Lucas 6:41 - Tagbanwa

⁴¹ Taꞌway in unuka, in puling gat beken nga kapu-kapu lamang, iyan i pagsisigmataen mu nga pirmi. Temed in sadili mu nga puling nga magbabangkar nat mata mu, pagpataꞌnan mu lamang.

Lucas 6:41 Iomraidhean Croise

Mateo 7:1

Ipiyasigi ni Jesus i panulduꞌ ya, nga maat ya, “Paꞌalaidan mi i adat nga pirming pagsitaren i maꞌiba mi, isaꞌun daꞌkamu naga magkasitaran.

Marcos 8:7

May pirang batu gasiꞌ nga seda-sedaꞌ nira. Nagpasalamat siꞌ si Jesus it sumaꞌup duꞌun it Ampuꞌang Diyus, bawnga isingkat yat mga alagad ya nga ipanundul gasiꞌ.

Lucas 6:40

Matuud nga iyan alagad, ega kasubraꞌ it manigtulduꞌ ya. Temed basta natulduꞌan na nga banar, simpri makasbung na kanya it manigtulduꞌ ya.

Lucas 6:42

Ta, magꞌuꞌunu mu maꞌaat i maꞌiba mu, ‘Daliꞌ, awaꞌen kuy puling mu ngayan nga kapu-kapu,’ it may magbabangkar asat mata mu? Aypaꞌ ikaw nga ipagpabetang mu nga egay magkaꞌiway kat pangaꞌgenan mu, gayen-gayenen mu daꞌan i sadiling adat bawnga mapakay nga iwayen muy ega magayeng buwat it maꞌiba mu. Awaꞌen mu daꞌan i magbabangkar ngayan, isaꞌun makalteg ka it magayen. Magayen-gayen mut kaꞌawaꞌ i puling it maꞌiba mu.”

Juan 8:7

Mga magꞌingkut ngaytit ki Jesus, sigi-sigi nga ingkut nira. Ta it atkayti, timnindeg si Jesus bawnga miyampang, nga magꞌaat, “In siyu manggid it imyu i egay kakasalaꞌan, iyan i mapakay nga muꞌna nga muntal it kanya it batu.”

Roma 2:1

Ta, barang pagraꞌwayen mi na i karaꞌe-raꞌetan ngaytung siyangpit ku, temed ega pikiren mi nga egay turubagen mi gasit imyu. Sabap, kat pagꞌukuman mi ngaytut beken, subuk pagꞌukumanan mi nagay sadili mi. Ka lamang paꞌuku-ukuman kamu, atkayan nagay imyung pagbuwaten.

Santiago 1:24

nga lamang naltegan ya na i aꞌayusun kat bilug ya, piyataꞌnan ya lamang. Ta it ega naga inayus ya nga lagi, unupat nalipatan ya na.