Lucas 7:21 - Tagbanwa

²¹ Nadnganan kayti, dakel i mga magsarut nga piyagayen ni Jesus baw inimugawan yat mga maraꞌe-raꞌet nga magpapulpug. Talagang pagꞌildawan ya i mga beleg nga makalteg sira.

Lucas 7:21 Iomraidhean Croise

Mateo 4:23

Ta, it magpangadal na ngayti si Jesus, liyekep-lekep yay rugar it Galilea ngayti. Magpanulduꞌ kanya duꞌut mga papagsambaan, nga ipagpanulduꞌ ya i Magayen nga Baritaꞌ sabap it kaꞌadiꞌan it Ampuꞌang Diyus. Pagpagayenen ya gasiꞌ i mga taw kat in unu nga sarut nira.

Mateo 4:24

Nangalaid nay baritaꞌ pasar it mga kalililuꞌan nga buwat ngayti ni Jesus, nakalkep it muꞌsang banwa it Siria. Aypaꞌ ka dakel na nga magꞌabut, nga magtataban it magsarut it dakel nga kalasit sarakiten, pati mga pagpapulpugun it maraꞌe-raꞌet, mga magpulpug nga magpangingsil, baw beken nga may patay nga bagit bilug. Pagpagayenen ya sira nga muꞌsa.

Marcos 3:10

Ka dakel nay mga may sarut nga piyagayen ni Jesus. Aypaꞌ ka pagrubu-rubuwan na kanya it beken nga mga may sarut ka isaꞌun maski tapal, makatapal sirat bilug ni Jesus.

Marcos 5:29

Pagkadiꞌkit yang matuud, subuk tiyabtab i duguꞌ ya ngayti. Natanudan ya nga mindek nay sarakiten ya ngayti.

Marcos 5:34

Pagkagneg ni Jesus, kaꞌampang kanya. Maat ya, “Edeꞌ, piyagayen ka sabap it pamayaꞌ mut aken. Masagya ka nayang muliꞌ. Mindek nayang banar i sarut mu ngayan.”

Lucas 7:20

Pagꞌabut it mga tiyaꞌeg ngayti duꞌun it ki Jesus, itiyuturan nira na nga magꞌaat, “Piyapaꞌasitu kami baytu ni Juan ngayti nga magpamawtis, ka mangingkut it imu in unu kunuꞌ, ikaw na i isiyanggup ngayan nga papaꞌasituun u melat kami paꞌ it beken?”

Hebreo 12:6

Sabap talagang pagtaldengen it Ampuꞌang Diyus i muꞌsa nga pagrarasan ya. Baw kat panaldeng ya ngaytu subuk pagrigaen ya i mga ipagpabetang ya na nga mga anak ya.”