Lucas 7:34 - Tagbanwa

³⁴ Bawnga aku, nga Taga Langit nga Ipiyanganak it Taw, magpakikaraꞌnen baw magꞌinum it pagꞌimnun ta. Ta, pagꞌaaten mi, ‘Letganan mi bay iyang taw, saꞌbangan baw makuꞌinum, iba-iba kanya it malulupig nga manigpabayad it barayadan baw beken nga makasalaꞌan.’

Lucas 7:34 Iomraidhean Croise

Mateo 11:19

Bawnga aku, nga Taga Langit nga Ipiyanganak it Taw, magpakikaraꞌnen baw magꞌinum it pagꞌimnun ta. Ta, pagꞌaaten it katataawan, ‘Letganan mi bay iyang taw, saꞌbangan baw makuꞌinum, iba-iba kanya it mga malulupig nga manigpabayad it barayadan baw beken nga mga makasalaꞌan.’ Temed lamang atkayan, matanyag nga tamaꞌ naga i panulduꞌ namen ni Juan sabap it tanaꞌan ya kat pangaꞌgenan it mga magpamayaꞌ.”

Mateo 5:46

Ka in iyan lamang, mga magraras it imyu i rarasan mi, unu paꞌ i tumbas nga pagꞌeꞌlaten mi? Ka daꞌga baꞌ pagbuwaten nay atkaytu it maski mga malulupig nga manigpabayad it barayadan duꞌut gubirnu?

Mateo 9:11

Pagkalteg it mga Pariseo it atkayti ngayti, iningkut nira i mga alagad ngayti ni Jesus. Maat nira, “Unuka magpakidngan it kumaꞌen i manigtulduꞌ mi it mga malulupig nga manigpabayad it barayadan baw beken ngayang ega magsunud nga banar it mga urdin tami?”

Lucas 11:37

Iyan natupus nay pangadal ngayti ni Jesus, inimbitar kanya it esang Pariseo nga duꞌut kaniray pangaꞌnan. Ta, egay beken, miyayaꞌ si Jesus ka mangaꞌen duꞌun.

Lucas 14:1

Kaꞌsa siꞌ nga Aldaw it Kapaꞌnaan, inimbitar si Jesus nga duꞌun i kaꞌnan it balay it esang mataꞌas nga Pariseo. Ta, yan duꞌun na sirat balay, talagang pagniidan i mga pagbuwaten ni Jesus.

Lucas 15:2

Temed remeteng-retengan i mga Pariseo baw manigpaꞌyag it urdin. Maamaatan sira, “Talagang itung taw, pagpakikumbiꞌlidan yay mga makasalaꞌan baw magpakikaraꞌnen paꞌ it kanira.”

Lucas 19:7

Egay beken, muꞌsa nga nakalteg kayti, remeteng-retengan nga maamaatan, “Bilaꞌ, magpaꞌabut kanya duꞌun it esa nga makasalaꞌan!”

Lucas 5:29

Ega naꞌlay, nagpaꞌitsu si Levi it dakulaꞌ nga pagkaraꞌnen duꞌut balay ya, nga istimar yat ki Jesus ngayti. Dakel i nanragiꞌ nga kaꞌibaan yang manigpabayad it barayadan baw beken paꞌ nga mga taw. Sang siraan na na Jesus i mamagkaraꞌnen.

Lucas 7:33

Subung kamuy imyu it kanira, ka ega gasiꞌ magkapakay mi i maski unu. Sabap si Juan nga magpamawtis, magpuwasa kanya baw ega magꞌinum it irimnun nga kalalangu. Ta, pagꞌaaten mi nga pagpapulpugun kanyat maraꞌe-raꞌet.

Lucas 7:35

Temed lamang atkayan, matanyag nga tamaꞌ naga i ipagpanulduꞌ namen ni Juan sabap it tanaꞌan ya kat pangaꞌgenan it mga magpamayaꞌ.”

Lucas 7:36

May esang aldaw nga inimbitar it esang Pariseo si Jesus, nga duꞌun it kanyay pangaꞌnan. Egay beken, miyayaꞌ si Jesus ka nangaꞌen duꞌun.

Juan 12:2

May binwat duꞌun nga pagkaraꞌnen, nga si Jesus i paggalangen. Magpanarakan si Marta ngayti, ki Lazaro esat mga kaꞌibaan ni Jesus it magkaꞌen.

Juan 2:2

Si Jesus baw mga alagad ya ngayti, inimbitar gasiꞌ.