Lucas 6:25 - Tagbanwa

²⁵ Makuriꞌ talagay magꞌaꞌareg it imyu nga pagustuꞌ kayti, nga egay uru-urut it kakurangan, ka mabut talagay subuk getmen kamu, ka kakuriꞌan nay abutun. Makuriꞌ talagay magꞌaꞌareg it imyu nga yay paglabiyen, kasagyaan, nga ega magkasmekan i kasalaꞌan, sabap kasmek talagay abutun mi baw sumgaw kamu yan.

Lucas 6:25 Iomraidhean Croise

Lucas 12:20

Temed inaat kanyat Ampuꞌang Diyus, ‘Engel-engel ka! Sabap kayti ngaytu nga delem, baiꞌan ka na it ginawa. Ta, kasiyu nay muꞌsa ngayan nga rininut nga ipagꞌimet mu?’

Lucas 13:28

Siguradu nga sumgaw kamu baw gemeget i nipen mi basta naltegan mi nga duꞌun it kaꞌadiꞌan it Ampuꞌang Diyus na Abraham, si Isaac baw si Jacob, baw muꞌsa nga mga prupitaꞌ, temed kamu, pangimugawun kamuy imyu ka ega talaga pasleden.

Lucas 6:24

Temed makuriꞌ talagay magꞌaꞌareg it imyu nga mga manggaden kayti, nga kanget talaga it nakem mi i manggad mi ngaytu, sabap natanggap mi na i imyu nga kagayenan. Ega nay inawaren mi nga beken.

Lucas 6:26

Makuriꞌ talagay magꞌaꞌareg it imyu nga pagtuꞌgudun it katataawan sabap it yan lamang i ipagpaliꞌwan mi, mga pagsagyaan nira. Demdemen mi nga atkayan nagay pabetang it mga kagiyaringanan nira it mga magpapru-prupitaꞌ it tagnaꞌ.”

Lucas 8:53

Sinleman na si Jesus it mga taw ngayti ka namuyaan nirang patay na.

Efeso 5:4

Subung naga i mga maraꞌway baw kaꞌeyaꞌ-eyaꞌ nga pagrundingen u aaꞌgatan, baw mga ampang nga egay kakapulusan. Ega bagay it imyu i iyan ngayan, in daꞌga iyan nay pirmi nga magkabngaꞌan it baꞌbaꞌ mi, magpasalamat kamu duꞌun it Ampuꞌang Diyus.

1 Tesalonica 5:3

Ka iyan nga aldaw, maamaatan yay kadakel, “Bilaꞌ, maꞌimbeng baytu kayti! Egaytuy kaꞌaribugaran ta.” Temed yay kalgan nira, abutun sira it ega basta-bastang kakuriꞌan. Talagang maski munu-unu sira, ega talagay mapalagyuwan nira, ka abutun sira nga subuk babay nga magbebteng nga biglang sintiꞌen yay saꞌgid.

Santiago 4:9

Eeꞌ baꞌ, masmekan mi nga banar baw sugawan mi i mga kasalaꞌan mi. Gantiyan mit sugaw i kasesleman mi baw kasmek i kasagyaan mi.

Mga Ipiyalteg 3:17

Maat mi, manggaden kamu, baw bastanti nay muꞌsa. Egay maski unu nga kakurangan. Takaꞌ ega magkaꞌrutan mi nga yay matuud, kaꞌildaw-ildaw kamu, miskin kamu nga egay kaya mi. Beleg kamu baw lebas kamu nga taw.