Lucas 7:8 - Tagbanwa

⁸ Ka naꞌubas akut ampang nga ipagsekat, sabap may pagbayaꞌen ku nga magsekat it aken, baw may mga sundaluꞌ nga pagsekaten ku gasit aken. In aaten ku i sang kataawan, ‘Mapanaw ka,’ talagang mapanaw kanya. Ta in esa siꞌ, aaten ku, ‘Paꞌasini ka,’ magꞌaduꞌun kanya nga matuud it aken. Atkayan naga i taraꞌgen ku, in sekaten ku nga, ‘Buwaten muy ituꞌun,’ buwaten ya nga matuud.”

Lucas 7:8 Iomraidhean Croise

Lucas 7:7

Baw ta, ega gasiꞌ mapakay nga madap aku it imu ka landaw ka paꞌ talaga it aken. Pagsisiguruun ku nga, ampang mu lamang, gumayen talagay taraꞌgen ku ngayni.

Lucas 7:9

Naliluꞌ si Jesus, pagkagneg ya kayti. Siyarunga ya i bulyug nga mamagbaya-bayaꞌ it kanya baw miyampang, nga magꞌaat, “Yay matuud, talagang egay namuyaan ku nga maski siyu situt mga Judio, nga mga tungtung-inapuꞌ ni Israel, nga atkaytuy kadakulaꞌ it pamayaꞌ yat aken.”

Mga Binwat 23:17

Pagkagneg ni Pablo kayti, tiyaꞌwagan yay esang kapitan it sundaluꞌ baw inaat ya, “Asi-asi pat imu, tabanen muy waꞌwaꞌ ngaytu duꞌut piyakapagbayaꞌen mi ka may ikututuran ya duꞌun.”

Mga Binwat 23:23

Pagkagaring it waꞌwaꞌ ngayti, tiyaꞌwagan it piyakapagbayaꞌen ngayti i duwang kataawan nga mga kapitan it taga sang gatus nga sundaluꞌ ka inaat ya, “Paꞌalistuun mi i muꞌsang taawan mi baw dungagan mi sirat pitung puluy mangangabayuꞌ baw duwang gatus i mamagbebesak, ka ipaduꞌlung ku si Pablo duꞌun it Cesarea. Gumaring kamu in ararem nay delem.

Mga Binwat 23:26

“Kagalang-galang nga Gubirnadur Felix, Aku nga si Claudio Lysias, magpangumusta it imu.

Mga Binwat 23:31

Egay beken, siyunud nga lagi it mga sundaluꞌ i isingkat ngaytit kanira. Pagdelem pinsiꞌ nira si Pablo ka namagpanaw na. Naꞌaldawan it kanira, duꞌun it Antipatris.

Mga Binwat 24:23

Bawnga ipiyakarguꞌ ya si Pablo duꞌun it esang kapitan it sundaluꞌ. Temed ipiyagꞌaat ya nga ega naga masyadung igpitan baw ega gasiꞌ paaren i mga iba-iba yang magpasyar duꞌun it kanya nga magtabang kat mga pagkaꞌilanganen ya.

Mga Binwat 25:26

Temed ta, egay magkaꞌrutan ku nga masurat ku pasar it kanya ngaytu nga mapakay nga ipataban duꞌun it agalen ku ngayti. Aypaꞌ ka kayti, ipagpaꞌadap ku kanya situt kadakel mi, subraꞌ na situt imu, kagalang-galang nga Adiꞌ, isaꞌun in maꞌimbistigar kanya, may makabtang ku na duꞌut surat nga ipataban duꞌun.

Colosas 3:22

Kamu gasiꞌ nga mga uripen, kaꞌilangan sunudun mit magayen i muꞌsang taꞌeg it imyu it mga agalen mi situt banwa. Ega maat paꞌresan mi i pagsunud mi in pagleltegan kamu ga it agalen mi isaꞌun sagyaan ya kamu. Yay magayen, sunudun mi sira it masagyay nakem kat kadakulat paggalang mi it Ampuꞌang Diyus.