Lucas 7:4 - Tagbanwa

⁴ Pagꞌabut it mga tiyaꞌeg ngayti duꞌut ki Jesus, magpasanguꞌ-sanguꞌ sira na nga magpangabang. Maat nira, “Bagay it kapitan ngayti i tabangen mu, ka talagang magayen i adat ya.

Lucas 7:4 Iomraidhean Croise

Mateo 10:11

Ta maski ari nga lansangan u baryu i abutan mi, iyan i tulusun mi, taw nga magayen i adat nga magꞌistimar it imyut magayen. Duꞌun i istaran mi mintras duꞌun kamu it iti nga rugar.

Mateo 10:13

Ta, makaniraytu nga matuud basta pamayaꞌnen niray panulduꞌ mi, temed in ega, ta ega naga.

Lucas 20:35

Temed in asan nat egnen nat paꞌuliꞌ i mga miyatay, iyan mga taw nga inildawan it Ampuꞌang Diyus nga kasled duꞌun it kaꞌadiꞌan ya duꞌut langit, ega na magꞌasa-asawaen sira,

Lucas 7:3

Pagkabaritaꞌ it kapitan ngayti it duꞌun si Jesus, may piyapaꞌaduꞌun ya nga mga Judio nga ginuꞌu ka mamisiꞌ it ki Jesus ka ipagꞌabang yay taraꞌgen ya ngayti.

Lucas 7:5

Sabap pagrarasan ya i bangsa ta ngaytu baw piyabwatan ya paꞌ kita it papagsambaan tami.”

Mga Binwat 10:2

Iting taw, maski ega Judio kanya, masiyambaen kanya baw paggalangen ya it may iꞌlam i Ampuꞌang Diyus. Atnaga i kapuꞌsaan kat pamalay-balay ya. Talagang matiyabangen kanya it mga makukuriꞌ baw pirmi gasing magpanalangin duꞌun it Ampuꞌang Diyus.

Mga Ipiyalteg 3:4

Temed may pira naga asan it Sardis nga maꞌintur, nga ega naga nakakursud duꞌun it mga mararaꞌway nga pagbuwaten. Talagang magkapakay sira nga kaꞌibaan ku duꞌun it kaꞌadiꞌan ku nga magpapakay it maputiꞌ.