Lucas 8:14 - Tagbanwa

¹⁴ Ta, maresaen ngaytu nga nasaꞌbugan, iyan mga taw nga mamagpagneg it ampang it Ampuꞌang Diyus, temed in maꞌlay, madaꞌgan siꞌ i pamayaꞌ nira ka nasasaw nay pikiran nirat mga pagregnan baw mga paglabiyen nira nga subuk kamanggadan baw kasagyaan. Aypaꞌ ka ega ipagkabwaꞌ kat pangaꞌgenan nira.

Lucas 8:14 Iomraidhean Croise

Mateo 13:22

Ta itu, nasaꞌbugan ngaytu nga maresaen, sira nga mamagpagneg it ampang it Ampuꞌang Diyus, temed sasaw i pikir kat mga bagay nga situt banwa. Kupadakulaꞌ it kamanggadan i kanget kat nakem nira. Unupat ampang ngaytut Ampuꞌang Diyus, magkadaꞌgan na it itu nga kat pikir nira. Aypaꞌ ka egay buwaꞌ it pamayaꞌ kat pangaꞌgenan nira.

Marcos 4:19

temed sasaw i pikir kat mga bagay nga kanget it nakem situt banwa. Subung it kupadakulaꞌ it kamanggadan ngaytu nga magpangakal lamang baw maꞌirak sirat beken paꞌ nga mga bagay. Unupat ampang ngaytut Ampuꞌang Diyus, magkadaꞌgan na it itu nga kat pikir nira. Aypaꞌ ka egay buwaꞌ it pamayaꞌ kat pangaꞌgenan nira.

Lucas 16:13

Yay matuud, egay maski siyu nga manigsirbi nga kapagsirbi it duway agalen. Ka barang isgan ya nay sangbat, esa mana i maꞌalen ya. U in daꞌga, esa mana nga agalen i pagsirbiyan yat kamatuudan, iyan esa tibabaꞌen ya na. Ta atkayan naga, talagang ega mapakay nga sirbiyan mit kamatuudan i Ampuꞌang Diyus basta pagrinut it betang i kanget it nakem mi. Aypaꞌ ipasakep mit kanya i muꞌsa.”

Lucas 21:34

Beteꞌ magꞌintur kamu nga ega yay subrang pagragaen mi, pagkasagyaan baw pagmaꞌinimnun. Baw inturun mi nga ega yanay magdadaꞌeg kat nakem mi nga yay pagpipikiren mi nga pirmi, mga bagay kat kayti nga kaꞌgenan. Ka basta atkayan, siguradu talaga nga matarantaꞌ kamu pagꞌabut ku, ka daꞌkamu alistu.

Lucas 8:13

Iyan beken nga subung it mabatuun nga nasaꞌbugan, mga taw nga pagkagneg nirat ampang it Ampuꞌang Diyus, pamayaꞌnen nirang lagi it masagya. Temed ega ipagdawaꞌ nirat magayen kat ulu nira. Aypaꞌ ka daꞌsira magpaneꞌteꞌ kat pamayaꞌ nira, nga subuk luwak nga ega maggagamut. Pagꞌabut it sukdan, mangindiꞌ nga lagi.

Lucas 8:15

Baw itu, paꞌaaten ngaytu nga nasaꞌbugan nga magayeng lugtaꞌ, mga taw nga magayen i adat, nga pagpamayaꞌnen nirat kamatuudan i nagnegan nira nga ampang it Ampuꞌang Diyus. Ta it ipagdawaꞌ na duꞌun it ulu, baw pagpaꞌresan it pagsunudun, aypaꞌ ka magbuwaꞌ it magayen i pamayaꞌ nirat kanira.”

Lucas 8:7

Iyan beken, maresaen i nasaꞌbugan. Pagkeseg it ilamunun ngayti, daꞌna nakabwaꞌ i mga luwak ngayti ka nalmes na.

Juan 15:6

Iyan ega maneꞌteꞌ situt aken, ibuntal na ka ipablag subuk sanga nga siyapiꞌ. Ta, yang mga sanga, in patay na, rinutun baw idaꞌpug duꞌut apuy isaꞌun maꞌanteng.

1 Timoteo 6:17

Iyan mga magpamayaꞌ nga manggaden, aaten mu nga daꞌsira pataꞌas-taꞌas. Ayaw sirat sarig it kamanggadan ngayan ka ega yan magpaneꞌteꞌ. Iyan talagay magayen nga sarigan nira, Ampuꞌang Diyus nga ipagbastanti yat mildaw i muꞌsang mga bagay nga pagkaꞌilanganen ta, isaꞌun makasagya tami.

2 Timoteo 4:10

Ka tiyananan aku na ni Demas, sabap it nalabi siꞌ it mga sadili nga pagsagyaan it bilug. Kayti duꞌun kanya it Tesalonica. Ki Cresente, nagpaGalacia na. Ki Tito, duꞌun it Dalmacia.

Hebreo 6:1

Aypaꞌ ega na mga uꞌna-uꞌna ngayti nga ipagpangadal pasar it ki Cristo i tegelan tat madal in daꞌga iyan na nga megay it dakulaꞌ nga kasepsep. Ega madungagan i kasepsep mi in mga uꞌna-uꞌna ngayting ipagpangadal lamang i pirmi nga pagsaꞌu-saꞌupun. Ka sana maꞌyag nat imyu i pangadal nga ega maꞌaten i karibriyan kat pagsarig tat mga magagayeng pagbuwaten tami, in daꞌga kat pagsarig baw pamayaꞌ ta lamang it Ampuꞌang Diyus.