Lucas 5:8 - Tagbanwa

⁸ Pagkamuya ni Simon Pedro kayti, nanluud kanya duꞌun it sarungaan ni Jesus. Miyampang nga magꞌaat, “Paꞌalaidan mu na aku, Ampuꞌan, sabap talagang makasalaꞌan aku.”

Lucas 5:8 Iomraidhean Croise

2 Samuel 6:9

Ta sabap it iti ngayting kaꞌulugan, miniꞌlam si David it AMPUꞌANG DIYUS. Maat ni David ngayti, “Ta magꞌuꞌunu kuytu matarima i Kaban ngaytut Pakiꞌupakat?”

1 Mga Adiꞌ 17:18

Kaꞌampang i babay ngayti, maat yat ki Elias, “Unu nay naꞌisgan mut aken, manigsirbi it Ampuꞌang Diyus? Siguru yay inasitu mu, isaꞌun nga irapar mut aken i mga kasalaꞌan ku baw isaꞌun matay i anak ku ngaytu.”

Exodo 20:19

Baw inupakat nira si Moises, nga maat nira, “Ikaw na i mampang, pagneg kami yan. Ega na Ampuꞌang Diyus ngayan, ka barang matay kami!”

Isaias 6:5

Kaꞌampang aku, “Unu nay baraꞌan ku kaytu it purus na maraꞌe-raꞌet i magliꞌwan kat baꞌbaꞌ ku, baw pagtataꞌidan ku, kasagpun it mga taw ngaytu nga maraꞌe-raꞌet gasiꞌ i kat baꞌbaꞌ nira. Siguraduytu nga maꞌilang aku naytu sabap makasalaꞌan aku nga nakalteg it AMPUꞌANG DIYUS nga landaw nga gunaan, kanya nga ega basta-bastang Adiꞌ.”

Mateo 17:6

Miniꞌlam talagang banar i mga alagad ngayti, pagkagneg nirat ampang ngayti. Nakasuꞌsub sira langkuy.

Mateo 2:11

Pagkasled nira duꞌut balay ngayti, naltegan nira i waꞌwaꞌ nga pagsasakbutun it inaꞌ ya nga si Maria. Siyamba nira kanya it magtetꞌem i rupa duꞌun it daꞌtag. Bawnga inukad nira nay mga marerga nga taban nira nga bulawan, pirmirang kamangyan baw marga nga babangluun nga mira, nga ibgay nirat waꞌwaꞌ ngayti.

Mateo 8:8

Temed kaꞌampang i kapitan ngayti, maat ya, “Agalen, maski ega mayaꞌ ka, sabap talagang subraꞌ ka nga mataꞌas. Magꞌeyaꞌ aku nga pabayaꞌen ka duꞌut amen. Pagsisiguruun ku nga, mampang ka lamang kayti, gumayen talagay taraꞌgen ku ngayti.

Lucas 5:7

Kinimpayan nira i mga kaꞌibaan nira duꞌut sang kasakayanan ka piyatabang. Nakargadu i duwa ngayting sakayan it yamanay daꞌga matgeb.

Lucas 5:9

Atkayti i inampang ni Simon Pedro ka naliluꞌ kanya, pati mga kaꞌibaan ya duꞌut sakayan ngayti, sabap it yanay dali-daliꞌ nirat kapisiꞌ it yanayting kadakulaꞌ.

Juan 11:32

Pagꞌabut ni Maria duꞌut ki Jesus, nanluud kanya duꞌun it tepad it aꞌay ni Jesus bawnga miyampang kanya nga magꞌaat, “Ampuꞌan, in beteꞌ situ ka lamang, ega natay i sulsug ku.”

1 Corinto 13:12

Kayti subung it waꞌwaꞌ tami paꞌ nga ega paꞌ ustuꞌ i magkasepsepan pasar it mga bagay it Ampuꞌang Diyus. Kabilangan ya, subuk magpanalamin ta duꞌun it ega na maꞌyag nga salamin. Temed talagang mabut i aldaw nga meyag tu nga muꞌsa ka maꞌawaꞌ i muꞌsang ipagkalukug it kasepsep. Kat iting timpu maꞌaten i kaꞌustuꞌang kasepsep, subung nagat kasepsep it Ampuꞌang Diyus it aten.

Mga Ipiyalteg 1:17

Pagkalteg kut kanya ngayti, simnuꞌsub aku na duꞌut aꞌay ya. Ega nakariꞌe-riꞌeng aku ka subuk ega nay giginawa ku. Temed tiyapal ya aku it iwanan nga alima ya baw inaat ya, “Ayaw kat iꞌlam. Aku i uꞌnat muꞌsa baw aku nagay kat sinauryan. Talagang kat pamegbeg ku i muꞌsa.