Lucas 6:8 - Tagbanwa

⁸ Temed ega nataguꞌ it ki Jesus i pagpikiren nira ngayti. Inaat yay kimay ngayti, “Tindeg. Paꞌasini kat uꞌnaan ngayni.” Egay beken, minlep i kimay baw timnindeg duꞌun it sarungaan it kadakel.

Lucas 6:8 Iomraidhean Croise

Mateo 9:4

Temed magkaꞌrutan ni Jesus i kat nakem nira ngayti. Aypaꞌ miyampang kanya nga magꞌaat, “Unuka atkayan i kat nakem mi, nga talagang ega magayen?

Marcos 3:3

Tiyaꞌwagan ni Jesus i kimay ngayti. Maat ya, “Paꞌasini kat uꞌnaan ngayni.”

Lucas 13:12

Pagkalteg ni Jesus it babay ngayti, tiyaꞌwagan ya, baw inaat nga maat ya, “Edeꞌ, medek nayan i sarut mu ngayan.”

Lucas 5:22

Temed magkaꞌrutan ni Jesus i kat nakem nira ngayti. Aypaꞌ ka maat ya it kanira, “Unuka atkayan i kat nakem mi?

Lucas 6:9

Mampang si Jesus, maat yat kanira, “Ta, ingkutun ku kamu. Ari manggid i uyun kat urdin, muwat it magayen u muwat it maraꞌe-raꞌet in Aldaw it Kapaꞌnaan? Unu, rimibri it ginawa u mimatay?”

Juan 2:25

Ega na kaꞌilangan paꞌ nga may sumugid duꞌut kanya, sabap magkaꞌrutan ya nga banar i kat nakem it taw.

Juan 21:17

Tulung saꞌup i ingkut ngayti ni Jesus ngayting magꞌaat, “Simon nga anak ni Juan, unu talagang, kamatuudan i pagꞌireg mu ngayat aken?” Nasmek si Pedro kat ikatlu ngayting ingkut it kanya, nga magꞌaat, “Unu, pagꞌirgan mu aku?” Tumubag siꞌ si Pedro, maat ya, “Ampuꞌan, talagang magkaꞌrutan mu nay muꞌsang mga bagay. Urut mu na gasiꞌ in sang unuy pagꞌireg kut imu.” “Ta in atkayan,” maat siꞌ ni Jesus, “arigraen mut magayen i mga tupa ku.

Juan 9:4

Kaꞌilangan kita, buwaten tami i mga ipagpabwat it Ampuꞌang Diyus, kanya nga nagtaꞌeg ngaytit aken it paꞌasitu. Kaꞌilangan buwaten tami mintras egen tami paꞌ ka yay subuk aldawun. Sabap in patay na, ega nay rugar nga muwat, kabilangan ya delemen na. Ta, siyu pay makabwat? Daꞌga ega na?

Mga Binwat 20:24

Temed, maski ginawa ku, ega subrang pagrarasan ku, basta masarunga kut magayen baw matuman ku i katengdanan nga tiyanggap ku duꞌun it Ampuꞌan nga si Jesus, nga mangadal it Magayeng Baritaꞌ pasar it ildaw it Ampuꞌang Diyus.

Mga Binwat 26:26

Talagang maꞌyag tu it ki Agripa ngaytu nga adiꞌ i muꞌsa ngaytu. Pagsisiguruun ku nga egay ipaꞌlam it kanya nga itung mga bagay ka egaytu kat lingeb. Aypaꞌ ka daꞌku magpangangaliꞌ mampang kat adapan ya.”

Filipos 1:28

Ega iꞌlaman mi i mga magkuntraꞌ ngayan it imyu, ka basta pagsagkaꞌen mit magayen i nakem i pakuriꞌ nirat imyu, magpamatuud nayan nga, uyun kat pabetang-betang it Ampuꞌang Diyus, maꞌulug sira kat ukuman nga kamataynen nga egay kaskedang panriga, baw iyan kamu, nakasiguru nay karibriyan mi.

Hebreo 4:13

Talagang egay magkataguꞌ duꞌun it Ampuꞌang Diyus. Muꞌsang bagay, maꞌyag kat panleteg ya, baw kanya i panubagan tami nga muꞌsa kat muꞌsang mga binwatan ta.

1 Pedro 4:1

Dakulay siyagkaꞌ ni Cristo nga kakuriꞌan, iyan situ paꞌ kanyat banwa. Aypaꞌ kaꞌilangan tingled nay nakem ta nga pasbung it kanya nga masagkaꞌ. Sabap in siyu nga ega magdaꞌga it kakuriꞌan nga magꞌabut it bilug ya, talagang magpamatuud nga ega na pagbebegbegan kanya it kasalaꞌan.

Mga Ipiyalteg 2:23

Pangimatayen ku gasiꞌ i mga anak ya nga lupaw. Sikayan maꞌrutan it muꞌsang magpamayaꞌ nga aku i manigrikisaꞌ it kaꞌirgan baw in unuy kat nakem it taw. Talagang tumbasan kuy kada esat imyu uyun kat mga pagbuwaten mi.