Lucas 7:19 - Tagbanwa

¹⁹ Pagkabaritaꞌ ni Juan kayti, tiyaꞌeg yay duwa nga alagad ya nga paꞌaduꞌun it Ampuꞌan ngayti nga si Jesus ka ingkutun, nga magꞌaat, “Unu baꞌ, ikaw na i isiyanggup ngayan nga papaꞌasituun u melat kami paꞌ it beken?”

Lucas 7:19 Iomraidhean Croise

Genesis 22:18

Baw manggaring kat mga tungtung-inapuꞌ mu, maꞌildawan i muꞌsang bangsa situt sinirungat langit, sabap siyunud mu i inaat ku it imu.”

Genesis 3:15

Ipabetang-betang ku nang magkuntraꞌ kamu na it babay ngaytu, kaꞌanakan ya baw imung kaꞌanakan. May kaꞌanakan ya nga rumunut it ulu mu. Ikaw, kumagat it aꞌay ya.”

Isaias 11:1

Iyan pagkaꞌadiꞌ it kaduguꞌ-duguꞌan ni David, kabilangan ya, subuk begtek it kayu nga piyukan. Temed kat kaduguꞌ-duguꞌan naga ni David, limiꞌwan i esang adiꞌ nga kabilangan ya, esang tumunas siꞌ nga kayu duꞌun it tuꞌud ngayti it kayu nga piyukan.

Isaias 7:14

Aypaꞌ AMPUꞌANG DIYUS na ngaytu i megay it imyu it imandaꞌan, imandꞌan nga dumarugmatiꞌ i esang babay nga ega paꞌ naglabay it lalaki. Sumakit nga anak ya, lalaki. Emmanuel i ipangaran it kanya.”

Mikas 5:2

Temed ikaw Betlehem Efrata, maski na maat kaꞌuyutan ka it mga piyakadekeyeꞌ nga mga lansangan it Juda, asan it imu i liꞌwanan it kanya nga magꞌadiꞌ it bangsa nga Israel. Kanya ngaytu, garing paꞌ it tagnaꞌ pang banar nga timpu i giyaringan ya it magpanliꞌwan.

Zacarias 9:9

Sumagya kamu nga sumagya, mga taga Sion. Igaꞌuy-gaꞌuy mi i kasagyaan mi, mga taga Jerusalem. Sabap magdadarapaꞌ na i magꞌadiꞌ situt imyu. Mataldeng kanya nga ruyut baw pirmi nga pagtabangen it Ampuꞌang Diyus isaꞌun mandaꞌeg. Mapiyalulus kanya baw kabayuꞌ nga asno i pagsasakayan ya, esang uꞌuybun nga uꞌuybun it asno.

Marcos 6:7

Bawnga tiningped yay sang puluꞌ may duwa ngayting mga alagad ya ka papanawun yat tagduwa-duwa. Piyamgayan ya sira it pudir nga ipagkaꞌimugaw it mararaꞌe-raꞌet kat mga taw nga pagpapulpugun.

Lucas 10:1

Ta, pagkaꞌanu kayti, miniliꞌ siꞌ si Jesus it pitung puluꞌ baw duwa nga beken nga mga alagad ya. Bawnga piyauꞌna ya sirat papanaw it tagduwa-duwa duꞌun it kada lansangan baw baryu nga pagrima-rimaen yat paꞌaduꞌunan.

Lucas 11:1

Ta, may esang aldaw, nga duꞌun sira na Jesus it esang rugar, nga magpanalangin kanya. Pagkatupus ya, maat it sang kataawan nga alagad ya, “Ampuꞌan, in mapakay tulduꞌan mu naga kami it manalangin, subung it binwat ni Juan it kanya nga mga alagad.”

Lucas 11:39

Temed mampang i Ampuꞌan nga si Jesus, maat ya it Pariseo ngayti, “Kamu nga mga Pariseo, subung kamu it esang taw nga pagꞌugasan ya, kat liꞌwan lamang it iꞌimnan baw karung. Temed damil duꞌut seled, pagpataꞌnan ya lamang. Ka paglimpiyuꞌun mi i bilug mi, temed kat nakem mi, punung-punuꞌ it panlupig baw karaꞌe-raꞌetan.

Lucas 12:42

Tumubag i Ampuꞌan ngayting si Jesus, maat ya, “Iyan magkasarigan baw nakman nga uripen, kanya i begayan it agalen ya it pamaalaꞌ kat beken nga mga uripen kat pamalay-balay ya. Kanya i manigpamgay it pangaꞌen nga makasuwituꞌ.

Lucas 13:15

Katubag i Ampuꞌan nga si Jesus, maat ya, “Kamung mga magbete-beteꞌ nga magpamayaꞌ it Ampuꞌang Diyus! Daꞌga baꞌ kada esat imyu, maski Aldaw it Kapaꞌnaan, pagꞌuꞌbaden mi i bakaꞌ u kabayuꞌ mi nga asno nga magsesget duꞌun it pagpaꞌlungan nga bala-balay baw ipaliꞌwan ka pagpaꞌimnun?

Lucas 17:5

Ta, kaꞌampang i mga alagad ngayti, maat nira, “Ampuꞌan, paksegen muy pamayaꞌ namen it imu.”

Lucas 17:6

Katubag i Ampuꞌan nga si Jesus, maat ya, “Sana makasbung i pamayaꞌ mi it dekeyeng alit it mustasaꞌ nga sigi-siging pangseg seked it dakulaꞌ nang luwak. Ka in atkaytu i pamayaꞌ mit aken, talagang maski kayu ngayan i aaten mu nga magabut, ka duꞌun siꞌ i tindegan yat dagat, siguradu nga mamayaꞌ it imyu.

Lucas 18:6

Ta, maat siꞌ ni Jesus ngayti, “Ta, pikiren mit magayen i inaat it manigꞌukuman ngayti nga maraꞌe-raꞌet i adat.

Lucas 19:8

Iyan mamagꞌaꞌdung na sira duꞌun it balay, timnindeg siꞌ si Zaqueo baw miyampang, nga magꞌaat, “Ampuꞌan, kayti, sang lubuk nga kusas ku, ipamgay ku na duꞌun it mga makukuriꞌ. Baw in unuy liyupigan ku duꞌut maski siyu, epaten ku nga dubli i iꞌuliꞌ ku.”

Lucas 22:61

Ta, duꞌut seled it balay ngayti, limningaw si Jesus duꞌun it ki Pedro baw tiyermek yat semyek. Pagkalteg ni Pedro, nademdeman ya i ipiyagꞌaat ngayti ni Jesus it kanya, nga “Parabir tumaraꞌuk i manuk mabway nga kukuꞌ-aldaw, tulu na nga paylu mu sabap it aken.”

Lucas 24:34

Maamaatan i mga alagad ngayti, “Talagang matuud nga inggen it paꞌuliꞌ i Ampuꞌan nga si Jesus. Nagpakikita naga kanyat ki Simon ngaytu.”

Lucas 7:13

Siyanguꞌan nga banar it Ampuꞌan nga si Jesus, pagkalteg yat inaꞌ it miyatay ngayti. Inaat ya, “Ayaw ka nat sugaw.”

Lucas 7:20

Pagꞌabut it mga tiyaꞌeg ngayti duꞌun it ki Jesus, itiyuturan nira na nga magꞌaat, “Piyapaꞌasitu kami baytu ni Juan ngayti nga magpamawtis, ka mangingkut it imu in unu kunuꞌ, ikaw na i isiyanggup ngayan nga papaꞌasituun u melat kami paꞌ it beken?”

Juan 11:2

Si Maria na ngayti, mabut i aldaw nga muꞌbuꞌ kanya it babangluun duꞌun it aꞌay it Ampuꞌan nga si Jesus bawnga tarapuwan yat buꞌuk ya. Ta it magsarut ngayti si Lazaro,

Juan 4:1

Nabaritaꞌan it mga Pariseo nga subrang dakel i taw nga magkakabig baw magkabawtisan ni Jesus, dakel paꞌ it ki Juan.

Juan 4:25

Maat siꞌ it babay ngayti, “Magkaꞌrutan ku bayan, Agalen, nga paꞌasituy Manriribring Adiꞌ ngayting isiyanggup it Ampuꞌang Diyus, nga Cristo i panaꞌwag. Pagꞌabut ya situ, kanya i paꞌyag it aten it muꞌsa ngaytung mga bagay.”

Juan 6:23

Bawnga may nagpadungguꞌ nga mga sakayan nga garing duꞌun it Tiberias. Duꞌun i piyadungguꞌan nirat adeꞌdeng it rugar ngayting kiyaꞌnan it mga katataawan ngaytit pangaꞌen nga piyasalamatan it Ampuꞌan nga si Jesus duꞌun it Diyus Amaꞌ.

Josue 2:1

Iyan duꞌun sira magbabalay-balay it Sitim, may duwang kataawan nga piyasunda ni Josue. Tinggunan ya nga magꞌaat, “Paꞌaduꞌun kamu it Jerico. Tili-tiliyen mit magayen i siyudad ngayan baw parangumaen ya.” Egay beken, namagpanaw nay piyamagtaꞌeg ngayti, namagpaJerico na. Pagkaꞌbut nira duꞌun, iyan delem na, maꞌapyatan nirang balay nga igaꞌan nira, balay it esang babay nga ipagpanulus yay bilug ya, si Rahab i ngaran.

Mga Ipiyalteg 11:3

nga yay sang ribu baw duwang gatus baw enem nga pulung aldaw. Temed may papaꞌasanen ku yan nga duwang manigpamatuud ku, nga mamagpapakay it maꞌerep nga tandaꞌ it kasmek. Ta, seledat mga aldaw ngaytu, sigi yan nga pangadal nira it pasar it Ampuꞌang Diyus baw ampang ya nga kaꞌilangan nga magsinguliꞌ i taw.”