Lucas 5:26 - Tagbanwa

²⁶ Namagkaliluꞌ i kadakel ngayti baw biyantug niray Ampuꞌang Diyus. Talagang inabut gasiꞌ sirat iꞌlam baw maat nira, “Kalililuꞌan naytung bagay i naltegan ta ngaytu kayti!”

Lucas 5:26 Iomraidhean Croise

Mateo 12:23

Talagang naliluꞌ i muꞌsa nga nakalteg kayti. Maamaatan sira, “Siguru itu nay isiyanggup it Ampuꞌang Diyus nga limiꞌwan duꞌun it mga tungtung-inapuꞌ it adiꞌ ngayan nga si David.”

Mateo 28:8

Pagkagneg na Maria ngayti, napanaw na sira. Nagragit iꞌlam baw sagya i kat nakem nira. Mamagpapalagyu sira nga naꞌaduꞌut mga alagad, nga manuturan it iti ngayti.

Mateo 9:8

Namagkaliluꞌ i kadakel ngaytit mga taw duꞌun nga namagkalteg, baw inabut sirat iꞌlam. Biyantug niray Ampuꞌang Diyus nga minggay kat taw it atkayti nga pudir.

Marcos 2:12

Egay beken, timnindeg na i taw ngayti, pinirisiꞌen ya na i pagliliꞌtidan ya ngayti bawnga napanaw na, nga pagleltegan it kadakel. Namagkaliluꞌ sira nga muꞌsa baw biyantug niray Ampuꞌang Diyus, ka maat nira, “Talagang ega pay namuyaan tami nga atkaytu ngaytu!”

Lucas 1:65

Inabut it iꞌlam i kadakel it kamalay nira. Ta, iti na ngayting bagay sabap it kana Zacarias ngayti i pirming runding it kadakel it taw duꞌun it mamungsuꞌun ngayti nga rugar it Judea.

Lucas 5:8

Pagkamuya ni Simon Pedro kayti, nanluud kanya duꞌun it sarungaan ni Jesus. Miyampang nga magꞌaat, “Paꞌalaidan mu na aku, Ampuꞌan, sabap talagang makasalaꞌan aku.”

Lucas 7:16

Pagkamuya it mga taw ngayti, inabut sirat iꞌlam baw biyantug nira i Ampuꞌang Diyus. “Miyabut situt aten i esang bantug nga prupitaꞌ. Talagang kita nga mga taawan it Ampuꞌang Diyus, inildawan ya na nga banar!”

Lucas 8:37

Ta, binwat it kadakel it mga Geraseno ngayti, inupakat nira si Jesus nga ega magtinir duꞌut rugar nira ngayti, sabap yanayan i magdadaꞌeg, iꞌlam nira. Pagkagneg ni Jesus, miyapyat siꞌ duꞌut sakayan ka simnakay siꞌ sira.

Mga Binwat 4:21

Pagkagneg it mga pagbayaꞌen ngayti, inagumaꞌ nira siꞌ na Pedro nga talagang rigaen in ipasigi nira i buwat nira ngayting magpanulduꞌ. Temed ta, ipiyaliꞌwan nira naga, ka ega pay magkaparagan nga in magꞌuꞌunu mariga sira nang lagi. Ka pagꞌiꞌlaman nira i kadakel it mga taw, ka kadakel ngayti, mamagbantug na sirat Ampuꞌang Diyus sabap it nabwat ngayti nga kalililuꞌang bagay.

Galacia 1:24

Aypaꞌ ka biyantug niray Ampuꞌang Diyus sabap it pagbaꞌgu yat nakem ku.