Lucas 7:39 - Tagbanwa

³⁹ Pagkalteg it Pariseo ngayti nga minimbitar it ki Jesus, maat i kat nakem ya, “In talagang prupitaꞌ i itung taw, simpri magkaꞌrutan ya in unu nga kalasit babay i magtapa-tapal ngaytut kanya, ka babay tu nga makasalaꞌan.”

Lucas 7:39 Iomraidhean Croise

2 Mga Adiꞌ 5:20

kat nake-nakem ni Giezi nga katabang ni Eliseo ngayti nga prupitaꞌ it Ampuꞌang Diyus, “Unuka ega tiyanggap it agalen ku i ipagbegay ngaytut kanya it taga Siria ngayti nga si Naaman? Aaꞌ, magayen siguru, tundugun ku. Akuy pabgay it maski unu na lamang.”

Mateo 20:16

Maat pay paꞌugdun ni Jesus, “Subung tu it pagꞌaaten ku ngayan nga maat ku, may mataꞌas kayti kat pabetang it taw, nga baraꞌan nira raꞌyat. Baw may raꞌyat lamang kayti nga baraꞌan nira mataꞌas duꞌun it kaꞌadiꞌan it Ampuꞌang Diyus.”

Mateo 21:11

Tumubag i kadakel ngayti nga mamagbayaꞌ it ki Jesus, “Bilaꞌ, si Jesus ngayan bang prupitaꞌ nga taga Nazaret nga sakep it Galilea.”

Marcos 7:21

Sabap magpanggaring kat nakem it taw i muꞌsang maraꞌe-raꞌet nga pagpikiren, nga magtaban it taw kat mga itu ngaytung pagbuwaten. Esa, iyan pagbuwaten nang lagi it ega paꞌ nagꞌasawa i nagꞌasawa lamang i mapakay nga muwat. Baw mga itu paꞌ gasiꞌ, panakaw, pangimatay,

Lucas 12:17

May esang taꞌun nga simnubraꞌ kat karebtangan i piyatbasan ya. ‘Aaꞌ,’ maat ya, ‘unu pay mabtangan ku kaytu?

Lucas 15:2

Temed remeteng-retengan i mga Pariseo baw manigpaꞌyag it urdin. Maamaatan sira, “Talagang itung taw, pagpakikumbiꞌlidan yay mga makasalaꞌan baw magpakikaraꞌnen paꞌ it kanira.”

Lucas 16:3

Pagkagneg it manigpamaalaꞌ ngayti, maat i kat nakem ya, ‘Itu palan, awaꞌen aku na nga manigpamaalaꞌ it agalen ku ngaytu. Unu naytuy buwaten ku? Ega kaya ku nga muwat it mabeꞌgat nga subuk magkali. Magꞌeyaꞌ aku gasiꞌ in paꞌildaw-ildaw aku nga pabgay.

Lucas 18:4

Kat suliꞌ-suliꞌ ya na ngayti duꞌun, ega pagguman-gumanen it manigꞌukuman ngayti. Temed iyan naꞌlay na, maat ya, ‘Maski na maat egay iꞌlam kut Ampuꞌang Diyus baw egay paggalangen ku nga masigkataw ku,

Lucas 3:8

Kaꞌilangan nga ipamatuud mi kat pangaꞌgenan mi nga magsinguliꞌ kamu na nga matuud. Ega kesgat nakem mi nga maat mi, tungtung-inapuꞌ kamu naga ni Abraham, aypaꞌ ka sagyaan kamu nagay imyu it Ampuꞌang Diyus. Ka isugid kut imyu nga talagang kaya it Ampuꞌang Diyus nga, garing kat mga batu ngaytung ituꞌun, mapabaraꞌ ya nga mga tungtung-inapuꞌ ni Abraham.

Lucas 7:16

Pagkamuya it mga taw ngayti, inabut sirat iꞌlam baw biyantug nira i Ampuꞌang Diyus. “Miyabut situt aten i esang bantug nga prupitaꞌ. Talagang kita nga mga taawan it Ampuꞌang Diyus, inildawan ya na nga banar!”

Lucas 7:37

Ta, duꞌun it iting lansangan may esang babay nga magkaꞌrutan it kadakel nga makasalaꞌan. Nabaritaꞌan ya nga duꞌun si Jesus it balay it Pariseo ngayti, nangaꞌen duꞌun. Pagkaꞌrut yat duꞌun si Jesus, naꞌaduꞌun kanya, magtataban it ega basta-bastang berebtangan nga punuꞌ it babangluun.

Lucas 7:38

Pagꞌabut ya duꞌun, nagpatpad kanya duꞌut talikudan ni Jesus. Ta it magsugaw kanya, naꞌemeg nat magturuꞌ nga luwaꞌ ya i mga aꞌay ni Jesus. Ta, binwat it babay ngayti, tiyarapuwan yat buꞌuk ya baw sigi nga pamalek yat mga aꞌay ngayti ni Jesus. Bawnga biyuꞌbuꞌan yat babangluun ngayting taban ya.

Lucas 7:40

Naꞌrutan ni Jesus i kat nakem it Pariseo ngayti. Aypaꞌ miyampang kanya nga magꞌaat, “Simon, may sugi-sugid ku, pagnegan mu.” “Eeꞌ,” maat ni Simon, “unuy sugi-sugid mu ngayan, Manigtulduꞌ?”

Juan 4:19

Maat i babay ngayti, “Agalen, prupitaꞌ ka baytu palan!

Juan 7:12

Dakel-dakel na nga runding it mga taw pasar it kanya duꞌut mga linge-lingeb. May pirang magꞌaat nga “Bilaꞌ, magayen kanya nga taw.” Temed iyan beken, magꞌaat nga, “Bilaꞌ, ega bayan! Pagbuwaten ya ngayan, pagteꞌag-teꞌagen yay kadakel.”

Juan 9:24

Aypaꞌ ka ipiyatawag nira siꞌ i beleg ngayti, ka iningkut nira siꞌ nga magꞌaat, “Kayti pagdedngegen kat Ampuꞌang Diyus. Aypaꞌ isugid muy kamatuudan, ka urut namen nga makasalaꞌan i iyang taw.”