Lucas 7:2 - Tagbanwa

² May esang Romano duꞌun nga kapitan it sundaluꞌ. May taraꞌgen ya nga talagang pagrarasan ya, nga magsarut it daꞌnay pasubrang eget.

Lucas 7:2 Iomraidhean Croise

Genesis 24:27

Maat i inampang ya, “Talagang mabantug i AMPUꞌANG DIYUS ni Abraham nga agalen ku! Pagꞌildawan ya nga matuud i agalen ku ngayti, baw talagang ega paglilipatan ya i mga isiyanggup ya. Inibaan ya akung banar it naꞌasini isaꞌun iyan palan i abutan ku, balay nagat mga kaduguꞌan it agalen ku ngayti.”

Genesis 35:8

Ta yan babay nga manigꞌasikasu it ki Rebeca it tagnaꞌ nga si Debora, miyatay na kanya duꞌun. Pagpatay ya, duꞌun nay limbengan it siꞌrung it sang puꞌun naga nga roble, nga kat segnad manggid it Betel. Aypaꞌ pangaran duꞌun kayti, Roble nga Naturuꞌan it Luwaꞌ.

Mateo 27:54

Nakbaan i kapitan it sundaluꞌ baw mga taawan ya nga magtatandaꞌ it ki Jesus, iyan natanudan nira nga magyegyeg i lugtaꞌ baw namuyaan nira i muꞌsa ngayti nga nagꞌabut. Maamaatan sira, “Talagang Anak tu nga matuud it Ampuꞌang Diyus!”

Lucas 23:47

Pagkamuya it kapitan it mga sundaluꞌ it iti nga mga biyaraꞌan, biyantug yay Ampuꞌang Diyus, nga magꞌaat, “Matuud talaga nga mataldeng i itung taw.”

Lucas 7:1

Pagkatupus ni Jesus it muꞌsa ngayting ipagpangadal yat mga taw, limnangbus kanya duꞌun it Capernaum.

Lucas 7:3

Pagkabaritaꞌ it kapitan ngayti it duꞌun si Jesus, may piyapaꞌaduꞌun ya nga mga Judio nga ginuꞌu ka mamisiꞌ it ki Jesus ka ipagꞌabang yay taraꞌgen ya ngayti.

Lucas 8:42

Pagꞌabangen ya si Jesus sabap it paeꞌesa-esa nga anak ya nga babay nga magsasang puluꞌ baw duwa na nga taꞌun i idad, ka egay pasubrang eget it sarut ya. Egay beken, miyayaꞌ si Jesus it kanya, temed daꞌna magkalakad, ka nagdeꞌe-deꞌeten nay taw nga miyayaꞌ nagat kanya.

Mga Binwat 10:1

Duꞌun it Cesarea may esang taw nga pagpangaranat ki Cornelio. Esa kanya nga kapitan it sundaluꞌ nga kaꞌuyutan it dakulang gurupu it sundaluꞌ nga pagtaꞌwaget Gurupung Italiano.

Mga Binwat 10:7

Pagsipat it anghil ngayting nagpakisugi-sugid it kanya, tiyaꞌwagan ni Cornelio i duwang kataawan nga taraꞌgen ya baw sang kataawan i magkasarigan ya nga sundaluꞌ nga masiyambaen gasiꞌ.

Mga Binwat 22:26

Pagkagneg it kapitan ngayti, inaduꞌun yay piyakapagbayaꞌen baw inaat, “Esa-esa ga, pikiren mu daꞌan i ipiyagꞌurdin mu ngaytu ka, kuꞌatkaytuun mu ngaytung taw, palan, seled it pagkaRomano.”

Mga Binwat 23:17

Pagkagneg ni Pablo kayti, tiyaꞌwagan yay esang kapitan it sundaluꞌ baw inaat ya, “Asi-asi pat imu, tabanen muy waꞌwaꞌ ngaytu duꞌut piyakapagbayaꞌen mi ka may ikututuran ya duꞌun.”

Mga Binwat 27:1

Iyan naꞌbut nay aldaw nga isakay namen, nga ipaduꞌlung nat gubirnadur si Pablo duꞌun it Roma nga sakep it Italia, ipiyakarguꞌ ya si Pablo ngayti baw beken nga mga pirisu duꞌun it esang kapitan it sundaluꞌ nga pagpangaranat ki Julio. Kaꞌuyutan kanya it dakulang guruput mga sundaluꞌ nga pagtaꞌwaget Gurupu it Impiradur.

Mga Binwat 27:3

Ipangadwang aldaw it sakay namen, nagpadungguꞌ kami duꞌun it Sidon. Pagkadungguꞌ duꞌun, piyaltegan ni Julio si Pablo it magayeng nakem ka inintulutan ya nga maningdal duꞌut mga iba-iba ya isaꞌun pakikita it kanira baw, in unuy tabang nira, matabang kanyat mga kakurangan ya.

Mga Binwat 27:43

Temed ega magkapakay i kapitan nira ka ega ireg ya nga maꞌimatay si Pablo. Aypaꞌ piyaar ya sira. Bawnga inaat ya nga in siyuy magkalanguy, manaptap na ka lumanguy na, muꞌna na duꞌun it binit.

Colosas 3:22

Kamu gasiꞌ nga mga uripen, kaꞌilangan sunudun mit magayen i muꞌsang taꞌeg it imyu it mga agalen mi situt banwa. Ega maat paꞌresan mi i pagsunud mi in pagleltegan kamu ga it agalen mi isaꞌun sagyaan ya kamu. Yay magayen, sunudun mi sira it masagyay nakem kat kadakulat paggalang mi it Ampuꞌang Diyus.