Lucas 5:30 - Tagbanwa

³⁰ Ta, mga Pariseo baw kaꞌibaan nira nga mga manigpaꞌyag it urdin nga nakamuya kaytu, mamagsitar na. Inaat niray mga alagad ngayti ni Jesus, “Unuka magpakidngan kamut kumaꞌen baw minum it mga malulupig nga manigpabayad it barayadan baw beken ngayang ega magsunud nga banar it mga urdin tami?”

Lucas 5:30 Iomraidhean Croise

Mateo 5:46

Ka in iyan lamang, mga magraras it imyu i rarasan mi, unu paꞌ i tumbas nga pagꞌeꞌlaten mi? Ka daꞌga baꞌ pagbuwaten nay atkaytu it maski mga malulupig nga manigpabayad it barayadan duꞌut gubirnu?

Mateo 9:11

Pagkalteg it mga Pariseo it atkayti ngayti, iningkut nira i mga alagad ngayti ni Jesus. Maat nira, “Unuka magpakidngan it kumaꞌen i manigtulduꞌ mi it mga malulupig nga manigpabayad it barayadan baw beken ngayang ega magsunud nga banar it mga urdin tami?”

Marcos 2:16

Naltegan it beken nga mga manigpaꞌyag it urdin nga kaꞌuyutan it mga Pariseo. Aypaꞌ iningkut niray mga alagad ngayti ni Jesus. Maat nira, “Unuka magpakidngan kanya it kumaꞌen it mga malulupig nga manigpabayad it barayadan duꞌut gubirnu baw beken ngayang ega magsunud nga banar it mga urdin tami?”

Marcos 7:3

Ka mga Judio, subraꞌ na in mga Pariseo, ega kumaꞌen basta ega nakapangugas it alima uyun duꞌun it kaꞌugaliꞌan nga siyubli-subli nira kat mga kamagugurangan nira.

Marcos 9:16

“Unu bay pagpakidaꞌgan mit kanira?” ingkut ni Jesus.

Lucas 18:11

Timnindeg it pagayen-gayen i Pariseo ngayti ka maat kunuꞌ manalangin, arit kanya ngayting panalangin, desang magpatuꞌgud. Ka maat ya, ‘Ampuꞌang Diyus, magpasalamat akut imu nga daꞌku subung it beken nga ega magayen i adat, ka sira, malupig, mapiyanluku, baw magpamakun duꞌun it ega asawa nira. Magayen ku talagay daꞌku makasalaꞌan nga subung it manigpabayad ngayni.

Lucas 19:7

Egay beken, muꞌsa nga nakalteg kayti, remeteng-retengan nga maamaatan, “Bilaꞌ, magpaꞌabut kanya duꞌun it esa nga makasalaꞌan!”

Lucas 5:17

Kaꞌsa nga magpangadal si Jesus, may duꞌun nga mga Pariseo baw mga manigpaꞌyag it mga urdin it Ampuꞌang Diyus. May gimnaring duꞌut mga lansangan nga sakep it Galilea baw sakep it Judea, baw pati duꞌun it siyudad it Jerusalem. Talagang duꞌun nat ki Jesus ngayti i guna it Ampuꞌang Diyus nga ipagkapdek it maski unu nga sarut.

Lucas 5:21

Pagkagneg it mga manigpaꞌyag it urdin baw mga Pariseo ngayti, kat nake-nakem nira, “Siyu baytung taw i, in mangangampangan, magpaDiyu-Diyus na ngaytu? Daꞌga baꞌ Ampuꞌang Diyus lamang i magkapasinsiya it kasalaꞌan?”

Lucas 7:34

Bawnga aku, nga Taga Langit nga Ipiyanganak it Taw, magpakikaraꞌnen baw magꞌinum it pagꞌimnun ta. Ta, pagꞌaaten mi, ‘Letganan mi bay iyang taw, saꞌbangan baw makuꞌinum, iba-iba kanya it malulupig nga manigpabayad it barayadan baw beken nga makasalaꞌan.’

Lucas 7:39

Pagkalteg it Pariseo ngayti nga minimbitar it ki Jesus, maat i kat nakem ya, “In talagang prupitaꞌ i itung taw, simpri magkaꞌrutan ya in unu nga kalasit babay i magtapa-tapal ngaytut kanya, ka babay tu nga makasalaꞌan.”

Mga Binwat 23:9

Iyan atnakayti, dimnadakulaꞌ nang banar i ampang nira ka namagraꞌe-raꞌeten na. Namagtindeg nay mga manigpaꞌyag it urdin nga kaꞌuyutan it mga Pariseo. Maat nira, “Ega nagay magkaparagan namen nga masalaꞌan it itung taw. In beteꞌ piyakisugidan kanyang matuud it esang anghil u beken nga garing duꞌun it langit, simpri ega kasalaꞌan.”