Lucas 8:46 - Tagbanwa

⁴⁶ “Ega baꞌ,” maat ni Jesus. “Talagang may nagpadiꞌkit it aken, ka may natanudan ku nga keseg it guna ku nga gimnaring sinit bilug ku.”

Lucas 8:46 Iomraidhean Croise

Lucas 5:17

Kaꞌsa nga magpangadal si Jesus, may duꞌun nga mga Pariseo baw mga manigpaꞌyag it mga urdin it Ampuꞌang Diyus. May gimnaring duꞌut mga lansangan nga sakep it Galilea baw sakep it Judea, baw pati duꞌun it siyudad it Jerusalem. Talagang duꞌun nat ki Jesus ngayti i guna it Ampuꞌang Diyus nga ipagkapdek it maski unu nga sarut.

Lucas 6:19

Talagang pagpaꞌresan it mga taw nga makatapal sirat ki Jesus sabap may guna duꞌut kanya nga ipagpedek it sarut.

Lucas 8:47

Iyan namuyaan it babay ngayti nga palan ega nataguꞌ it ki Jesus i binwat ya ngayti, magyeyegyeg kanyay nagpatpad bawnga nanluud duꞌun it sarungaan ni Jesus. Ipiyagtuturan ya, nga pagdedngegen it kadakel, in unuka nagpadiꞌkit kanya it ki Jesus baw in magꞌuꞌunu sakaling mindek i duguꞌ ya ngayti nga daꞌna ugaliꞌ.

1 Pedro 2:9

Temed kamu, mga taw kamu nga piniliꞌ it Ampuꞌang Diyus. Mga adiꞌ kamu kat kaꞌadiꞌan ya, baw mga sasirduti nga magsirbi it kanya. Subung kamu nat esang bangsat taw nga ipiyasiguru it Ampuꞌang Diyus nga talagang kanya na. Piniliꞌ kamu nga mga taawan ya isaꞌun ipatanyag mi i mga kalililuꞌan nga mga buwat ya. Ka kanya i nagpaliꞌwan it imyu kat kadleman it kasalaꞌan isaꞌun mangaꞌgenan kamu kat kaꞌyagan it ega basta-bastang kagayenan ya.