Lucas 6:19 - Tagbanwa

¹⁹ Talagang pagpaꞌresan it mga taw nga makatapal sirat ki Jesus sabap may guna duꞌut kanya nga ipagpedek it sarut.

Lucas 6:19 Iomraidhean Croise

Mateo 14:36

Nagpasanguꞌ-sanguꞌ sira duꞌut ki Jesus nga maski diꞌkit, papadiꞌkiten it ipagkabit kat sagyaden it gulamen ya i mga magsarut ngayti. Talagang muꞌsa nga magkapadiꞌkit, gimnayen nga matuud ka mindek nay sarut nira.

Marcos 3:10

Ka dakel nay mga may sarut nga piyagayen ni Jesus. Aypaꞌ ka pagrubu-rubuwan na kanya it beken nga mga may sarut ka isaꞌun maski tapal, makatapal sirat bilug ni Jesus.

Marcos 5:30

Temed natanudan ni Jesus nga may keseg it guna ya nga gimnaring duꞌut kanya. Naglised kanya baw miningkut it mga taw ngayti. Maat ya, “Siyuy nagpadiꞌkit sinit pakayan ku?”

Marcos 6:56

Talagang maski ari aduꞌunan ni Jesus ngayti, duꞌun it mga baryu, lansangan u babalayan nga duꞌut linibut, ipagdaꞌtun nira duꞌun it mataawun nga mga rugar nga pagpesagen ya i mga pagliliꞌtidan it mga magsarut ngayti. Baw ipagpasanguꞌ-sanguꞌ nga maski diꞌkit, papadiꞌkiten sira it ipagtakin kat sagyaden it gulamen ni Jesus. Talagang muꞌsa nga magkapadiꞌkit, magpanggayen, ka magpedek nay sarut nira.

Marcos 8:22

Nakaꞌbut na Jesus duꞌun it Betsaida. May mga taw nga miyabut nga magtataban it esang beleg. Ipagꞌabang nirat ki Jesus nga tapalen ya in mapakay.

Lucas 5:17

Kaꞌsa nga magpangadal si Jesus, may duꞌun nga mga Pariseo baw mga manigpaꞌyag it mga urdin it Ampuꞌang Diyus. May gimnaring duꞌut mga lansangan nga sakep it Galilea baw sakep it Judea, baw pati duꞌun it siyudad it Jerusalem. Talagang duꞌun nat ki Jesus ngayti i guna it Ampuꞌang Diyus nga ipagkapdek it maski unu nga sarut.

Lucas 6:18

Piyangimugaw ya gasiꞌ duꞌut mga taw i magpapulpug it kanira nga maraꞌe-raꞌet.

Mga Binwat 19:12

Kamatuudan, basta may nakapadiꞌkit it bilug ya nga lages u pagsambutun nga rambay, nga yanay ipadiꞌkit gasiꞌ duꞌun it mga magsarut, magpedek i sarut nira, u limꞌid i magpapulpug nga maraꞌe-raꞌet.

1 Pedro 2:9

Temed kamu, mga taw kamu nga piniliꞌ it Ampuꞌang Diyus. Mga adiꞌ kamu kat kaꞌadiꞌan ya, baw mga sasirduti nga magsirbi it kanya. Subung kamu nat esang bangsat taw nga ipiyasiguru it Ampuꞌang Diyus nga talagang kanya na. Piniliꞌ kamu nga mga taawan ya isaꞌun ipatanyag mi i mga kalililuꞌan nga mga buwat ya. Ka kanya i nagpaliꞌwan it imyu kat kadleman it kasalaꞌan isaꞌun mangaꞌgenan kamu kat kaꞌyagan it ega basta-bastang kagayenan ya.