Biblia Todo Logo
Bìoball air-loidhne

- Sanasan -




Lucas 7:47 - Tagbanwa

47 Aypaꞌ matuud i iꞌaat kut imu, kat kadakulaꞌ it pagmaꞌal ngaytu nga ipiyalteg ya, magpamatuud tu nga ipiyasinsiya nat kanya i muꞌsang kasalaꞌan ya, maski dakulaꞌ na nga talaga. Temed dekeyeꞌ i pagmaꞌal it taw nga dekeyeꞌ naga i piyasinsiya it kanya.”

Faic an caibideil Dèan lethbhreac




Lucas 7:47
25 Iomraidhean Croise  

“Paꞌasini kamu it aken,” maat it AMPUꞌANG DIYUS, “isaꞌun makapagsugi-sugid tami. Ka yay matuud, maski sang unu na nga kadakulaꞌ it kasalaꞌan mi, siguradu nga mapasinsiya ku naga yan. Maski na maat marignaꞌ kamu na nga marignaꞌ sabap it kasalaꞌan mi, malimpiyuꞌ kamu yan nga ega nay maski barnaꞌ it kadamil-damil mi.


Iyan mga pagbuwaten it mga taw nga maraꞌe-raꞌet i adat, dapat na nga indiꞌan, baw iyan mga kamaliꞌ nga kat pikiran, baꞌguun na. Kaꞌilangan paꞌuliꞌ sira baw pasakep siꞌ it AMPUꞌANG DIYUS tami, ka kanya, maꞌildaw nga matuud baw mapiyasinsiya.


Iyan taw nga subrang pagmaꞌalen yay amaꞌ u inaꞌ ya, nga subraꞌ paꞌ it pagmaꞌal yat aken, ega mapakay kanya nga taawan ku. Baw iyan magmaꞌal it anak ya nga subraꞌ paꞌ it pagmaꞌal yat aken, ega mapakay kanya nga taawan ku.


Pagkalteg it Pariseo ngayti nga minimbitar it ki Jesus, maat i kat nakem ya, “In talagang prupitaꞌ i itung taw, simpri magkaꞌrutan ya in unu nga kalasit babay i magtapa-tapal ngaytut kanya, ka babay tu nga makasalaꞌan.”


Daꞌga gasiꞌ binggayan mu akut idaprus it ulu ku nga maski iyan lana nga garamiten it aldaw-aldaw. Temed kanya, babangluun i idiyaprus yat mga aꞌay ku.


Bawnga inaat ni Jesus i babay ngayti, “Ipiyasinsiya na talaga it imu i mga kasalaꞌan mu.”


Pagkaꞌgen it kanya, miyuliꞌ na duꞌun it langit ka binggayan nat Diyus Amaꞌ it ega basta-bastang kataꞌasan duꞌun it iwanan nga ayun ya. Baw kanya na ngaytu i Manigpamegbeg baw Manriribri tami, nga magbegay nat aten nga mga tungtung-inapuꞌ ni Israel nga masinguliꞌan baw indiꞌan i mga kasalaꞌan tami isaꞌun mapasinsiya.


Iyan naꞌlay na, ipiyaꞌrut nat Ampuꞌang Diyus i mga urdin ya, isaꞌun subraꞌ nga makilalaan it taw i kadakulat pagranggaꞌ nirat mga urdin ngaytu. Temed maski sang unuy kadakulat kasalaꞌan it taw, subrang-subraꞌ nga magbastanti i ildaw it Ampuꞌang Diyus.


Talagang kat muꞌsang pagbuwaten namen, yay magdadaꞌeg kat nakem namen, iyan nga kadakulat raras ni Cristo it aten. Ka in sangbat nga taw, natay nga biyatuꞌan yay muꞌsang taw, aypaꞌ kamataynen ya ngayti, ipagpabetang na nga kamataynen it puꞌsa.


In maglalagpit tami nat ki Cristo Jesus talagang ega nay kuwintaꞌ it pagturiꞌ ngaytu in naturiꞌan u ega. Iyan i ega matuduꞌ, kamatuudang pamayaꞌ baw pagsarig it ki Cristo ngaytu nga magkamuyaan kat kadakulat raras tat masigkataw ta.


Ipagpanalangin ku gasiꞌ nga subraꞌ nga begayan it ildaw it Ampuꞌang Diyus i muꞌsa nga may kamatuudang pagmaꞌal it Ampuꞌan tami nga si Jesu-Cristo.


Magsisigi nga ipagpanalangin ku duꞌun it Ampuꞌang Diyus nga dumakulaꞌ pang dumakulaꞌ i imyu nga pagmaꞌal, baw kumaꞌrut kamung banar, nga kamatuudan i kasepsep mi,


Yay matuud, talagang subray basta i ildaw it aken it Ampuꞌan tami. Inildawan ya akut sumarig baw mamayaꞌ it kanya baw may raras ku na it mga magpamayaꞌ it kanya. Pamayaꞌ baw kararas ngaytu, ildaw yat aken sabap it pakilagpit ku nat kanya nga si Cristo Jesus.


Temed in pirmi ta nga magpangaꞌgenan uyun kat kaꞌyagan, nga alaid kat kasalaꞌan, subung nagat Ampuꞌang Diyus, nga kanya, purus kat kaꞌyagan talaga, magayen talagay pakiꞌiba-iba tami nga magpamayaꞌ it kanya. Baw iyan timnuruꞌ nga duguꞌ ni Jesus nga Anak ya, paglimpiyuꞌun ya kita, ka pagꞌawaꞌen yay muꞌsang kasalaꞌan ta.


Kamu nga bilang anak ku, iyan bay magayen, ega desang ipagsugid ta nga magsigraras tami, in daꞌga ipagpalteg ta kat mga pagbuwaten ta nga kamatuudan i raras ta ngaytu.


Yay matuud, may pagmaꞌal baw kararas tami nay aten sabap it pagmaꞌalen baw pagrarasan ta nga lagi it Ampuꞌang Diyus.


Ituytu i paꞌaaten nga pagmaꞌal tat Ampuꞌang Diyus, masunud tami it mga urdin ya. Ka mga urdin ya ngaytu, ega nagaytu subraꞌ nga mabeꞌgat.


Lean sinn:

Sanasan


Sanasan