Lucas 8:30 - Tagbanwa

³⁰ Iningkut kanya ni Jesus, “Ta siyuy ngaran mu?” “Sangbulyugan,” maat i tubag it magpapulpug ngayti, sabap it dakel i maraꞌe-raꞌet nga magpapulpug it taw ngayti.

Lucas 8:30 Iomraidhean Croise

Mateo 26:53

Unu, ega magkaꞌrutan mu nga in ireg ku nga patabang, makaꞌangut aku duꞌun it Amaꞌ ku it rinibu-ribu nga mga anghil? Insigida yan nga papaꞌasituun ya sira.

Mateo 4:24

Nangalaid nay baritaꞌ pasar it mga kalililuꞌan nga buwat ngayti ni Jesus, nakalkep it muꞌsang banwa it Siria. Aypaꞌ ka dakel na nga magꞌabut, nga magtataban it magsarut it dakel nga kalasit sarakiten, pati mga pagpapulpugun it maraꞌe-raꞌet, mga magpulpug nga magpangingsil, baw beken nga may patay nga bagit bilug. Pagpagayenen ya sira nga muꞌsa.

Mateo 8:29

Gimnaꞌuy nga lagi sira, nga magꞌaat, “Unuy lalabeten mut amen, ikaw nga Anak it Ampuꞌang Diyus? Unuy inasitu mu, pakuriꞌan kami na it ega paꞌ naꞌbut i ipiyabetang-betang nga timpu it pangukuman?”

Marcos 16:9

Kadedelman pang banar it Aldaw it Linggo, iyan nagꞌegen nat paꞌuliꞌ si Jesus, uꞌna-uꞌnang kinita ya, si Maria Magdalena. Iti nga babay, pituy inimugaw ni Jesus nga mararaꞌe-raꞌet duꞌun it kanya.

Marcos 5:9

Iningkut kanya ni Jesus, maat ya, “Siyuy ngaran mu?” Maat i tubag it maraꞌe-raꞌet ngayti, “Sangbulyugan, ka talagang dakel kaming magpapulpug kaytu.”

Lucas 8:2

Baw beken nga magbaya-bayat kanya, mga babay nga piyapdek ya i mga sarut baw inimugawan ya it mga magpapulpug nga maraꞌe-raꞌet. Iyan esa, si Maria nga panaꞌwag it kanya, Magdalena. Pituy maraꞌe-raꞌet nga magpapulpug nga inimugaw duꞌut kanya.

Lucas 8:29

Atkayti i inampang ya ka singkat ni Jesus i magpapulpug ngayti nga limꞌid duꞌun it iti nga taw. Talagang tayutay nay pulpug ya ngayti. Maski unuꞌun paꞌ it marigra, ega nay magkabwat. Ka maski panglawan, bayukun it kadina, ega magkaꞌaidan, ka pagbugtuꞌ-bugtuꞌun ya. Ta daran-daranen nayan it magpapulpug ngaytit kanya duꞌun it rugar nga kapupuyangtan.