Lucas 6:12 - Tagbanwa

¹² Kat iti nga timpu, naꞌaduꞌun si Jesus it esa nga mungsuꞌ. Nanalangin kanya duꞌun it naglinag.

Lucas 6:12 Iomraidhean Croise

Daniel 6:10

Maski naꞌrutan ni Daniel nga may pinirmaꞌan it adiꞌ nga atkayti nga urdin, ipiyasigi ya naga i adat yat kaꞌlay. Miyuliꞌ kanya duꞌun it balay ya baw miyapyat duꞌun it esang seled nga duꞌun it dibwat. Bawnga limningkuꞌud kanya duꞌut patuꞌ it esang abri nga lalawagan nga ayun duꞌun it giyaringan ya nga banwa nga Jerusalem, ka nanalangin baw nagpasalamat duꞌun it Ampuꞌang Diyus. Binwat yay atkayti it tulung bisis it sang aldaw, subung nagat kaꞌlay ngayti nga buwat ya.

Mateo 5:1

Kaꞌsa nga namuyaan ni Jesus nga dakel nang dakel siꞌ i mga taw duꞌun nga miyabut, timnungu-tungul kanya duꞌut esang bulud bawnga miyadung. Nagpatpad naga duꞌut kanya i mga alagad ya.

Mateo 6:6

Yay magayen in magpanalangin kay imu, paꞌesa-esa ka duꞌun it esa nga seled baw magsiradu. Bawnga manalangin ka na duꞌun it Amaꞌ mu nga ega magkaltegan temed kanyay magkalteg it imu. Ka siguradu yang tumbasan ya ikaw kat buwat mu ngayang ega uyut i patuꞌgud.

Marcos 1:35

Kukuꞌ-aldaw paꞌ, nagbangun na si Jesus. Naꞌaduꞌun kanya it esang rugar nga egay tataw, ka nanalangin duꞌun.

Marcos 3:13

Bawnga naꞌaduꞌun si Jesus it mamungsuꞌun. Kaꞌibaan ya it naꞌaduꞌun, mga piyabayaꞌ ya nga naꞌirgan ya.

Marcos 6:46

Pagkagaring it mga taw ngayti, nanungul kanya duꞌun it mungsuꞌ ka nanalangin duꞌun.

Lucas 5:16

Temed si Jesus ngayti, pirmi nga magꞌaduꞌun kanya it rugar nga kapupuyangtan ka magpanalangin duꞌun.

Lucas 6:11

Ereꞌeret nang pangise-iseg it mga magniid ngayti. Namagrunding sira in unuy mabwat nirat ki Jesus ngayti.

Lucas 6:17

Nanadsad na si Jesus, sang siraan nat mga piniliꞌ ya ngayti. Pagꞌabut nira duꞌut daranasan, timnindeg na sira duꞌun. Duꞌun nay kadaklan it mga pagtulduꞌan ya baw beken paꞌ nga mga taw nga dakel na nga dakel, nga garing duꞌun it muꞌsang rugar it Judea, pati siyudad it Jerusalem, baw garing gasiꞌ duꞌun it mga lansangan it Tiro baw Sidon nga duꞌut tepad it Dagat Mediteraneo. Duꞌun sira ka kupagneg it pangadal ni Jesus, baw iyan mga may sarut, magpangabang sira nga pagayenen.

Lucas 9:18

Kaꞌsang aldaw, magpanalangin si Jesus it esa-esa ya, nga mga alagad ya lamang i kaꞌibaan ya duꞌut iting rugar. Pagkatupus ya, iningkut ya sira nga magꞌaat, “Unuy magkadengeg-dengegan mi nga patandes it mga katataawan in siyu aku?”

Lucas 9:28

Nagtaꞌlib i barang mga walung aldaw garing it pagkasugid ni Jesus it iti ngayti, timnungul si Jesus duꞌut esang bukid ka manalangin duꞌun. Piyabayaꞌ ya si Pedro, si Juan baw si Santiago.

Lucas 9:29

Iyan magpanalangin na kanya, sakaliꞌ nga nagsiyang i rupa ni Jesus, baw pakayan ya, kasisilaw na talagay pamuti-putiꞌ.

Juan 6:3

Timnungu-tungul si Jesus duꞌun it mungsuꞌ, sang siraan nagat mga alagad ya ngayti, bawnga namagꞌadung sira.

Colosas 4:2

Itu paꞌ gasiꞌ i beken nga ipagꞌaat kut imyu, mapiyaꞌres kamu kat panalangin, baw in magpanalangin kamu mapiyasalamat kamung mga taw. Pagpipikiren mit magayen i pagꞌampangen mi kat panalangin, ega maat magbasta-basta lamang.

Hebreo 5:7

Si Jesus ngaytu, iyan situ paꞌ kanya ngayan it banwa, magpanggagaꞌuy kanya talaga nga uyut i luwaꞌ kat mga panalangin ya duꞌun it Ampuꞌang Diyus. Ka Ampuꞌang Diyus lamang i makaribri it kanya duꞌun it kamataynen. Baw talagang tiyubag i mga panalangin ya sabap nagpalulus kanya nga banar kat kaꞌirgan it Ampuꞌang Diyus.

1 Samuel 15:11

“Sayang na lamang i pagpiliꞌ ku it ki Saul nga magꞌadiꞌ, sabap tiyalikudan ya naga aku. Ega siyunud yay mga ipiyagꞌaat kut kanya.” Pagkagneg ni Samuel kayti, nasmek kanya nga banar. Naglinag naga kanya nga magpasanguꞌ-sanguꞌ duꞌun it AMPUꞌANG DIYUS sabap it ki Saul ngayti.