Lucas 8:44 - Tagbanwa

⁴⁴ Inres ya nga makapaꞌadeꞌdeng duꞌut talikudan ni Jesus, bawnga ipiyadiꞌkit yay alima ya duꞌun it ipagkabit kat sagyaden it gulamen ni Jesus. Ta, magkadiꞌkit, magpedek i duguꞌ ya ngayti.

Lucas 8:44 Iomraidhean Croise

Exodo 15:26

Maat ya it kanira, “In talagang tingled i nakem mi kat pagsunud mi it aken, nga buwat mi purus mataldeng kat panleteg ku, baw sunudun mi i muꞌsang mga urdin baw pabetang-betang ku, ega ipalabay ku it imyu i mga sarut nga ipiyapanaw ku duꞌun it mga taga Egipto. Aku ngaytu nga AMPUꞌANG DIYUS i Manigꞌubaꞌubat mi.”

Mateo 20:34

Siyanguꞌan sira nga matuud ni Jesus. Tiyapal yay mga mata nira. Pagkatapal ya, ta, magkalteg na i duwa ngayti, langkuy miyayaꞌ na sira.

Mateo 8:3

Tiyapal kanya ni Jesus, dengan it miyampang nga magꞌaat, “Talagang ireg ku. Kayti nga lagi, gumayen ka naytu!” Pagkaꞌampang ni Jesus kayti, sakaling gimnayen i babangbangen ngayti.

Mateo 9:20

Kaꞌuyutan it mga dimnasun i esang babay nga sang puluꞌ may duwang taꞌun na nga pagduguꞌun it ega na ugaliꞌ. Inres ya nga nakapaꞌadeꞌdeng duꞌut talikudan ni Jesus. Ipiyadiꞌkit yay alima ya duꞌun it ipagkabit kat sagyaden it gulamen ni Jesus.

Marcos 6:56

Talagang maski ari aduꞌunan ni Jesus ngayti, duꞌun it mga baryu, lansangan u babalayan nga duꞌut linibut, ipagdaꞌtun nira duꞌun it mataawun nga mga rugar nga pagpesagen ya i mga pagliliꞌtidan it mga magsarut ngayti. Baw ipagpasanguꞌ-sanguꞌ nga maski diꞌkit, papadiꞌkiten sira it ipagtakin kat sagyaden it gulamen ni Jesus. Talagang muꞌsa nga magkapadiꞌkit, magpanggayen, ka magpedek nay sarut nira.

Lucas 13:13

Bawnga tiyapal ya, dengan it nakaptat na. Egay beken, biyantug it babay ngayti i Ampuꞌang Diyus.

Lucas 7:38

Pagꞌabut ya duꞌun, nagpatpad kanya duꞌut talikudan ni Jesus. Ta it magsugaw kanya, naꞌemeg nat magturuꞌ nga luwaꞌ ya i mga aꞌay ni Jesus. Ta, binwat it babay ngayti, tiyarapuwan yat buꞌuk ya baw sigi nga pamalek yat mga aꞌay ngayti ni Jesus. Bawnga biyuꞌbuꞌan yat babangluun ngayting taban ya.

Lucas 8:43

May esa gasing babay duꞌun nga sang puluꞌ may duwang taꞌun na nga pagduguꞌun it ega na ugaliꞌ. Maski siging paꞌubaꞌubat ya temed egay magkapdek.

Lucas 8:45

Miningkut si Jesus, nga magꞌaat, “Siyuy nagpadiꞌkit it aken?” Ta it egay magpanugid in siyu, kaꞌampang si Pedro, maat ya, “Agalen, maꞌingkut mu paꞌ bay, ungaytu, magdiꞌre-diꞌreten nay taw nga magkadedeg nat imu!”

Juan 5:13

Temed ega magkakilalaan it lalaki ngayti i nagpagayen ngaytit sarut ya, sabap it nakalaꞌuk-laꞌuk siꞌ si Jesus duꞌut kadaklan it taw.

Mga Binwat 19:12

Kamatuudan, basta may nakapadiꞌkit it bilug ya nga lages u pagsambutun nga rambay, nga yanay ipadiꞌkit gasiꞌ duꞌun it mga magsarut, magpedek i sarut nira, u limꞌid i magpapulpug nga maraꞌe-raꞌet.

Mga Binwat 5:15

Ta paribasay dakel nay piyagayen it mga apustul, buwat it mga taw duꞌun, pagtabanen nira i mga magsarut, nga duꞌun nagat pagliliꞌtidan nira nga ikamen, ka ipagduꞌun it tepad it mga karsadaꞌ it siyudad ngayti. Pagꞌiꞌinawaren nira nga in duꞌun i panawan ni Pedro, maꞌlungan lamang i mga magsarut ngaytit aninu ya, gumayen na sira.