Lucas 6:3 - Tagbanwa

³ Tiyubag sira ni Jesus, nga magꞌaat, “Unu, ega paꞌ nabasa mi i binwat it adiꞌ nga si David it tagnaꞌ, iyan ginteman kanya baw mga kaꞌibaan ya?

Lucas 6:3 Iomraidhean Croise

Mateo 19:4

Katubag si Jesus, maat ya, “Unu baꞌ, ega paꞌ nabasa mi kat isiyurat nga ampang it Ampuꞌang Diyus ngayan nga magꞌaat, ‘Puꞌun-puꞌun it taw, giyuna sira it Ampuꞌang Diyus, babay baw lalaki.’

Mateo 21:16

Maat nira it ki Jesus, “Unu, magkagnegan muy pagꞌampangen nira ngayan?” “Eeꞌ, magkagnegan ku,” maat ni Jesus. “Unu, ega paꞌ nabasa mi duꞌun it isiyurat nga ampang it Ampuꞌang Diyus ngayan nga magꞌaat, ‘Gumaring kat baꞌbaꞌ it mga dedekeyeꞌ nga mangaꞌwaꞌ pati mga paduduꞌun paꞌ, ipagpatlaꞌ muy pagbantug it imu.’ ”

Mateo 21:42

Miningkut siꞌ si Jesus it kanira. “Unu, ega paꞌ nabasa mi i itu nga ipiyagꞌaat duꞌun it isiyurat nga ampang it Ampuꞌang Diyus ngayan nga magꞌaat, ‘Iyan batu nga ega napakay it mga manigpatindeg it balay, palan yanagay giyamit nga piyakapakseg it balay. Talagang binwat tu it Ampuꞌang Diyus, baw kalililuꞌan talaga.’

Mateo 22:31

Ta, sabap gasiꞌ it pagꞌegen ngaytu it paꞌuliꞌ it mga miyatay, unu, ega paꞌ nabasa mi duꞌun it isiyurat nga ampang it Ampuꞌang Diyus i inaat yat imyu? Daꞌga baꞌ maat ya, maski naꞌlay na nga miyatay si Abraham, si Isaac baw si Jacob,

Mateo 4:2

Iyan nagtaꞌlib nay epat nga pulung aldaw baw delem nga magpuwasa si Jesus, ginteman na kanya.

Marcos 12:10

Bawnga miningkut si Jesus, “Unu, ega paꞌ nabasa mi i itu nga ipiyagꞌaat duꞌun it isiyurat nga ampang it Ampuꞌang Diyus ngayan nga magꞌaat, ‘Iyan batu nga ega napakay it mga manigpatindeg it balay, palan yanagay giyamit nga piyakapakseg it balay.

Marcos 12:26

Ta, sabap gasiꞌ it pagꞌegen ngaytu it paꞌuliꞌ it mga miyatay, unu, ega paꞌ nabasa mi duꞌun it kasuratan ni Moises i pasar it magsugu nga kayu-kayu nga magdiklap-diklap na? Daꞌga magꞌaat ngayan i magsusurat nga inaat it Ampuꞌang Diyus it ki Moises, ‘Aku i Ampuꞌang Diyus ni Abraham, ni Isaac baw ni Jacob.’