Lucas 8:40 - Tagbanwa

⁴⁰ Ta, namagsakay siꞌ na Jesus it nagpaꞌuliꞌ duꞌut sang dipag. Padungguꞌan nira, dakel siꞌ nga taw nga magꞌeꞌlat it kanya. Tiyanggap nira si Jesus it masagyang-masagyay nakem nira.

Lucas 8:40 Iomraidhean Croise

Mateo 9:1

Simnakay siꞌ na Jesus it namagpaꞌuliꞌ duꞌut sang dipag, duꞌun it pagꞌiꞌistaran yang lansangan it Capernaum.

Marcos 12:37

Kayti si David naga i timnaꞌwag it kanya it Ampuꞌan ya. Ta, in atkayan, daꞌga maꞌyag nga ega desang tungtung-inapuꞌ ni David i Cristo ngaytu?” Nagpagneg it magayen i dakel na nga mga taw, ka pagsagyaan nira i panulduꞌ ngayti ni Jesus.

Marcos 5:21

Ta, na Jesus ngayti, simnakay siꞌ it nagpaꞌuliꞌ duꞌut sang dipag it lapnaw ngayti. Magkategday kanya duꞌun it binit, riyamu siꞌ kanyat katataawan.

Marcos 6:20

Sabap magꞌiꞌlam si Herodes it ki Juan ngayti. Ka magkaꞌrutan ya nga si Juan, taw nga mataldeng kat panleteg it Ampuꞌang Diyus baw taw nga nasiguru nga kat Ampuꞌang Diyus na. Aypaꞌ ka ega magpalugut kanya nga imatayen si Juan. Ka ire-ireg ya nga pagneg it mga ipagpanulduꞌ ni Juan, maski na maat ipagkagulu it ulu ya i mga pagꞌaaten.

Lucas 19:48

Temed ega magkaparagan nira in unuy magayeng buwaten, ka puꞌsat taw, magkasaga sirang banar it mga panulduꞌ ngayti ni Jesus.

Lucas 19:6

Limnampud na kanyat padali-daliꞌ baw piyabayaꞌ ya si Jesus duꞌut balay ya it masagyang-masagya.

Lucas 5:1

Kaꞌsa magtitindeg si Jesus duꞌun it tambing it Lapnaw it Genesaret. Riyamu na kanya it dakel na nga pagtaw ka ireg nira nga makagneg it ampang it Ampuꞌang Diyus.

Lucas 8:39

Yay isiyambung ni Jesus it kanya, “Magayen,” maat ya, “muliꞌ ka na duꞌut imyu, ka ituturan mu duꞌun i muꞌsa nga binwat it imu it Ampuꞌang Diyus.” Aypaꞌ napanaw nay taw ngayti. Ipiyanuturan-tuturan ya na duꞌun it muꞌsang lansangan i binwat ngayti ni Jesus it kanya.

Juan 5:35

Si Juan ngayti katꞌesa, kaꞌalimbawaan ya, subuk magsusgu nga tidaw sabap, mga ipiyanulduꞌ ya, minggay it eyag kat pikiran it mga taw. Nasagyaan mit sang dekeyeꞌ i eyag ya ngaytu.

Mga Binwat 10:33

Aypaꞌ, may tiyaꞌeg ku nga lagi nga mamisiꞌ it imu. Nakapanalamat aku ka miyayaꞌ ka. Ta kayti, muꞌsa kami ngaytu nga natingped situ kat panleteg it Ampuꞌang Diyus ka kupaganeg kami it kumpur ipiyagꞌaat yat imu nga ipaꞌyag mu situt amen.”