Lucas 7:36 - Tagbanwa

³⁶ May esang aldaw nga inimbitar it esang Pariseo si Jesus, nga duꞌun it kanyay pangaꞌnan. Egay beken, miyayaꞌ si Jesus ka nangaꞌen duꞌun.

Lucas 7:36 Iomraidhean Croise

Lucas 11:37

Iyan natupus nay pangadal ngayti ni Jesus, inimbitar kanya it esang Pariseo nga duꞌut kaniray pangaꞌnan. Ta, egay beken, miyayaꞌ si Jesus ka mangaꞌen duꞌun.

Lucas 14:1

Kaꞌsa siꞌ nga Aldaw it Kapaꞌnaan, inimbitar si Jesus nga duꞌun i kaꞌnan it balay it esang mataꞌas nga Pariseo. Ta, yan duꞌun na sirat balay, talagang pagniidan i mga pagbuwaten ni Jesus.

Lucas 7:34

Bawnga aku, nga Taga Langit nga Ipiyanganak it Taw, magpakikaraꞌnen baw magꞌinum it pagꞌimnun ta. Ta, pagꞌaaten mi, ‘Letganan mi bay iyang taw, saꞌbangan baw makuꞌinum, iba-iba kanya it malulupig nga manigpabayad it barayadan baw beken nga makasalaꞌan.’

Lucas 7:35

Temed lamang atkayan, matanyag nga tamaꞌ naga i ipagpanulduꞌ namen ni Juan sabap it tanaꞌan ya kat pangaꞌgenan it mga magpamayaꞌ.”

Lucas 7:37

Ta, duꞌun it iting lansangan may esang babay nga magkaꞌrutan it kadakel nga makasalaꞌan. Nabaritaꞌan ya nga duꞌun si Jesus it balay it Pariseo ngayti, nangaꞌen duꞌun. Pagkaꞌrut yat duꞌun si Jesus, naꞌaduꞌun kanya, magtataban it ega basta-bastang berebtangan nga punuꞌ it babangluun.