Lucas 8:20 - Tagbanwa

²⁰ May simnugid duꞌut ki Jesus, nga magꞌaat, “Tabiꞌ, duꞌun bat liꞌwan i inaꞌ mu, sang siraan it mga ariꞌ mu. Ireg nira nga pakikitat imu.”

Lucas 8:20 Iomraidhean Croise

Marcos 6:3

Daꞌga baꞌ kanyay karpintiru nga anak ni Maria baw akaꞌ na Santiago, si Jose, si Judas baw si Simon? Daꞌga baꞌ situ naga magtataꞌid i mga babay nga ariꞌ ya?” Talagang ega pagkilalaen nira kanya.

Lucas 8:19

Miyabut duꞌun i inaꞌ baw mga ariꞌ ni Jesus, temed daꞌsira magkapatpad duꞌun it kanya ka sageksek it taw.

Lucas 8:21

Temed pagkagneg ni Jesus, maat ya, “Eeꞌ mabway mana.” Bawnga maat ya, “Iyan i bilang inaꞌ baw sulsug ku, mga magpagneg it ampang ngaytut Ampuꞌang Diyus baw pagsunudun niray pagꞌaaten.”

Mga Binwat 1:14

Muꞌsa ngayti, urunyun talaga sira kat papaꞌres nga panalangin. Kaꞌibaan nira naga kat panalangin ngayti i mga babay, pati si Maria nga inaꞌ ni Jesus, baw mga ariꞌ nga lalaki ni Jesus, duꞌun gasiꞌ.

1 Corinto 9:5

In ipagpanlekep namen i Magayeng Baritaꞌ, daꞌga baꞌ may pudir namen nga pabayaꞌ it asawa, basta subung nga magpamayaꞌ, nga subung it ki Pedro, iyan beken nga mga apustul, baw iyan mga sulsug it Ampuꞌan?

Galacia 1:19

Kat iting timpu nakitaan ku gasiꞌ si Santiago nga ariꞌ it Ampuꞌan. Duwa lamang ngayti i nakitaan ku nga apustul. Ega nay beken.