Lucas 7:24 - Tagbanwa

²⁴ Pagkagaring it mga tiyaꞌeg ngayti ni Juan, may inaat ni Jesus it kadaklan ngaytit mga taw duꞌun pasar it ki Juan. Maat ya, “Iyan namagpaꞌaduꞌun kamu it ki Juan duꞌun it kapupuyangtan nga rugar, unuy pagtulusun mi duꞌun? Taw nga alang-alang, nga subuk rabung nga magduyug-duyug ka pagpesagen it deres? Simpri ega.

Lucas 7:24 Iomraidhean Croise

Lucas 1:80

Ta, dimnakulaꞌ i waꞌwaꞌ ngayti baw magayen talagay adat ya. Iyan ustuꞌ na kanya, duꞌun nay taꞌid-taꞌid ya it rugar nga kapupuyangtan, seked it aldaw nga papuꞌun na kanya nga mangadal nat mga kabanwa ya nga mga tungtung-inapuꞌ ni Israel.

Lucas 3:2

Si Anas baw si Caifas i mga Piyakamataꞌas nga Sasirduti. Ta, kat iting timpu, miyabut i ampang it Ampuꞌang Diyus duꞌun it ki Juan ngayting anak na Zacarias, nga duꞌun kanya it rugar nga kapupuyangtan.

Lucas 7:23

Talagang magkasagyang banar i taw nga ega magduwa-duway pikir sabap it aken.”

Lucas 7:25

Unu baꞌ talagay kultegan mi duꞌun? Esang taw nga piyakamagayen i pakayan ya? Simpri ega gasiꞌ, sabap iyan magpapakay it mabakas nga pakayan baw iyan magpasamunsayaꞌ it magayen nga pangaꞌen, simpri duꞌun lamang it pamalay-balay it mga adiꞌ.

Juan 1:23

Pagtubag siꞌ ni Juan ngayti, may siyangpit ya nga isiyugid it esang prupitaꞌ it tagnaꞌ nga si Isaias, nga magꞌaat, “Aku ngaytu, kaꞌalimbawaan ku, esang gaꞌmaran nga magkagnegan duꞌun it rugar nga kapupuyangtan, nga magꞌaat i pagꞌaaten, ‘Gayen-gayenen mi i dalan nga panawan it Ampuꞌan.’”

Efeso 4:14

Ka ireg it Ampuꞌan nga daꞌta na subung it mangaꞌwaꞌ nga magkataban it duꞌun-sini nga panulduꞌ, nga subung sirat sakayan nga maglultaw lamang nga ipagtingbeꞌ-tingbet langeb baw ipagpirpir it deres. Magayen daꞌta na maluku it panulduꞌ it mga taw nga ega magayen i antap it nakem nira ka subung sirat magpangapaꞌ lamang it in siyuy maꞌakalan nira.

2 Pedro 2:17

Mga manigtulduꞌ ngaytut kaꞌambutan, taw nga egay kakapulusan. Ka kaꞌalimbawaan nira, naꞌlet na nga tumbud baw kunum nga egay pakinabang ka ipagdedeg it deres. Temed rigaen sirat Ampuꞌang Diyus duꞌun it ipiyagꞌareg yang lagi nga nagpintut nat pandele-delem.

2 Pedro 3:17

Ta it kayti, mga pagmaꞌalen ku, nga magkaꞌrutan mi nay itung mga bagay, magayen in magꞌintur kamu isaꞌun daꞌkamu mateꞌag-teꞌag it kamaliꞌ nga pangadal it mga taw ngayting maraꞌe-raꞌet. Isaꞌun daꞌkamu makapangindiꞌ it talagang natantuwan mi nang banar nga kamatuudan.