Lucas 6:21 - Tagbanwa

²¹ Magkasagya kamu nga talagang kubwat nga pirmi it kaꞌirgan it Ampuꞌang Diyus, sabap talagang ibgay yat imyu nga mabwat mi. Magkasagya kamu nga magsugaw, mga magkasmek sabap it nabwat nga kasalaꞌan, ka kasagyaan i pasubli.

Lucas 6:21 Iomraidhean Croise

Genesis 17:17

Simnaꞌup siꞌ si Abraham it nanluud it magtetꞌem i rupa, temed nakaslem kanya. Kat nake-nakem ya, “Sang gatus nang taꞌun i idad ku baw si Sara ngaytu, ungaytu, manganak palan kanya it maski siyam nang puluꞌ i idad ya!”

Genesis 21:6

Miyampang si Sara, maat ya, “Kayti maslem aku na ka dakulaꞌ naytung kasagyaan nga begay it Ampuꞌang Diyus it aken. Baw makasagya gasiꞌ i kumpur mabaritaꞌan pasar it panganak ku ngaytu.”

Mateo 5:4

Magkasagya i mga magkasmek sabap it nabwat nga kasalaꞌan, ka banga-bangayen sira it Ampuꞌang Diyus.

Mateo 5:6

Magkasagya i mga talagang kubwat nga pirmi it kaꞌirgan it Ampuꞌang Diyus, sabap talagang ibgay ya it kanira nga mabwat nira.

Lucas 1:53

Iyan mga paggetmanan, piyaꞌgenan ya na it magagayeng mga bagay. Temed iyan mga manggaden, inimugaw ya na it egay maski unu.

Lucas 6:20

Liminteg si Jesus duꞌun it mga alagad ya baw miyampang, nga magꞌaat, “Magkasagya kamu nga ipagpabetang mi nga talagang egay sadiling kakayaan nga masarigan, in daꞌga Ampuꞌang Diyus lamang, sabap kaꞌuyut kamu duꞌun it kanyang kaꞌadiꞌan.

Lucas 6:22

Magkasagya kamu in pagꞌisgan kamu, pagpakitabugan baw pagtibabaꞌen it masigkataw mi, nga pati ngaran mi pagraꞌwayen nira, sabap it magpamayaꞌ kamu nat aken nga Taga Langit nga Ipiyanganak it Taw.

Lucas 6:25

Makuriꞌ talagay magꞌaꞌareg it imyu nga pagustuꞌ kayti, nga egay uru-urut it kakurangan, ka mabut talagay subuk getmen kamu, ka kakuriꞌan nay abutun. Makuriꞌ talagay magꞌaꞌareg it imyu nga yay paglabiyen, kasagyaan, nga ega magkasmekan i kasalaꞌan, sabap kasmek talagay abutun mi baw sumgaw kamu yan.

Juan 11:35

Timnuruy mga luwaꞌ ni Jesus.

Juan 4:10

Mampang siꞌ si Jesus, maat yat babay ngayti, “In beteꞌ naꞌrutan mu lamang in magꞌuꞌunuy kadakulat ildaw nga ibgay it Ampuꞌang Diyus, baw in nakilalaan mu na in siyuy magꞌaat ngaytut imu, ‘Paꞌimnun aku,’ ikaw nay mangut situt aken isaꞌun mabgayan ka it egen nga danum nga magkabgay it kaꞌgenan.”

Juan 6:35

“Aku i paꞌaateng pangaꞌen ngayan nga magkabgay it kaꞌgenan,” maat ni Jesus. “Iyan pasakep it aken, ega na maat getmanan paꞌ, baw iyan nga mamayaꞌ nat aken, seked kaꞌnu-kaꞌnu ega na kumuꞌinum.

1 Corinto 4:11

Talagang seked it kayti nga timpu, paggetmanan kami baw pagbaꞌnekan. Atnat lebas kami, maglabay it pasakit, baw egay tandaꞌ nga pagꞌistaran.

2 Corinto 11:27

Talagang nalabayan ku gasiꞌ i subraꞌ nga kakuriꞌ baw kalpuꞌ, pirmi nga pagꞌelken, ereꞌeret nga paggetmanan baw kuꞌinum, baw subraꞌ nga maramig ka egay tantung masagmen.

2 Corinto 12:10

Eeꞌ baꞌ, pagsagyaan ku ga in malubay aku, tibabaꞌen, igpitan, pakuriꞌan, u ereꞌeret nga pagꞌapisen aku sabap it pagsirbi ku it ki Cristo. Ka in kaꞌnu malubay aku u ega nay kaya ku nga sadili, sakaliꞌ siꞌ nga kumulaꞌsi aku sabap it keseg baw kakayaan nga ipagꞌildaw ni Cristo it aken.

2 Corinto 6:10

Talagang kasesmekan na nga buwat, takaꞌ daꞌga magꞌuꞌunay i kasagyaan namen? Subuk makuriꞌ kami na nga makuriꞌ temed dakel i magkapamanggad namen it kamanggadan nga egay kaꞌawaꞌan. Situt banwa egay sadili nameng kusas takaꞌ ipiyasiguru nat amen i muꞌsang kagayenan nga duꞌut langit.

Santiago 1:12

Magkasagya talaga i taw nga magpaneꞌteꞌ nga matuud kat pamayaꞌ ya it Ampuꞌang Diyus, maski pagꞌabutun kanya it mga kakuriꞌan nga sukda-sukdan it pamayaꞌ ya ngaytu. Ka basta temeꞌteꞌ, siguradu yan nga tanggapen ya i tumbas nga kaꞌgenan nga egay kaskedan, ka iyan i isiyanggup it Ampuꞌang Diyus kat muꞌsang may pagmaꞌal it kanya.

Mga Ipiyalteg 21:3

Baw siꞌ nga may nagnegan ku nga panggaꞌmarang dadakulaꞌ nga duꞌun it araꞌdungan ngaytit adiꞌ i sinraꞌan, nga magꞌaat, “Kayti iyan pamalay-balay it Ampuꞌang Diyus, asan nat mga taw. Pakisagpun na kanyat kanira ka mga taawan ya na sira. Baw talagang kanya ngaytu i Ampuꞌang Diyus nira, nga maꞌiba-iba nira nang pirmi.

Mga Ipiyalteg 7:16

Daꞌna yan sira makabatit getem baw kuꞌinum. Daꞌna kaꞌilangan nga pablad paꞌ sira it init it aldaw u makuriꞌan sira it maski unu paꞌ nga maꞌinit.