Lucas 7:14 - Tagbanwa

¹⁴ Minlep kanya baw tiyapal ya i lungun baw timnindeg i mamagpipirisiꞌen ngayti. Miyampang si Jesus nga magꞌaat, “Dunguꞌ, sigi! Magbangun ka!”

Lucas 7:14 Iomraidhean Croise

1 Mga Adiꞌ 17:21

Katlu pataruban ya it bilug ya i waꞌwaꞌ ngayti baw siging panalangin ya nga magꞌaat, “AMPUꞌANG DIYUS ku, talagang pagꞌangutun kung banar asat imu nga ipaꞌuliꞌnan muy ginawa it waꞌwaꞌ ngayni.”

1 Mga Adiꞌ 17:22

Ta, panalangin ni Elias ngayti, siyambungan talaga it AMPUꞌANG DIYUS. Nagꞌegnan nagay waꞌwaꞌ ngayti.

Marcos 5:41

Singkel ni Jesus i alima it waꞌwaꞌ ngayti baw miyampang kanya nga magꞌaat, “Talita kumi!” Ireg sugiden kayti, “Edeꞌ, sigi, magbangun ka!”

Lucas 7:13

Siyanguꞌan nga banar it Ampuꞌan nga si Jesus, pagkalteg yat inaꞌ it miyatay ngayti. Inaat ya, “Ayaw ka nat sugaw.”

Lucas 7:15

Egay beken, nagbangun i piyakisugidan ngayti baw miyampang ka nagꞌegen nga matuud. “Ta, wayni nay anak mu,” maat ni Jesus it babay ngayti. “Nagꞌegen naga.”

Lucas 7:17

Limingkep i baritaꞌ pasar it ki Jesus baw binwat ya ngayti duꞌun it muꞌsang banwa it mga Judio baw duꞌun it linibut ya nga mga rugar.

Juan 11:25

Tubagen ni Jesus, maat ya, “Aku ngaytu i manigꞌegen it paꞌuliꞌ baw puꞌun it kaꞌgenan. Iyan magpamayaꞌ it aken, maski matay na kanya siguradung maꞌgen nagat paꞌuliꞌ.

Juan 5:21

Ka in magꞌuꞌunu pagꞌegnen it Amaꞌ i mga miyatay, atkayan naga egnen naga it Anak i kumpur ireg ya nga egnen.

Juan 5:25

Ituy kamatuudan, mabut i timpu, kayti na ngaytu, nga magnegan it mga sakep it kamataynen i gaꞌmaran it Anak it Ampuꞌang Diyus, baw iyan nga pagneg baw sumunud, magꞌegen.

Roma 4:17

Ka daꞌga basaꞌan magꞌaat ngayan duꞌun it kasuratan, “Ipiyabetang-betang ku nga ikaw na ngaytu i panggaring-garingan it dakel nga bangsa.” Saꞌup ku sing iꞌaat nga talagang matuman i isiyanggup ngaytit ki Abraham ka egay beken nga simnanggup in daꞌga Ampuꞌang Diyus nga pagpamayaꞌnen baw pagsarigan ya, kanya nga ega basta-bastay guna ka maski taw nga patay, magkaꞌgen ya, baw, mga bagay nga ega paꞌ miyabut, magkapabaraꞌ ya.

Efeso 5:12

Sabap kaꞌeya-eyaꞌ nang banar nga maski sangpiten na lamang i mga bagay nga pamagbuwaten nira ngaytu kat malingeb.