Lucas 8:54 - Tagbanwa

⁵⁴ Temed singkel ni Jesus i alimat waꞌwaꞌ ngayti baw maat ya, “Edeꞌ, magbangun ka na!”

Lucas 8:54 Iomraidhean Croise

Jeremias 31:32

Nga itu ngaytu nga pakiꞌupakat, ega na subung it pakiꞌupakat ku ngayti it mga kagiyaringanan nira, iyan ipiyaliꞌwan ku na sira kat pagkaꞌuripen nira duꞌun it Egipto. Ka tagnaꞌ ngayti nga ipiyakiꞌupakat ku, riyanggaꞌ nira maski namuyaan na niray kagayen it pangarigra ku it kanira, nga subung nat pangarigra it esang lalaki it pagraa-rarasan ya nga asawa.

Mateo 9:25

Iyan duꞌun nat liꞌwan nga muꞌsay mga taw ngayti, siminled na si Jesus. Singkel yay alima it waꞌwaꞌ ngayti nga babay. Nagbangun i waꞌwaꞌ ngayti ka nagꞌegen naga.

Marcos 1:31

Inlep ni Jesus i babay ngayti, singkel yay alima ka biyangun. Minibwan nga lagi i ramig it babay ngayti baw nagsimpan na kanyat itarakan yat kana Jesus ngayti.

Marcos 8:23

Diyundun ni Jesus i beleg ngayti, tiyaban ya duꞌun it liꞌwan it lansangan. Piyaꞌidan ni Jesus it laway ya i mga mata bawnga tiyapal ya. “Unu,” maat ya, “may magkaltegan mu na nga bagay?”

Marcos 9:27

Temed singkel ni Jesus i alima it waꞌwaꞌ ngayti ka biyangun, langkuy it ipiyatindeg.

Lucas 8:51

Pagꞌabut na Jesus duꞌut balay, iyan lamang i piyabayaꞌ yat siminled, si Pedro, si Juan, si Santiago, inaꞌ baw amaꞌ it waꞌwaꞌ ngayti.

Lucas 8:53

Sinleman na si Jesus it mga taw ngayti ka namuyaan nirang patay na.

Lucas 8:55

Pagkaꞌampang ni Jesus kayti, nagꞌuliꞌnan i ginawa it waꞌwaꞌ ngayti ka egen siꞌ, langkuy it nagbangun. Bawnga isingkat ni Jesus nga pakaꞌnen i waꞌwaꞌ ngayti.

Juan 11:43

Pagkaꞌampang ya kayti, igiyaꞌuy ya nga magꞌaat, “Lazaro, manliꞌwan ka!”

Juan 5:21

Ka in magꞌuꞌunu pagꞌegnen it Amaꞌ i mga miyatay, atkayan naga egnen naga it Anak i kumpur ireg ya nga egnen.

Mga Binwat 9:40

Bawnga inaat sira ni Pedro nga duꞌun na daꞌan sirat liꞌwan. Iyan esa-esa ya mana, nanluud kanya ka nanalangin. Pagkatupus it panalangin ya, siyarunga yay miyatay ngayti baw miyampang. Maat ya, “Tabita, magbangun ka.” Egay beken, nagmukrat nga lagi si Tabita ngayti. Pagkalteg yat ki Pedro, nagbangun na kanya.

Roma 4:17

Ka daꞌga basaꞌan magꞌaat ngayan duꞌun it kasuratan, “Ipiyabetang-betang ku nga ikaw na ngaytu i panggaring-garingan it dakel nga bangsa.” Saꞌup ku sing iꞌaat nga talagang matuman i isiyanggup ngaytit ki Abraham ka egay beken nga simnanggup in daꞌga Ampuꞌang Diyus nga pagpamayaꞌnen baw pagsarigan ya, kanya nga ega basta-bastay guna ka maski taw nga patay, magkaꞌgen ya, baw, mga bagay nga ega paꞌ miyabut, magkapabaraꞌ ya.