 4:23

Aypaꞌ it pagꞌargan it talinga, ipagpagneg, kaꞌilangan nga pagnegan mit magayen i pagꞌaaten ngaytu.”

Marcos 4:8

Temed iyan nakasaꞌbug duꞌun it magayen nga lugtaꞌ, pagtubuꞌ nangseg it magayen. Nanggayen gasiꞌ i buwaꞌ baw mabuburun paꞌ. Sang kuway may tagtutulung puluꞌ i batꞌunun it legas ya. May tagꞌeꞌenem nga puluꞌ baw iyan beken, tagasang gatus.”

Marcos 7:16

Ta it pagꞌargan it talinga, ipagpagneg, kaꞌilangan nga pagnegan mit magayen i pagꞌaaten ngaytu.”

Lucas 14:35

Talagang ega nay pakinabang ya, ka maski ipatabaꞌ it lugtaꞌ ega na mapakay. Aypaꞌ ibuntal na lamang. Ta, it pagꞌargan it talinga, ipagpagneg, kaꞌilangan nga pagnegan mit magayen i pagꞌaaten ku ngaytu.”

Lucas 8:15

Baw itu, paꞌaaten ngaytu nga nasaꞌbugan nga magayeng lugtaꞌ, mga taw nga magayen i adat, nga pagpamayaꞌnen nirat kamatuudan i nagnegan nira nga ampang it Ampuꞌang Diyus. Ta it ipagdawaꞌ na duꞌun it ulu, baw pagpaꞌresan it pagsunudun, aypaꞌ ka magbuwaꞌ it magayen i pamayaꞌ nirat kanira.”

Lucas 8:7

Iyan beken, maresaen i nasaꞌbugan. Pagkeseg it ilamunun ngayti, daꞌna nakabwaꞌ i mga luwak ngayti ka nalmes na.

Efeso 2:10

Sabap iyan pagbaꞌgu it adat ta kayti, Ampuꞌang Diyus i garing kaytu. Ipiyalagpit ya kita duꞌut ki Cristo Jesus baw biyaꞌgu ya i pangaꞌgenan tami isaꞌun gamiten ta na kat buwat nga magayen, nga ipiyagꞌareg yang lagi it aten garing paꞌ it tagnaꞌ.

Colosas 1:10

Ka in atkayan, makapangaꞌgenan kamu nat pangaꞌgenan nga kasasagyaan it Ampuꞌan, pangaꞌgenan nga bagay it mga maglalagpit it kanya, ka subuk magtumbud kat pangaꞌgenan mi i muꞌsang buwat nga magagayen baw magdudungag-dudungag i kasepsep mi it adat baw kaꞌirgan it Ampuꞌang Diyus.

Mga Ipiyalteg 13:9

Ta it pagꞌargan it talinga, ipagpagneg, kaꞌilangan pagnegan mit magayen i mga itu ngaytu.

Mga Ipiyalteg 2:11

Aypaꞌ it pagꞌargan it talinga ipagpagneg, kaꞌilangan pagnegan mit magayen i pagꞌaaten ngaytu nga ipagpatantu it Espiritu Santo kat mga magpamayaꞌ baw magsarig it aken. Ka in siyuy magkaꞌindaꞌeg it in unuy ipagkasalaꞌan baw ipagkaranggaꞌ it pamayaꞌ, talagang ega na labayen yay ikadwang kamataynen, nga egay kaskedan nga kakuriꞌan.’”

Mga Ipiyalteg 2:7

Aypaꞌ it pagꞌargan it talinga, ipagpagneg, kaꞌilangan pagnegan mit magayen i pagꞌaaten ngaytu, nga ipagpatantu it Espiritu Santo kat mga magpamayaꞌ baw magsarig it aken. Ka in siyuy magkaꞌindaꞌeg it in unuy ipagkasalaꞌan baw ipagkaranggaꞌ it pamayaꞌ, begayan ku kanyat pudir nga makakaꞌen it buwaꞌ it kayu nga magbegay it kaꞌgenan, nga duꞌun it kalu-kalulwakan it Ampuꞌang Diyus.’ ”

Mga Ipiyalteg 3:13

Aypaꞌ it pagꞌargan it talinga ipagpagneg, kaꞌilangan pagnegan mit magayen i pagꞌaaten ngaytu nga ipagpatantu it Espiritu Santo kat mga magpamayaꞌ baw magsarig it aken.’ ”

Mga Ipiyalteg 3:6

Aypaꞌ it pagꞌargan it talinga ipagpagneg, kaꞌilangan pagnegan mit magayen i pagꞌaaten ngaytu nga ipagpatantu it Espiritu Santo kat mga magpamayaꞌ baw magsarig it aken.’ ”