Lucas 8:15 - Tagbanwa

¹⁵ Baw itu, paꞌaaten ngaytu nga nasaꞌbugan nga magayeng lugtaꞌ, mga taw nga magayen i adat, nga pagpamayaꞌnen nirat kamatuudan i nagnegan nira nga ampang it Ampuꞌang Diyus. Ta it ipagdawaꞌ na duꞌun it ulu, baw pagpaꞌresan it pagsunudun, aypaꞌ ka magbuwaꞌ it magayen i pamayaꞌ nirat kanira.”

Lucas 8:15 Iomraidhean Croise

Jeremias 31:33

Itu siꞌ i ipakiꞌupakat ku it bangsa nga Israel kat pagdadarapaꞌen. Mga urdin ku, idawaꞌ ku na kat ulu nira baw ipatdek ku nang banar kat nakem nira. Simirbi sirang matuud it aken nga Ampuꞌang Diyus nira, baw arigraen ku sirang banar nga mga taawan ku.

Mateo 24:13

Temed iyan maneꞌteꞌ i pagsarig baw pamayaꞌ yat aken seked it maꞌbut nay umur, siguradu yan nga maribri.

Lucas 11:28

Temed timnubag si Jesus, nga magꞌaat, “Yay matuud, subraꞌ pang magkasagya i magpagneg it ampang it Ampuꞌang Diyus baw pagsunudun ya.”

Lucas 6:45

Ta atkayan naga i taw. Sabap taw nga magayen i adat, pirmi nga magayen i magliꞌwan kat baꞌbaꞌ ya, sabap purus magayen i ipagdawaꞌ ya kat nakem ya. Takaꞌ taw nga purus maraꞌe-raꞌet i magdadawaꞌ kat nakem ya, purus naga maraꞌe-raꞌet i magliꞌwan kat baꞌbaꞌ ya. Ka makilalaan kat ampang it taw i in unuy magdadawaꞌ kat nakem ya.”

Lucas 8:14

Ta, maresaen ngaytu nga nasaꞌbugan, iyan mga taw nga mamagpagneg it ampang it Ampuꞌang Diyus, temed in maꞌlay, madaꞌgan siꞌ i pamayaꞌ nira ka nasasaw nay pikiran nirat mga pagregnan baw mga paglabiyen nira nga subuk kamanggadan baw kasagyaan. Aypaꞌ ka ega ipagkabwaꞌ kat pangaꞌgenan nira.

Lucas 8:16

Ipiyasigi ni Jesus i ampang ya. Maat ya, “Egay taw nga, pagkapagket yat tidaw, sukruban ya it guriꞌ u iduꞌun ya it sirib it irigaꞌan. Simpri iduꞌun ya talaga it dadaꞌtunan, nga maltegan it mamagseled i eyag ya.

Juan 14:15

“In matuud nga pagmaꞌalen mi aku, simpri sunudun mi i mga urdin ku.

Juan 15:10

In pagsunudun mi nga pirmi i mga urdin ku, subrang magkamuyaan mi i pagmaꞌal ku ngaytut imyu. Subuk aken, siyunud ku nga muꞌsa i mga urdin it Amaꞌ ku, aypaꞌ magkamuyaan ku nga banar i pagmaꞌal yat aken.

Roma 2:7

May mga taw nga mapiyaꞌres it buwat it magagayeng pagbuwaten ka iyan nagay kat nakem nira, nga galangen sira nga sakpen it ega basta-bastang kabantugan duꞌun it langit, baw begayan it egay kaskedang kaꞌgenan. Ta, sira ngaytu, siguradung begayan it kaꞌgenan ngaytu nga egay kaskedan.

Roma 6:22

Temed ta, kayti nga piyaliꞌwan kamu na kat pamegbeg it kasalaꞌan, kayti nga nagpaꞌuripen kamu na it Ampuꞌang Diyus, dakulay kapulusan ya ka magpangaꞌgenan kamu na uyun kat kaꞌirgan ya, nga egay beken nga uliꞌan kaytu, kaꞌgenang egay kaskedan.

Roma 7:18

Magkaꞌrutan ku nga, sabap it singkadan ku nga kaꞌiꞌirgan nga maraꞌe-raꞌet, subuk karaꞌe-raꞌetan nga bulun i magbabanwa situt aken. Ka maski ireg ku nga ireg nga muwat it magagayen nga bagay, temed in sadili ku lamang talagang ega kaya ku nga muwat it magayen ngaytung magkapikir ku.

Roma 7:4

Ta, atkayan nagay karibriyan ta, mga kasulsugan ku. Ka tagnaꞌ, subuk inasawa ta it mga urdin nga yanay magbebegbeg it aten. Temed paribasay subuk natay tami na nga iba ni Cristo duꞌut krus, daꞌta na kat pamegbeg it mga urdin ngaytu. Kayti, belag nay asawa ta, ka inggen si Cristo it paꞌuliꞌ baw subuk inasawa ya na kita. Aypaꞌ kanya na i magbebegbeg it aten isaꞌun mangaꞌgenan ta nat pangaꞌgenang mataldeng kat ikabantug it Ampuꞌang Diyus.

Roma 8:25

Temed in ega paꞌ miyabut i pagpapaꞌbutun ta, elatan tami it teꞌteꞌ talaga i paniguru ta ngaytu.

1 Corinto 7:19

Ka yay matuud, ega naga impurtantiꞌ in naturiꞌan kanya u ega. In daꞌga iyan talagay impurtantiꞌ, pagsunud it muꞌsang ipagpasunud it Ampuꞌang Diyus nga kaꞌirgan ya.

Efeso 2:8

Talagang kaꞌildaw ngaytut Ampuꞌang Diyus, yanayan i puꞌun it naribri tami na kat panriga yat kasalaꞌan tami, sabap it pagsarig baw pamayaꞌ tami it ki Cristo. Baw maski pagsarig baw pamayaꞌ ta ngaytu, ipagbegay yat aten, egaytu maat kitay garing.

Filipos 1:11

Baw mamuyaan kat pangaꞌgenan mi nga mataldeng i adat mi, kat ikabantug it Ampuꞌang Diyus. Temed kagayen ngaytu it adat mi, mapakay lamang tu kat tabang ni Jesu-Cristo.

Colosas 1:10

Ka in atkayan, makapangaꞌgenan kamu nat pangaꞌgenan nga kasasagyaan it Ampuꞌan, pangaꞌgenan nga bagay it mga maglalagpit it kanya, ka subuk magtumbud kat pangaꞌgenan mi i muꞌsang buwat nga magagayen baw magdudungag-dudungag i kasepsep mi it adat baw kaꞌirgan it Ampuꞌang Diyus.

Colosas 1:6

Egaytu lamang asat imyu i inabutan it kamatuudan ngaytu in daꞌga maglekep naytu it banwa. Baw paꞌari-ari nga pagꞌabutun ya magbaꞌguy adat it mga magpamayaꞌ, subung nagat imyu garing it uꞌnang pagkagneg mit ildaw ngaytut Ampuꞌang Diyus baw pagkatantu mi nga kamatuudan talagaytu.

Hebreo 10:36

Kaꞌilangan nga temeꞌteꞌ kamu isaꞌun masunud mi nga banar i kaꞌirgan it Ampuꞌang Diyus. Bawnga in atkayan matanggap mi i isiyanggup ya.

Hebreo 2:1

Aypaꞌ, kayti, dapat tang ipakagat it maꞌingget kat nakem tami i kamatuudan nga ipiyangadal it aten isaꞌun daꞌtami rumarad.

Santiago 1:4

Baw kaꞌilangan nga papaꞌres i pamayaꞌ ta nga magpaneꞌteꞌ nga mapaꞌgen, isaꞌun sagyaan tami nga banar it Ampuꞌang Diyus, nga ega nay kakurangan it kagayen it adat ta.

1 Juan 2:3

Pagsisiguruun ta naytu nga kilala ta nay Ampuꞌang Diyus, basta pagsunudun tat magayen i mga ipiyagꞌurdin ya.