Lucas 6:23 - Tagbanwa

²³ Sumagya kamu! Talagang maninigdaw kamut panagya-sagya in magꞌabut naytu, sabap ega talaga basta-basta i itumbas it imyu duꞌut langit. Demdemen mi nga atkayan nagay pabetang it mga kagiyaringanan nira it mga prupitaꞌ ngaytit tagnaꞌ.

Lucas 6:23 Iomraidhean Croise

1 Mga Adiꞌ 18:4

Kamatuudan, iyan kat timpu nga pagtiꞌsen ni Jezebel ngayting asawat adiꞌ i mga prupitaꞌ it AMPUꞌANG DIYUS, ipiyagribri ni Abdias ngayti i sang gatus nga kataawan. Itiyaguꞌ ya sira duꞌun it duwang kakubkuban, taglilimang puluꞌ i sang kakubkuban. Siyuwituꞌ ya sirat pangaꞌen pati danum.)

1 Mga Adiꞌ 19:10

Katubag si Elias, maat ya, “Talagang piyanindegan ku nga banar ikaw nga AMPUꞌANG DIYUS nga landaw nga gunaan. Sabap talagang riyanggaꞌ nat mga Israelita i pakiꞌupakat mu it kanira. Siyari nira nat panranggaꞌ i mga papangantengan it ipagsamba it imu. Siyari na gasiꞌ nirat pangimatay it tarep basiꞌ i mga prupitaꞌ mu. Ta aku mana ngaytuy naꞌped nga mapiyamayaꞌ it imu, temed sigi nagang tiꞌes nirat aken isaꞌun maꞌimatay aku gasiꞌ.”

1 Mga Adiꞌ 19:14

Katubag kanya, maat ya, “Talagang piyanindegan ku nga banar ikaw nga AMPUꞌANG DIYUS nga landaw nga gunaan. Sabap talagang riyanggaꞌ nat mga Israelita i pakiꞌupakat mut kanira. Siyari nira nat panranggaꞌ i mga papangantengan it ipagsamba it imu. Siyari nat pangimatay it tarep basiꞌ i mga prupitaꞌ mu. Ta aku mana ngaytuy naꞌped, temed sigi nagang tiꞌes nirat aken isaꞌun maꞌimatay aku naga gasiꞌ.”

1 Mga Adiꞌ 19:2

May piyapanaw yang lagi nga paꞌaduꞌun it ki Elias, tinggunan ya nga aaten, “Ipagsumpa ku, mapakay nga subraꞌ paꞌ it kubwaten kut imu i buwaten it aken it mga diyus ku in seked dedelem nga atkaytuy uras ega paꞌ naꞌimatay ku ikaw. Ipatibayaꞌ ku naga ikaw it mga prupitaꞌ ngayti nga piyangimatay mu.”

1 Mga Adiꞌ 21:20

Siyunud ni Elias i ipiyagꞌaat ngaytit kanya. Pagkalteg ni Acab it ki Elias ngayti, maat ya, “Waytu ka siꞌ, ikaw nga kalaban ku. Naparagan mu siꞌ aku.” Tumubag si Elias ngayti, maat ya, “Ta, it may enged ku siꞌ baytu situt imu, sabap talagang yanay nakapnuꞌ it imu, karaꞌe-raꞌetan kat panleteg it AMPUꞌANG DIYUS.

Nehemias 9:26

Maat nira, “Maski dakulay ildaw mu it mga kagiyaringanan namen, ega siyunud nira ikaw in daꞌga kiyalaban nira ga. Piyasngelan nira i mga urdin mu baw, iyan pagsitaren sira it mga prupitaꞌ nga tiyaꞌeg mu isaꞌun papaꞌuliꞌen sira asan it imu, piyangimatay nira ga. Talagang dakulay panibabaꞌ nira it imu.

Malakias 4:1

“Dedemdemen mi tu, mabut talagay aldaw nga puuꞌun ku i muꞌsang mga mapiyasubraꞌ baw mga mamumuwat it karaꞌe-raꞌetan. Kat iyan nga aldaw, maꞌanteng sira nga subung it dagami duꞌun it dakulang apuy nga magdidigalang it panugu-sugu. Talagang egay maꞌped it kanira,” maat it AMPUꞌANG DIYUS nga landaw nga gunaan.

Mateo 5:12

Sumagya kamu! Talagang sagyaan mi tu nga banar, sabap ega talaga basta-basta i itumbas it imyu duꞌut langit. Demdemen mi nga atkayan nagay pabetang it mga kagiyaringanan nira it mga prupitaꞌ ngaytit tagnaꞌ.”

Lucas 1:41

Pagkagneg ni Elisabet it pangumusta ngayti ni Maria, kimnuliꞌget i waꞌwaꞌ nga pagbebtengen ya, dengan it piyasaruman it Espiritu Santo si Elisabet ngayti.

Lucas 1:44

Sabap pagkagneg ku it pangumusta mu, kimnuliꞌget nga subuk simnagya i waꞌwaꞌ sinit panganganakan ku.

Lucas 6:35

Iyan talagay magayen, rarasan mi i mga kakuntraꞌ mi, baw paltegan mi sira it magayeng adat. Paꞌutang kamu maski egay pagsisiguruun mi nga may pamamayad ya. Ka basta atkaytu i buwaten mi, siguradu nga dakulaꞌ i tumbas nga tanggapen mi, baw maꞌyag nga mga anak kamu na it Ampuꞌang Diyus nga Subrang Piyakamataꞌas. Sabap pagꞌildawan ya nagay mga ega magkaꞌrut pasalamat baw mga maraꞌe-raꞌet i adat.

Mga Binwat 14:10

baw diyadakulaꞌ yang ampang nga magꞌaat, “Sigi! Timindeg ka na!” Egay beken, nagpatiꞌdak nay taw ngayti, dayun it nakapanaw na.

Mga Binwat 3:8

Nagpatitigdaw i timnindeg bawnga nagpasuliꞌ-sulit magpanaw. Pagseled na Pedro, nagpakidngan na kanya, sigi nang tigda-tigdaw yat magpanaw, sigi gasing pagbantug yat Ampuꞌang Diyus.

Mga Binwat 5:41

Ta it atkayti i nabetangan it mga apustul, masagyang-masagya sirang gimnaring duꞌun it Sanedrin ngayti, ka binggayan sirat Ampuꞌang Diyus it galang, ka piyalabay ya sira it kaꞌeꞌyaꞌan sabap it pakilagpit nirat ki Jesus.

Roma 5:3

Baw ega lamang itu ngaytu i masagyaan tami. Maski mga kakuriꞌan nga paglabayen ta kayti, pagsagyaan ta gasiꞌ sabap urut ta nga, liꞌwan ya kaytu, subrang madungagan i kateꞌteꞌ tat pamayaꞌ ta.

2 Corinto 12:10

Eeꞌ baꞌ, pagsagyaan ku ga in malubay aku, tibabaꞌen, igpitan, pakuriꞌan, u ereꞌeret nga pagꞌapisen aku sabap it pagsirbi ku it ki Cristo. Ka in kaꞌnu malubay aku u ega nay kaya ku nga sadili, sakaliꞌ siꞌ nga kumulaꞌsi aku sabap it keseg baw kakayaan nga ipagꞌildaw ni Cristo it aken.

Colosas 1:24

Talagang pagsagyaan ku i mga kakuriꞌan ku ngaytu kayti ka sambatan ku, abir ku nga makuriꞌan aku basta kat ikagayen mi. Sabap, kat mga kakuriꞌan ngaytut bilug ku, pagꞌayawun ku i ipiyabetang-betang ni Cristo nga malabayan ku kat ikagayen it kumpur magsarig baw magpamayaꞌ it kanya, nga kabilangan nira, bilug ya.

2 Timoteo 2:12

Eeꞌ baꞌ, basta teꞌteꞌan ta kanya, siguradung magꞌadiꞌ ta nga iba ya in duꞌun nat kaꞌadiꞌan ya. Takaꞌ in beteꞌ payluwan ta na kanya kat adapan it mga taw, siguradung payluwan ya kita pagꞌabut it aldaw ngayang ipangukuman.

Hebreo 11:26

Ka, kat pikir ya, maski unu nga kakuriꞌan i malabayan ya kat alima it beken sabap it pamayaꞌ ya it Manriribri nga ipalampud it Ampuꞌang Diyus kat pagdadarapaꞌen, yay subraꞌ pang magayen it kamanggadan nga mapisiꞌ ya duꞌun it Egipto. Iyan talagay ipiyatdek ya kat nakem ya, ega basta-basta nga itumbas it Ampuꞌang Diyus it kanya kat pagdadarapaꞌen.

Hebreo 11:6

Temed talagang ega mapakay nga sagyaan it Ampuꞌang Diyus i taw nga egay pamayaꞌ it kanya. Sabap maski siyu nga maat kupaꞌildaw it Ampuꞌang Diyus, kaꞌilangan nga magpamayaꞌ kanya nga may Ampuꞌang Diyus talaga. Baw kaꞌilangan gasiꞌ nga magpamayaꞌ kanya nga tumbasan it Ampuꞌang Diyus i kumpur magpaꞌres tumulus in magꞌuꞌunu makilalaan nira kanya nga banar.

Santiago 1:2

Mga sulsug ku kat pamayaꞌ, sana sumagya kamu naga it ega alang-alang in pagꞌabutun it dakel-dakel na nga kakuriꞌan, ka sukda-sukdan tu it pamayaꞌ baw pagsarig mi it Ampuꞌang Diyus.

1 Pedro 4:13

Ega paliluꞌan, in daꞌga sagyaan mi. Ka sikayan nakaꞌuyut kamu nat mga kakuriꞌan nga nalabayan ni Cristo. Baw basta atkayan, makasagya kamu nga banar in asan nat ipaꞌuliꞌ ya ngayan situ, nga ipatanyag nay kabantugan ya.

Mga Ipiyalteg 2:17

Ta it pagꞌargan it talinga ipagpagneg, kaꞌilangan pagnegan mit magayen i pagꞌaaten ngaytu nga ipagpatantu it Espiritu Santo kat mga magpamayaꞌ baw magsarig it aken. Ka in siyuy magkaꞌindaꞌeg it in unuy ipagkasalaꞌan baw ipagkaranggaꞌ it pamayaꞌ, siguradung may ibgay kut kanya nga magꞌaꞌareg sinit langit nga ega paꞌ magkaltegan it taw, iyan manna nga ipagkaꞌgen it egay kaskedan. Begayan ku gasiꞌ kanya it maputiꞌ nga batu nga pagsusuratan it esang ngaran nga baꞌgu nga egay maski siyung makaꞌrut, in daꞌga iyan lamang nga nabgayan kayan.’ ”

Mga Ipiyalteg 2:26

Ka in siyuy magkaꞌindaꞌeg it in unuy ipagkasalaꞌan baw ipagkaranggaꞌ it pamayaꞌ, baw magsunud nga pirmi it kaꞌirgan ku seked it umur, ibgay kut kanya i pamegbeg nga subung it tiyanggap ku nga ibinggay it aken it Amaꞌ ku, iyan pamegbeg it muꞌsang bangsa.

Mga Ipiyalteg 2:7

Aypaꞌ it pagꞌargan it talinga, ipagpagneg, kaꞌilangan pagnegan mit magayen i pagꞌaaten ngaytu, nga ipagpatantu it Espiritu Santo kat mga magpamayaꞌ baw magsarig it aken. Ka in siyuy magkaꞌindaꞌeg it in unuy ipagkasalaꞌan baw ipagkaranggaꞌ it pamayaꞌ, begayan ku kanyat pudir nga makakaꞌen it buwaꞌ it kayu nga magbegay it kaꞌgenan, nga duꞌun it kalu-kalulwakan it Ampuꞌang Diyus.’ ”

Mga Ipiyalteg 21:7

Siguradung tumbasan ku i iyan nga nakaꞌindaꞌeg it in unuy ipagkasalaꞌan baw ipagkaranggaꞌ it pamayaꞌ, ka aku nay Ampuꞌang Diyus ya baw kanya nayan i anak ku.

Mga Ipiyalteg 3:12

Ka in siyuy magkaꞌindaꞌeg it in unuy ipagkasalaꞌan baw ipagkaranggaꞌ it pamayaꞌ, siguradu nga buwaten ku kanya nga bilang esang unayen nga arigi kat Templo it Ampuꞌang Diyus ku. Talagang ega maꞌawaꞌ-awaꞌ kanya duꞌun seked it kaꞌnu-kaꞌnu. Iꞌunay kut sumurat kat bilug ya i ngaran it Ampuꞌang Diyus ku baw ngaran gasiꞌ it siyudad nga baꞌgung Jerusalem, gumaring ngaytu duꞌun it langit, nga ipalampud it Ampuꞌang Diyus. Iꞌunay ku gasit sumurat kat bilug ya i baꞌgung ngaran ku ka taawan ku na kanya.

Mga Ipiyalteg 3:5

Ka in siyuy magkaꞌindaꞌeg it in unuy ipagkasalaꞌan baw ipagkaranggaꞌ it pamayaꞌ, siguradung papakayan ku kanya it pakayan nga maputiꞌ baw ega buraen kuy ngaran ya kat pagsuratat mga pagbegayan it kaꞌgenan nga egay kaskedan. Baw ipamatuud ku kat adapan it Amaꞌ ku baw mga anghil ya nga pagkilalaen ku talaga kanya nga aken nayan.