Lucas 6:11 - Tagbanwa

¹¹ Ereꞌeret nang pangise-iseg it mga magniid ngayti. Namagrunding sira in unuy mabwat nirat ki Jesus ngayti.

Lucas 6:11 Iomraidhean Croise

Mateo 16:7

Pagkagneg it mga alagad, kimidem-kideman sira nga magꞌaat, “Inaat ya bayan i atkayan ka ega ngaytuy balun tami nga tinapay.”

Mateo 21:45

Pagkagneg it mga pagbayaꞌen it mga sasirduti baw mga Pariseo it mga alimbawa ngayti ni Jesus, nasepsepan nira nga sira i pagpapuntuꞌan ya kayti.

Lucas 4:28

Ereꞌeret i iseg it muꞌsa ngayti nga duꞌut papagsambaan, pagkagneg nira kayti.

Lucas 6:10

Sinyekan ni Jesus i kadakel ngayti duꞌun it linibut ya, bawnga inaat yay lalaki ngayti, “Ibtir muy alima mu.” Ibintir ya nga matuud, langkuy it kimay ya ngayti gimnayen it gayen banar.

Lucas 6:12

Kat iti nga timpu, naꞌaduꞌun si Jesus it esa nga mungsuꞌ. Nanalangin kanya duꞌun it naglinag.

Juan 11:47

Aypaꞌ tiningped it mga pagbayaꞌen it sasirduti baw mga Pariseo i mga kaꞌibaan nira nga manigꞌukuman, mga kaꞌuyutan it Sanedrin. Pagkatingped nira, maat nira, “Unuytuy magayen nga buwaten tami, it dakel nang tandaꞌanan nga mga kalililuꞌang bagay i pagbuwaten it itung taw?

Juan 7:1

Ega naꞌlay napanaw siꞌ na Jesus, nanlekep-lekep it Galilea. Pagtemden yang ega paꞌ paꞌaduꞌun it Judea ka kuꞌimatayen kanyat mga pagbayaꞌen it mga Judio duꞌun.

Mga Binwat 26:11

Pagseled-seleden kuy mga papagsambaan baw in siyuy madakep kung magpamayaꞌ, pagpasakitan ku sira ka ireg ku mareges sirat timibabaꞌ it ki Jesus ngayti. Kamatuudan it masyaduy iseg kut kanira, pagtiꞌsen ku maski duꞌun it beken nga mga siyudad.”

Mga Binwat 4:15

Aypaꞌ piyaliꞌwan na nira na Pedro duꞌun it pamagtingpedan nira ngayti, isaꞌun kapagrunding sira in unuy magayeng buwaten.

Mga Binwat 4:19

Temed pagkagneg na Pedro, tiyubag nira nga magꞌaat, “Ukumanan mi in ari mapakay it Ampuꞌang Diyus. Unu, kanya nga kaꞌirgan i sunudun namen u imyu ngaytu nga kuntraꞌ kat itiyaꞌeg yat amen?

Mga Binwat 5:33

Ta, pagkagneg it mga pagbayaꞌen ngayti, timnalaluꞌ nga banar i iseg nira. Ireg nira nang pangimatayen i mga apustul ngayti.

Mga Binwat 7:54

Ta, pagkagneg it mga pagbayaꞌen ngaytit mga Judio, talagang magkeeket nay nipen nirat pangise-iseg.

2 Timoteo 3:9

Temed ega nagay liyapusan it duwa ngayti. Ta mga taw ngaytu gasiꞌ, ega talagay lapusan it buwat nira, in daꞌga mabut i matanyag na kat kadakel i kamaliꞌ nira.