Lucas 6:14 - Tagbanwa

¹⁴ Kadakel nira, si Simon nga piyangaranan yat ki Pedro, baw si Andres nga sulsug ni Pedro ngayti, na Santiago duwa ni Juan, si Felipe, si Bartolome,

Lucas 6:14 Iomraidhean Croise

Mateo 10:2

Ituy mga ngaran it sang puluꞌ baw duwa ngayting mga alagad ni Jesus. Si Simon nga esang paggetaꞌen nga ngaran ya, si Pedro, baw si Andres nga sulsug ni Simon ngayti, si Santiago baw si Juan nga mga anak ni Zebedeo,

Mateo 10:3

si Felipe, si Bartolome, si Tomas baw si Mateo nga manigpabayad na ngayti it barayadan duꞌut gubirnu, si Santiago nga anak ni Alfeo, si Tadeo,

Mateo 4:18

Kaꞌsa nga magpanaw si Jesus duꞌut tambing it Lapnaw it Galilea ngayti, napsagan ya i duwang namagsulsug nga manigsedaꞌ, si Simon nga esang ngaran ya si Pedro, baw si Andres. Mamaglaya sira.

Mateo 4:21

Sigi nga panaw ni Jesus ngayti, napsagan ya gasiꞌ namagsulsug nagang duwa, si Santiago baw si Juan. Mga anak sira na Zebedeo. Mamagꞌayus sira it lambat nira duꞌut sakayan, iba nira nagay amaꞌ nira ngayti. Tiyaꞌwagan gasiꞌ sira ni Jesus.

Marcos 1:19

Sigi nga panaw ni Jesus ngayti, desang duꞌut langbus napsagan ya i duwa gasiꞌ nga namagsulsug nga si Santiago baw si Juan. Mga anak sira na Zebedeo. Mamagꞌayus sira it lambat nira duꞌut sakayan.

Marcos 1:29

Pagliꞌwan nira duꞌut papagsambaan, naꞌaduꞌun na Jesus it balay it duwa ngayti magsulsug nga si Simon baw si Andres. Kaꞌibaan nira nagat naꞌaduꞌun, si Santiago baw si Juan.

Marcos 14:33

Temed piyabayaꞌ ya naga si Pedro, si Santiago baw si Juan. Nagpapuꞌun it rumaꞌe-raꞌet i nakem ya baw talagang magkasusa kanya.

Marcos 3:16

Itu may itu i sang puluꞌ may duwa nga piniliꞌ ya. Si Simon nga piyangaranan yat Pedro,

Marcos 5:37

Bawnga inaat yay kadakel ngayti nga patuduꞌ na sira. Yamanay piyabayaꞌ ya, si Pedro baw duwa ngayting nagsulsug nga si Santiago baw si Juan.

Marcos 9:2

Nagtaꞌlib i enem nga aldaw, piyabayaꞌ ni Jesus si Pedro, si Santiago baw si Juan, ega nay kaꞌibaan nirang beken. Timnungul sira duꞌun it esang matindeg nga bukid. Iyan duꞌun na sira, naltegan nira nga nagsiyang i kinataw ni Jesus.

Lucas 5:10

Naliluꞌ gasiꞌ i mga kaꞌibaan nira duꞌun it sangbat ngayting sakayan, nga si Santiago duwa ni Juan, nga mga anak ni Zebedeo. Bawnga maat ni Jesus it ki Simon ngayti, “Ayaw kat iꞌlam. Ka garing kayti, buwaten ku na ikaw nga taw na i subuk paglugitmen mu.”

Lucas 5:8

Pagkamuya ni Simon Pedro kayti, nanluud kanya duꞌun it sarungaan ni Jesus. Miyampang nga magꞌaat, “Paꞌalaidan mu na aku, Ampuꞌan, sabap talagang makasalaꞌan aku.”

Lucas 6:13

Pagkadedelman, tiningped yay kadakel it mga alagad ya baw miniliꞌ kanya it sang puluꞌ may duwa nga kataawan. Tiyaꞌwag ya sira nga mga apustul, ka sira ngayti i mga kaꞌiba-iba ya nga pirmi baw sira i taꞌgen ya nga mangadal.

Lucas 6:15

si Mateo, si Tomas baw si Santiago nga anak ni Alfeo. Baw si Simon nga Cananeo,

Juan 1:45

Si Felipe ngayti, tiyulus yay esang taw nga pagpangaranat ki Natanael ka siyugidan ya, nga maat ya, “Naparagan namen i pagpapuntuꞌan it siyangpit ni Moises duꞌut mga isiyurat ya baw siyangpit gasiꞌ it mga prupitaꞌ kat mga isiyurat nira. Si Jesus tu nga taga Nazaret nga anak na Jose.”

Juan 14:8

Inaat kanya ni Felipe, “Iyan baꞌ talagay ireg namen, ipalteg mut amen i Amaꞌ mu ngayan.”

Juan 6:5

Paglawag ni Jesus, nalawag ya nga dakel nang mga taw i mamagꞌaꞌabut. Iningkut ya si Felipe, “Ariyen tuy maꞌalangan tami it pangaꞌen isaꞌun may makaꞌen it mga taw ngayan?”

Juan 6:8

Maat i sang kataawan nga alagad ya nga si Andres, nga sulsug ni Simon Pedro,

Mga Binwat 1:13

Pagꞌabut nira duꞌun it siyudad, dayun-dayun sira duꞌut piyaꞌabutan nira nagang balay, baw miyapyat duꞌut esang seled duꞌut dibwat nga pagꞌiꞌistaran nira. Kadakel nira, si Pedro, si Juan, si Santiago baw si Andres, si Felipe baw si Tomas, si Bartolome baw si Mateo, si Santiago nga anak ni Alfeo, si Simon nga Cananeo, baw si Judas nga anak ni Santiago.

Mga Binwat 12:2

Esa it mga apustul, nga si Santiago nga sulsug ni Juan, ipiyabunuꞌ ya.

2 Pedro 1:1

Aku nagang si Simon Pedro, nga manigsirbi baw apustul ni Jesu-Cristo, i garing kaytu. Pagsuratan ku kamung muꞌsa nga kasubung namen nga magpamayaꞌ baw magsarig it ki Jesu-Cristo. Kanyay Ampuꞌang Diyus baw Manriribri tami. Baw paribasay egay pagbidaꞌen ya, surubung tami nga inildawan ya it pamayaꞌ ngaytu.