Lucas 7:30 - Tagbanwa

³⁰ Temed kadaklan it mga Pariseo baw manigpaꞌyag it urdin, diyaꞌga nira i pabetang-betang it Ampuꞌang Diyus sabap it kanira, nga daꞌsira nagpabawtis it ki Juan.

Lucas 7:30 Iomraidhean Croise

Mateo 22:35

Sang kataawan it kanira, inadalan yat pagayen-gayen i pasar it mga urdin ni Moises. Iti i miningkut it ki Jesus, nga sukda-sukdan it kanya, nga magꞌaat,

Lucas 13:34

Bawnga maat ni Jesus, “Kaꞌildaw-ildaw talaga i mga taga Jerusalem! Sira nga pagsariyen it imatay it buntal it batu i mga prupitaꞌ nga pamagpaꞌasanen it kanira it Ampuꞌang Diyus! In pira ku na nga bisis pagpaꞌresan nga taraꞌnaen i mga taw nga taga duꞌun, nga subung it pagtaraꞌna it upa nga pagleꞌge-leꞌgepan ya i mga duduꞌduy ya, temed it ega ireg nira.

Lucas 20:6

Temed in aaten ta gasiꞌ, ‘Garing it taw,’ siguru nga buntalan tamit batu it kadakel ngaytu sabap pagkilalaen nira nga prupitaꞌ si Juan ngayti.”

Lucas 7:31

Ipiyasigi ni Jesus i pagꞌampangen ya, nga magꞌaat, “Ta, unu bay pasbungan ku it mga taw kayti? Unu talaga i kasubu-subung nira?

Mga Binwat 20:27

Ka ega nay ipiyaꞌped ku. Ipiyagsugid ku nat imyu i muꞌsang pabetang-betang it Ampuꞌang Diyus nga ireg ya nga maꞌrutan it taw.

Roma 10:21

Temed, pasar it mga Judio maat i inaat ya ngayan, “Pirmi nga magkakayap i alima ku it delem-aldaw, nga kutanggapen ku sira, temed iyan nagang pagpategasan baw pagkuntraꞌen akut bangsa ngaytu.”

2 Corinto 6:1

Ta, it kami, mga manigbuwat na kat buwaten ngaytu it Ampuꞌang Diyus, maseked-seked gasiꞌ nga ipagpakiꞌupakat namen it imyu, kamu nga timnanggap na it ildaw it Ampuꞌang Diyus. Ega sana desang kalabtaꞌen mi i ildaw ya ngaytu, ka in atkayan limiꞌwan nga egay kapulusan.

Galacia 2:21

Talagang ega mabaliwalaꞌ ku i ildaw ngaytut Ampuꞌang Diyus. Ka in taw, magkaꞌawaꞌan it kasalaꞌan duꞌun it pagsunud it kaꞌurdinan, daꞌga egay kapulusan it kamataynen ngaytu ni Cristo?” Yay inaat kut kana Pedro duꞌut Antioquia.

Efeso 1:11

Pakilagpit tami it ki Cristo ngaytu i pagpanggaringan it ildawan ta it karibriyan gasiꞌ kat pagdadarapaꞌen. Garing it tagna-tagnaꞌ paꞌ piniliꞌ ya kita nga lagi nga ildawan ya it kagayenan ngaytu. Sigun nagaytu kat pabetang-betang ya, kanya nga magpabetang-betang it muꞌsa uyun kat magayen nga paꞌiguꞌ-iguꞌ nga kaꞌirgan ya.