Lucas 8:3 - Tagbanwa

³ Esa gasiꞌ, si Juana nga asawa ni Cusa nga sarig-sarigan ni Herodes. Esa paꞌ gasiꞌ, si Susana, baw dakel pay beken nga kaꞌibaan nira. Buwat nira, mga sadili nira na nga mga kusas i ipagtabang nirat kana Jesus.

Lucas 8:3 Iomraidhean Croise

Mateo 14:1

Kat iti nga timpu, nakaꞌbut duꞌun it adiꞌ ngaytit Galilea nga si Herodes i baritaꞌ sabap it ki Jesus.

Mateo 14:3

Miyampang si Herodes it atkayti sabap tagnaꞌ, kanya nagay nagpadakep, nagpabayuk baw nagpapirisu it ki Juan, sabap it ki Herodias nga asawa ni Felipe nga sulsug ni Herodes ngayti.

Mateo 14:6

Takaꞌ iyan naꞌbut siꞌ i kaꞌaldawan ni Herodes, miyayliꞌ duꞌun it adapan it mga taw nga inimbitar i babay nga anak ni Herodias ngayti, nga anak naga ni Felipe. Talagang siyagyaan nga banar ni Herodes.

Mateo 2:11

Pagkasled nira duꞌut balay ngayti, naltegan nira i waꞌwaꞌ nga pagsasakbutun it inaꞌ ya nga si Maria. Siyamba nira kanya it magtetꞌem i rupa duꞌun it daꞌtag. Bawnga inukad nira nay mga marerga nga taban nira nga bulawan, pirmirang kamangyan baw marga nga babangluun nga mira, nga ibgay nirat waꞌwaꞌ ngayti.

Mateo 20:8

Iyan magsedep nay aldaw, singkat nat tagpuꞌun ngayti i manigpamaalaꞌ ya. Maat ya, ‘Taꞌwagan mu nay mga urnal ngayti ka tangdanan mu na sirang muꞌsa. Uꞌnaen muy kiyaꞌpusang mga piyabwat ku. Iyan piyabwat ku ngayat uꞌna, ipakiyaꞌpusan mu mana sirat tumangdan.’

Mateo 25:40

Bawnga aaten ku yan nga Adiꞌ nira, ‘Matuud talagay iꞌaat kut imyu. Iyan binwat mi i mga itu ngaytu kat maski piyakatimawaꞌ nga bilang mga sulsug ku, simpri aku na i binwatan mi.’

Mateo 26:11

Seked it kaꞌnu-kaꞌnung timpu kaꞌibaan mi i mga makukuriꞌ, temed aku, ega kaꞌibaan mi it maꞌlay nga timpu.

Mateo 27:55

Duꞌun it alaid, dakel i mga babay nga mamaglalawag. Garing paꞌ duꞌun it Galilea, mamagbaya-bayaꞌ nay iting mga babay ka magsirbi sirat ki Jesus it mga pagkaꞌilanganen ya.

Lucas 24:10

Mga babay ngayti, si Maria Magdalena, si Juana baw si Maria nga inaꞌ ni Santiago, baw may kaꞌibaan paꞌ nirang beken nga mga babay it nanuturan ngayti duꞌun it mga alagad.

Juan 12:6

Iti nga inampang ni Judas, ega maat matuud nga may ildaw yat mga makukuriꞌ, in daꞌga sabap it, kanya, mananakaw. Kanya i magkekpet it pundu nira. Sumang kaꞌanu may paglimat-limaten ya na.

Mga Binwat 13:1

Ta, kaꞌuyutan it gurupu it mga magpamayaꞌ nga duꞌun it Antioquia it iting timpu, may mga prupitaꞌ baw manigtulduꞌ. Si Bernabe ngayti i esa, baw si Simeon, nga panaꞌwag it kanya, Niger, si Lucio nga taga Cirene, baw si Manaen nga ipiyasulsug it adiꞌ nga si Herodes, baw si Saulo.

2 Corinto 8:9

Ka daꞌga baꞌ magkaꞌrutan mi na in sang unu talaga i kadakulaꞌ it kaꞌildaw it Ampuꞌan tami nga si Jesu-Cristo, nga maski ega babasta-bastaen i kabantugan baw kataꞌasan ya duꞌut langit, nagpabalyu nga subuk timawaꞌ nga miskin isaꞌun, kat pagkamiskin ya ngayti, magmanggaden kamu it kagayenan nga duꞌun it langit.

Filipos 4:22

Pati muꞌsang mga beken nga sulsug tami kat pamayaꞌ sini, subraꞌ na sira nga kat pamalay-balay it Impiradur, magkumusta gasiꞌ it imyu.

1 Timoteo 5:10

Kaꞌilangan gasiꞌ nga matanug i mga adat yang magagayen, nga piyadisiran yat magayen i mga anak ya baw pagꞌistimaren yat magayen i mga taw nga magpaꞌabut duꞌut kanya. Egay pagdaꞌgaen ya nga pagsirbi it mga kaꞌibaan ya nga magpamayaꞌ. Pagtabangen yay mga magkakuriꞌan. Baw kaꞌlay ngaytu, yanay pagragaen ya, muꞌsang mga buwat nga magayen.