Lucas 7:42 - Tagbanwa

⁴² Iyan egay magkaparagan it duwa ngayti nga ibayad, binwat it kinaꞌutangan nira, pinwas ya na lamang. Ta, kayti, siyu manggid it kanira nga duwa i subrang magmaꞌal it kanya?”

Lucas 7:42 Iomraidhean Croise

Mateo 18:27

Siyanguꞌan kanya nga matuud it adiꞌ ngayti. Egay beken, pinwas na lamang i muꞌsa ngayting utang ya baw piyaꞌuliꞌ na kanya.

Mateo 18:34

Egay beken, kat kadakulaꞌ it iseg it adiꞌ ngayti, ipiyapirisu ya seked it mabayadan yang muꞌsa i utang ya ngayti.

Mateo 6:12

Pasinsiyaen mu naga i mga kasalaꞌan namen, nga subung it pagbuwaten namen nga pagpasinsiyaen namen i mga magkasalaꞌan sinit amen.

Lucas 7:43

Katubag si Simon, “Kat aken lamang, siguru iti, dakulaꞌ ngayting utang nga pinwas ya.” “Matuud mu yan,” maat ni Jesus, “i inaat mu ngayan.”

Roma 3:24

Temed maski atkaytu na, ipagꞌildaw nat Ampuꞌang Diyus kat mga taw i kataldengan ngaytu kat panleteg ya. Ka duꞌun it kamataynen ni Cristo Jesus ipiyagribri ya na i katataawan kat panriga it Ampuꞌang Diyus sabap it mga kasalaꞌan nira.

Roma 5:6

Panawun it pikiran mi i kadakulat raras ngaytut Ampuꞌang Diyus. Sabap, iyan ega talagay mabwat it taw isaꞌun maribri kat panriga sabap it kasalaꞌan nira, kat timpu nga ipiyabetang-betang it Ampuꞌang Diyus, ipiyalampud ya si Cristo nga paturuꞌ it duguꞌ ya ka tumanggung it kasalaꞌan it taw.

Galacia 3:10

Takaꞌ iyan muꞌsa nga pagsunud nirat mga urdin kat rilihiyun it mga Judio i pagpaꞌresan nira isaꞌun maribri, pagsasakpan sirat panriga it Ampuꞌang Diyus. Sabap magbebtang duꞌun it kasuratan nga magꞌaat, “Siguradung rigaen it Ampuꞌang Diyus i ega magsunud it kaꞌustuꞌan it muꞌsang mga urdin nga magbebtang situt kasuratan ngaytu.”

Efeso 1:7

Ka sabap it duguꞌ nga ipiyaturuꞌ ni Jesus ngaytu, ribri tami na kat panriga it Ampuꞌang Diyus sabap it mga kasalaꞌan tami. Napasinsiya nat aten i muꞌsa. Talagang egay kasbung it kaꞌildaw ya ngaytu

Efeso 4:32

Baw itu nay magayen nga adaten mi, kaꞌilangan masakit kat nakem mi i makuring kabetangan it maꞌiba mi baw maꞌildaw kamu nat esa may esa. Magpasi-pasinsiyaen kamu gasit esa may esa nga subung it pagpasinsiya it Ampuꞌang Diyus it imyu sabap it pagsarig mi it kamataynen ni Cristo.

Colosas 3:13

Magpasi-pasinsiyaen kamu na it maꞌiba mi, nga pagsagkaꞌen mi it magayen i nakem i kasalaꞌan nira asat imyu. In magꞌuꞌunu piyasinsiya ni Cristo i kasalaꞌan mit imyu, atkayan naga i pasinsiya mi it beken.