Lucas 6:42 - Tagbanwa

⁴² Ta, magꞌuꞌunu mu maꞌaat i maꞌiba mu, ‘Daliꞌ, awaꞌen kuy puling mu ngayan nga kapu-kapu,’ it may magbabangkar asat mata mu? Aypaꞌ ikaw nga ipagpabetang mu nga egay magkaꞌiway kat pangaꞌgenan mu, gayen-gayenen mu daꞌan i sadiling adat bawnga mapakay nga iwayen muy ega magayeng buwat it maꞌiba mu. Awaꞌen mu daꞌan i magbabangkar ngayan, isaꞌun makalteg ka it magayen. Magayen-gayen mut kaꞌawaꞌ i puling it maꞌiba mu.”

Lucas 6:42 Iomraidhean Croise

Mateo 26:75

Duꞌun nademdeman ni Pedro i inaat ngayti ni Jesus nga, “Parabir tumaraꞌuk i manuk, tulu na nga paylu mu sabap it aken.” Nanliꞌwan na kanya. Siminggaw kanya it ega pateng nga sugaw.

Mateo 7:3

Taꞌway in unuka, in puling gat beken nga kapu-kapu lamang, yan i pagsisigmataen mu nga pirmi. Temed in sadili mu nga puling nga magbabangkar nat mata mu, pagpataꞌnan mu lamang.

Mateo 7:4

Ta, magꞌuꞌunu mu maꞌaat i maꞌiba mu, ‘Daliꞌ, awaꞌen kuy puling mu ngayan nga kapu-kapu,’ it may magbabangkar asat mata mu?

Lucas 13:15

Katubag i Ampuꞌan nga si Jesus, maat ya, “Kamung mga magbete-beteꞌ nga magpamayaꞌ it Ampuꞌang Diyus! Daꞌga baꞌ kada esat imyu, maski Aldaw it Kapaꞌnaan, pagꞌuꞌbaden mi i bakaꞌ u kabayuꞌ mi nga asno nga magsesget duꞌun it pagpaꞌlungan nga bala-balay baw ipaliꞌwan ka pagpaꞌimnun?

Lucas 22:32

Temed ta, ipiyanalangin ku naga, Simon, nga ega kapangindiꞌ ka it pamayaꞌ mut aken. Bawnga in kasinguliꞌ ka na baw makaꞌuliꞌnang kemseg i pamayaꞌ mut aken, paksegen mu i pamayaꞌ it mga kaꞌibaan mu ngaytu nga mga sulsug mu kat pamayaꞌ.”

Lucas 6:41

Taꞌway in unuka, in puling gat beken nga kapu-kapu lamang, iyan i pagsisigmataen mu nga pirmi. Temed in sadili mu nga puling nga magbabangkar nat mata mu, pagpataꞌnan mu lamang.

Lucas 6:43

“Iyan magayen nga kayu, simpri ega muwaꞌ it maraꞌe-raꞌet nga buwaꞌ. Baw ega gasiꞌ muwaꞌ it magayeng buwaꞌ i kayu nga magsarut.

Mga Binwat 13:10

Maat i inampang ya, “Ikaw ngaytu nga taw, subuk nagpaꞌanak ka nat ki Satanas! Purus pangakal baw kalukuwan i muꞌsang pagbuwaten mu. Maski unung kataldengan, pagkalabanen mu. Unu, ega paꞌ pedkanan muy buwat mu ngayan nga pagpakiꞌambutun muy kamatuudan nga ampang it Ampuꞌang Diyus?

Mga Binwat 2:38

Tiyubag sira ni Pedro, nga magꞌaat, “Ta, kaꞌilangan, magsinguliꞌ kamu it mga kasalaꞌan mi, baw pabawtis nga magpamatuud it pakilagpit kamu nat ki Jesu-Cristo. Buwaten mi tu isaꞌun mapasinsiya i mga kasalaꞌan mi baw begayan kamu nga pasaruman it Espiritu Santo.

Mga Binwat 8:21

Talagang egay kabagiꞌan mu kat ipagpabwat ngaytut amen baw daꞌka kaꞌuyut kaytu, sabap kat panleteg it Ampuꞌang Diyus, talagang ega mataldeng i kat nakem mu.

Roma 2:1

Ta, barang pagraꞌwayen mi na i karaꞌe-raꞌetan ngaytung siyangpit ku, temed ega pikiren mi nga egay turubagen mi gasit imyu. Sabap, kat pagꞌukuman mi ngaytut beken, subuk pagꞌukumanan mi nagay sadili mi. Ka lamang paꞌuku-ukuman kamu, atkayan nagay imyung pagbuwaten.

2 Corinto 5:18

Ampuꞌang Diyus tu talaga i garing it muꞌsa ngaytu, ka sabap it kamataynen ni Cristo ipiyabetang ya na kita nga mga iba-iba ya na, ega na kakuntraꞌ. Bawnga riyumraan ya kami nga mga manigpaꞌuliꞌ it taw duꞌut kanya, isaꞌun sira gasiꞌ i ipabetang nga mga iba-iba it Ampuꞌang Diyus.

2 Timoteo 2:21

Ta kayti, iyan mga taw nga magpaꞌalaid na kat muꞌsang karaꞌe-raꞌetan, iyan i subung it garamiten ngaytu nga ega basta-basta. Sabap iyan i nakasiguru nga kat Ampuꞌan ya na, nga magkapakinabangan baw alistu nga pirmi kat in unu nga magayen nga pagbuwaten.

2 Pedro 1:9

Temed ta, yay matuud, in siyu-siyu nga namayaꞌ na nga egay itu nga mga adat, kabilangan ya, beleg. Ega ipagpaꞌabwat yay pikir. Ka ega na pagdemdemen yay linimpiyuꞌ na kanya, sabap pagpamayaꞌ ya it Ampuꞌan, piyasinsiya nay mga kasalaꞌan nga pagbuwaten yat tagnaꞌ.