Lucas 6:30 - Tagbanwa

³⁰ Talagang iyan i magayen, begayan mu i magꞌangut asat imu, baw in beteꞌ may misiꞌ it kusas mu, ega na maat baiꞌen mu paꞌ.

Lucas 6:30 Iomraidhean Croise

2 Corinto 8:9

Ka daꞌga baꞌ magkaꞌrutan mi na in sang unu talaga i kadakulaꞌ it kaꞌildaw it Ampuꞌan tami nga si Jesu-Cristo, nga maski ega babasta-bastaen i kabantugan baw kataꞌasan ya duꞌut langit, nagpabalyu nga subuk timawaꞌ nga miskin isaꞌun, kat pagkamiskin ya ngayti, magmanggaden kamu it kagayenan nga duꞌun it langit.

Mga Binwat 20:35

Atkaytuy binwat ku isaꞌun sana guruun mi gasiꞌ, nga matiyabangen kamu it beken, iyan nga mga marurupuk baw beken nga makukuriꞌ. Ka daꞌga baꞌ inaat it Ampuꞌan nga si Jesus nga subrang magkasagya i taw nga pirming magbegay, subraꞌ paꞌ kat taw nga pagbegayan?”

Mateo 6:12

Pasinsiyaen mu naga i mga kasalaꞌan namen, nga subung it pagbuwaten namen nga pagpasinsiyaen namen i mga magkasalaꞌan sinit amen.

Lucas 18:22

Pagkagneg ni Jesus kayti, maat ya siꞌ, “May esa paꞌ nga bagay nga magkakurangan mu. Ipaꞌalang muy muꞌsang mga kusas mu bawnga iyan bayad ya, pamagiꞌ-bagiꞌen mu kat mga makukuriꞌ. Ka in buwaten mu gaytu, siguradung may kamanggadan mu duꞌun it langit. Pagkabwat mut muꞌsa ngaytu, paꞌuliꞌ ka siꞌ situ, ka magbaya-bayaꞌ ka nat aken, nga alagad ku na.”

Lucas 12:33

Sigi, ipaꞌalang mi nay mga kusas mi, bawnga ipamagiꞌ mit mga makukuriꞌ. Yay magayen, riminut it kamanggadan nga duꞌun it langit, nga kabilangan ya, subung it berebtangat pirak nga ega magkaranggaꞌ baw ega gasiꞌ magkawaraꞌan. Sabap iyan i kamanggadan nga ega magkatakaw baw ega magkaketket it tanga.

Lucas 11:41

Aypaꞌ imbis nga adat nga malupig, mamgay kamut masagyay nakem it ildaw mi duꞌun it mga makukuriꞌ. Ta, magbaraꞌ nayan nga subuk limpiyuꞌ kamu na nga matuud.

Lucas 6:38

Magmaꞌatag kamu, ka basta atkayan, pagꞌatagan kamu nagay imyu it ega kurang nga pagtakes, in daꞌga tanes baw pagyenggeken baw urumbung paꞌ. Sabap tatakes nga paggamiten mi duꞌut beken, yanagay gamiten in kamu siꞌ.”

Mateo 18:35

Atkayan naga yan i buwaten it imyu it Amaꞌ ku nga duꞌut langit, in ega pasinsiyaen mit kamatuudan i masigkataw mi.”

Efeso 4:28

Iyan taw nga magtakaw i adat ya, kaꞌilangan indiꞌan ya na baw ipaturuꞌ ya nay liꞌnget ya kat in unu nga buwaten nga magayen, isaꞌun may ikatabang ya paꞌ kat in siyu nga may kakurangan.

Mateo 5:39

Temed kayti aku na i magꞌaat it imyu, nga kaꞌilangan egay kat nakem mi nga kubles in pakuriꞌan it beken. Pataꞌnan mu na lamang. In beteꞌ may tumampaling it imu kat iwanang ayun nga basingil mu, pataꞌnan mu na lamang nga tampalingen ya gasiꞌ i sang bali.

Lucas 6:29

In beteꞌ may tumampaling it imu kat iwanang ayun nga basingil mu, pataꞌnan mu na lamang nga tampalingen ya gasiꞌ i sang bali. Ta in agawun i gulamen mu, ibgay mu nay pati badyuꞌ mu.

Lucas 6:31

Aypaꞌ, buwaten mi duꞌun it beken, iyan nga ireg mi nga yanagay buwaten nira gasiꞌ it imyu.