Lucas 5:5 - Tagbanwa

⁵ Katubag si Simon, “Agalen, nariga-riga kami ga ngayat naglinag, maski nga banar sangbat egay napisiꞌ namen. Temed sabap it ikaw i nagꞌaat, manglug kami siꞌ it lambat namen.”

Lucas 5:5 Iomraidhean Croise

Lucas 17:13

bawnga nanggaꞌmaran nga magꞌaat, “Jesus nga Agalen, beteꞌ sanguꞌan mu naga kami!”

Lucas 8:24

Siyulag si Jesus it mga alagad ya ngayti. “Agalen! Agalen!” maat nira, “matgeb tami na baytu!” Egay beken, nagbangun si Jesus baw biyugrakan yay deres baw bakat. Ta sakaling yimnengyeng i deres baw limnantap nat atna.

Lucas 8:45

Miningkut si Jesus, nga magꞌaat, “Siyuy nagpadiꞌkit it aken?” Ta it egay magpanugid in siyu, kaꞌampang si Pedro, maat ya, “Agalen, maꞌingkut mu paꞌ bay, ungaytu, magdiꞌre-diꞌreten nay taw nga magkadedeg nat imu!”

Lucas 9:33

Iyan mamaggagaring nay duwa ngayting duꞌut umid ni Jesus, mampang si Pedro. Maat ya, “Agalen, magayen talaga nga situ tami na. Baw magayen siguru, muwat kamit tulung kaꞌardungan. Esay imu, esay ki Moises baw esay ki Elias.” Ega na napikir ni Pedro i inampang ya ngayti.

Lucas 9:49

Kaꞌampang i esang alagad nga si Juan. Maat ya, “Agalen, may naltegan namen baꞌ nga taw nga magpangimugaw it maraꞌe-raꞌet, nga ngaran mu i pagsangpiten ya. Ta, siyulang-sulang namen yan, ka ega naga kaꞌibaan ta kanya.”

Juan 15:14

Kamu i magayen nga iba-iba ku in pagsunudun mi i ipagꞌurdin ku.

Juan 2:5

Inaat it inaꞌ ngayti ni Jesus i mga manigtarakan, “Iyan buwaten mi i kumpur iꞌaat yat imyu nga buwaten.”

Juan 21:3

“Aa daꞌga,” maat ni Simon Pedro it kanira, “manlugitem akuy aken.” “In atkayan,” maat nira, “mayaꞌ kami.” Namagpanaw na sira. Pagꞌabut nira, namagsakay na. Temed ta, maski sangbat, egay napisiꞌ nirat naꞌaldawan.