Lucas 6:47 - Tagbanwa

⁴⁷ Kayti ipatantu kut imyu in unuy masbungan it iyan, taw nga magpaꞌasitut aken, ka pagpagnegan ya i pagꞌampangen ku, bawnga pagsunudun ya.

Lucas 6:47 Iomraidhean Croise

Isaias 55:3

Pagneg kamu baw pasakep nat aken. Pagnegan mi aku isaꞌun may kaꞌgenan mi nga ega basta-basta. Ka may ipakiꞌupakat kut imyu, pakiꞌupakat nga egay kaskedan ya. Sabap iꞌildaw ku nat imyu i mga ega basta-bastang kagayenan nga isiyanggup ku it adiꞌ it tagnaꞌ nga si David it ega magkaꞌugad-ugad nga sanggup.”

Mateo 12:50

Sabap in siyu-siyu nga magsunud nga banar it kaꞌirgan it Amaꞌ ku nga duꞌun it langit, sira i bilang inaꞌ ku baw mga sulsug ku.”

Mateo 17:5

Magꞌampang paꞌ si Pedro ngayti, inlungan sira it esang magsilaw na nga kunum. Duꞌun it kunum ngayti i sinraꞌan it ampang nga magꞌaat, “Itu i pagmaꞌa-maꞌalen ku nga Anak, nga talagang kasasagyaan ku. Pagnegan mi kanya it magayen.”

Lucas 11:28

Temed timnubag si Jesus, nga magꞌaat, “Yay matuud, subraꞌ pang magkasagya i magpagneg it ampang it Ampuꞌang Diyus baw pagsunudun ya.”

Lucas 14:26

“Iyan kupasakep it aken, ega mapakay kanya nga alagad ku basta magkasubraꞌ pat pagmaꞌal yat aken i pagmaꞌal yat kanyang giyaringan, asawa, mga anak, mga sulsug, baw maski kanyang sadili nga kaꞌgenan ka subrang pagrarasan ya.

Lucas 6:48

Subung kanya it esang taw nga nagpatindeg it balay, nga talagang ipiyatꞌed ya i mga arigi ya duꞌun it lugtaꞌ nga nagragiꞌ it batu. Pagꞌabut it dimnaꞌet, nga liminyud it dimnakulaꞌ na nga luyud baw naꞌampung i balay ya ngayti, temed ega naꞌunu-unu, ka talagang piyapaꞌgen yat kamatuudan.

Lucas 8:13

Iyan beken nga subung it mabatuun nga nasaꞌbugan, mga taw nga pagkagneg nirat ampang it Ampuꞌang Diyus, pamayaꞌnen nirang lagi it masagya. Temed ega ipagdawaꞌ nirat magayen kat ulu nira. Aypaꞌ ka daꞌsira magpaneꞌteꞌ kat pamayaꞌ nira, nga subuk luwak nga ega maggagamut. Pagꞌabut it sukdan, mangindiꞌ nga lagi.

Lucas 8:8

Temed iyan nakasaꞌbug duꞌun it magayen nga lugtaꞌ, minwaꞌ it magayen. Sang kuway may tagasang gatus i batꞌun it legas ya.” Paꞌugdun ni Jesus, maat ya, “Ta, it pagꞌargan it talinga, ipagpagneg, kaꞌilangan pagneg kamu it magayen it pagꞌaaten ku ngaytu.”

Juan 10:27

Magpagneg it gaꞌmaran ku i mga tupa ku. Magkakilalaan ku sira, baw magdasun sira gasiꞌ it aken.

Juan 13:17

In magkasepsepan mi i itung mga bagay, basta buwaten mi lamang makasagya kamu yan.”

Juan 14:15

“In matuud nga pagmaꞌalen mi aku, simpri sunudun mi i mga urdin ku.

Juan 5:40

Temed ta, it ega naga ireg mi nga sumunud it aken isaꞌun mabgayan ku kamu it kaꞌgenan nga egay kaskedan.

Juan 6:35

“Aku i paꞌaateng pangaꞌen ngayan nga magkabgay it kaꞌgenan,” maat ni Jesus. “Iyan pasakep it aken, ega na maat getmanan paꞌ, baw iyan nga mamayaꞌ nat aken, seked kaꞌnu-kaꞌnu ega na kumuꞌinum.

Juan 6:37

Pasakep it aken i kumpur ipagbegay it Amaꞌ it aken. Talagang egay imugawun ku nga maski siyu nga magpasakep it aken.

Juan 8:52

Inaat siꞌ kanya it mga Judio ngayti, “Daꞌga baꞌ maꞌyag na nga magpulpug ka! Ka naꞌlay nang natay si Abraham baw mga prupitaꞌ. Ta unuka magkaꞌaat mu nga ega matay it seked kaꞌnu-kaꞌnu i in siyu-siyu nga magpangaꞌgenan uyun kat mga ipagtulduꞌ mu?

Hebreo 5:9

Ta paribasay nasunud ya i muꞌsa it egay kakurangan, nagbaraꞌ na kanya nga piyanggaringan it karibriyan nga kaꞌgenang egay kaskedan, nga ibgay yat muꞌsa nga may kamatuudan nga pagsunud it kanya.

Santiago 4:17

Aypaꞌ dedemdemen mi tu. Iyan taw nga magkaꞌrutan ya nay in unuy magayen, nga dapat ya nga pagbuwaten, temed ega yay pagbuwaten ya, kasalaꞌan ya naga yan.

1 Pedro 2:4

Si Cristo ngaytu, egen talaga baw kabilangan ya, subuk lininuꞌ nga batu nga ega napakay it mga taw. Temed napakay talaga it Ampuꞌang Diyus ka piniliꞌ baw talagang pagrarasan ya.

2 Pedro 1:10

Aypaꞌ kamu nga mga sulsug ku kat pamayaꞌ, sana dungagan mi pay paꞌres mi it muꞌsa ngaytu, isaꞌun masiguru mi kat magayeng pagꞌadaten mi nga kamu, kaꞌuyutan naga it mga piniliꞌ baw ipiyapinpin it Ampuꞌang Diyus nga mga taawan ya na. Ka basta atkayan i buwaten mi, talagang daꞌkamu mangindiꞌ it pamayaꞌ mi ngaytu.

1 Juan 2:29

Urut mi na nga talagang mataldeng i Ampuꞌang Diyus. Aypaꞌ sikayan matantuwan mi nga sira nga magbuwat nat mataldeng kat panleteg it Ampuꞌang Diyus ngaytu, sira i ipagpabetang ya nga mga anak ya na.

1 Juan 3:7

Mga bilang anak ku, ayaw kamut pateꞌag-teꞌag it maski siyu. Iyan nga magbuwat it kataldengan, mataldeng nayan kat panleteg it Ampuꞌang Diyus, subung it ki Jesu-Cristo nga talagang mataldeng.

Mga Ipiyalteg 22:14

Magkasagya talaga sira nga pirmi nga maglimpiyuꞌ it mga pakayan nira, nga ireg sugiden, pagsinguliꞌan i kada kasalaꞌan isaꞌun maꞌawaꞌ. Ka mabgayan sirat pudir nga semled situt siyudad ngaytu baw kumaꞌen it buwaꞌ it kayu ngaytu nga magbegay it kaꞌgenan.