Lucas 8:47 - Tagbanwa

⁴⁷ Iyan namuyaan it babay ngayti nga palan ega nataguꞌ it ki Jesus i binwat ya ngayti, magyeyegyeg kanyay nagpatpad bawnga nanluud duꞌun it sarungaan ni Jesus. Ipiyagtuturan ya, nga pagdedngegen it kadakel, in unuka nagpadiꞌkit kanya it ki Jesus baw in magꞌuꞌunu sakaling mindek i duguꞌ ya ngayti nga daꞌna ugaliꞌ.

Lucas 8:47 Iomraidhean Croise

Mateo 28:8

Pagkagneg na Maria ngayti, napanaw na sira. Nagragit iꞌlam baw sagya i kat nakem nira. Mamagpapalagyu sira nga naꞌaduꞌut mga alagad, nga manuturan it iti ngayti.

Marcos 5:33

Paribasay urut it babay ngayti i nagꞌabut it kanya, magyeyegyeg kanyat iꞌlam nga nagpaꞌadeꞌdeng duꞌun it ki Jesus. Nanluud kanya baw isiyugid yay kamatuudan.

Lucas 8:46

“Ega baꞌ,” maat ni Jesus. “Talagang may nagpadiꞌkit it aken, ka may natanudan ku nga keseg it guna ku nga gimnaring sinit bilug ku.”

Lucas 8:48

Ta, mampang si Jesus, maat yat babay ngayti, “Edeꞌ, piyagayen ka sabap it pamayaꞌ mut aken. Masagya ka nayang muliꞌ.”

Mga Binwat 16:29

Pagkagneg ya kayti, nagpaꞌereg-ereg kanya it paduꞌlung it tidaw. Bawnga magpapalagyuy siminled duꞌut pirisuwan baw nanluud kanya kat adapan na Pablo. Magyeyegyeg kanya it iꞌlam.

1 Corinto 2:3

Iyan asan aku pat imyu, panemdem ku, subuk malubay aku na lamang baw subuk magkeber-keber i seled kut iꞌlam, ka in kat sadili ku nga keseg lamang, ega kaya ku nga sumarunga it katengdanan ku.

2 Corinto 7:15

Kayti, subraꞌ na nga pagmaꞌalen kamu ni Tito, ka magkademdeman ya nga piyagnegan mit magayen baw siyunud mit may dakulang iꞌlam i muꞌsa nga ipiyagsasar yat imyu.

Filipos 2:12

Aypaꞌ itu nay ipagbenge-bengel kut imyu, mga pagmaꞌalen ku nga mga sulsug kat pamayaꞌ. Katꞌesang asan aku ngayat imyu, magayen i pagsunud mi it kaꞌirgan it Ampuꞌang Diyus. Ta kayti, nga daꞌku na asan, dapat nga subrang paꞌresan mi i pagsunud mi ngaytu. Kaꞌilangan nga talagang masunud kamu it may kamatuudang paggalang nga may iꞌlam mi it Ampuꞌang Diyus, isaꞌun makumplitu i muꞌsang kubwaten ya kat pangaꞌgenan mi, nga panribri yat imyu.

Hebreo 12:28

Ta, kaꞌadiꞌan ya ngaytu, iyan i egay kaꞌawaꞌan. Aypaꞌ, paribasay may kaꞌuyutan tay aten it kaꞌadiꞌan ngaytu, kaꞌilangan seklen tat maꞌingget i ildaw ngaytut Ampuꞌang Diyus it aten, isaꞌun kasirbi tat kanya it pagsirbi nga magkasagyaan ya, pagsirbi nga may iꞌlam nga paggalang it kanya.

1 Samuel 16:4

Egay beken, siyunud ni Samuel i taꞌeg ngaytit AMPUꞌANG DIYUS it kanya. Naꞌaduꞌun kanya nga matuud it Betlehem. Pagꞌabut ya duꞌun, siyusmu kanyat mga ginuꞌu duꞌut iti nga lansangan. Magꞌerꞌer nay ampang nirat miningkut, maat nira, “Unu naytuy enged mu ngaytu, ikagayen namen naga?”