Lucas 7:7 - Tagbanwa

⁷ Baw ta, ega gasiꞌ mapakay nga madap aku it imu ka landaw ka paꞌ talaga it aken. Pagsisiguruun ku nga, ampang mu lamang, gumayen talagay taraꞌgen ku ngayni.

Lucas 7:7 Iomraidhean Croise

Exodo 15:26

Maat ya it kanira, “In talagang tingled i nakem mi kat pagsunud mi it aken, nga buwat mi purus mataldeng kat panleteg ku, baw sunudun mi i muꞌsang mga urdin baw pabetang-betang ku, ega ipalabay ku it imyu i mga sarut nga ipiyapanaw ku duꞌun it mga taga Egipto. Aku ngaytu nga AMPUꞌANG DIYUS i Manigꞌubaꞌubat mi.”

Marcos 1:27

Talagang namagkaliluꞌ i kadakel ngayti. Ingku-ingkutun i buwat nira, “Unu baytu? Baꞌgung ipagpangadal? Ka ungaytu, may pudir ya nga sekaten yay pati maraꞌe-raꞌet bawnga pagpamayaꞌnen kanya.”

Lucas 4:36

Naliluꞌ sira nga muꞌsa. Maamaatan sira, “Unu na bayang ampang i atkayan? Ka ungayan, may pudir ya baw ega basta-bastang keseg nga surarawun yay pati mga maraꞌe-raꞌet bawnga limꞌid sira kat pagpapulpugun nira.”

Lucas 5:13

Tiyapal kanya ni Jesus, dengan it miyampang, nga magꞌaat, “Talagang ireg ku. Kayti nga lagi, gumayen ka naytu!” Ta, sakaliꞌ nga nagsipat i bangbang ya ngayti.

Lucas 7:6

Egay beken, miyayaꞌ si Jesus it kanira. Iyan adeꞌdeng na sirat balay, ipiyasusmu it kapitan ngayti it mga iba-iba ya si Jesus, sugidan it ampang ya nga magꞌaat, “Agalen, pagsisiguruun ku nga maski daꞌka na lumangbus sinit balay ku. Ka ega talaga mapakay nga tuyuꞌun mu aku sinit balay ku sabap subraꞌ ka nga mataꞌas.

Lucas 7:8

Ka naꞌubas akut ampang nga ipagsekat, sabap may pagbayaꞌen ku nga magsekat it aken, baw may mga sundaluꞌ nga pagsekaten ku gasit aken. In aaten ku i sang kataawan, ‘Mapanaw ka,’ talagang mapanaw kanya. Ta in esa siꞌ, aaten ku, ‘Paꞌasini ka,’ magꞌaduꞌun kanya nga matuud it aken. Atkayan naga i taraꞌgen ku, in sekaten ku nga, ‘Buwaten muy ituꞌun,’ buwaten ya nga matuud.”