Lucas 5:21 - Tagbanwa

²¹ Pagkagneg it mga manigpaꞌyag it urdin baw mga Pariseo ngayti, kat nake-nakem nira, “Siyu baytung taw i, in mangangampangan, magpaDiyu-Diyus na ngaytu? Daꞌga baꞌ Ampuꞌang Diyus lamang i magkapasinsiya it kasalaꞌan?”

Lucas 5:21 Iomraidhean Croise

Isaias 1:18

“Paꞌasini kamu it aken,” maat it AMPUꞌANG DIYUS, “isaꞌun makapagsugi-sugid tami. Ka yay matuud, maski sang unu na nga kadakulaꞌ it kasalaꞌan mi, siguradu nga mapasinsiya ku naga yan. Maski na maat marignaꞌ kamu na nga marignaꞌ sabap it kasalaꞌan mi, malimpiyuꞌ kamu yan nga ega nay maski barnaꞌ it kadamil-damil mi.

Daniel 9:19

Ampuꞌang Diyus, beteꞌ pagnegan mu aku. Pasinsiyaen mu naga kami. Sana Ampuꞌang Diyus, may sambung mu na baw panabang. Ikaw nga pagsirbiyan ku, sana ega na pakaꞌlayan mu. Tumabang ka na, ka yay kat ikabantug mu. Sabap pagkilalaen it katataawan nga, Jerusalem ngayti, siyudad nga piniliꞌ mu, baw kami, mga taawan mu.”

Mateo 26:65

Pagkagneg it Piyakamataꞌas ngayting Sasirduti, piyanrarasik yay sadili yang pakayan it pangise-iseg. Miyampang kanya nga magꞌaat, “Talagang iyan nga ampang, magpangambuꞌ kanya it pagkaDiyus! Ta, unuka kaꞌilangan tami paꞌ i manistigu? Daꞌga baꞌ nagnegan mi na nga muꞌsa i inampang ya ngaytu nga magpasbung kanya it Ampuꞌang Diyus?

Mateo 9:3

May duꞌun nga pirang kataawan nga manigpaꞌyag it urdin. Pagkagneg nirat inaat ngayti ni Jesus, kat nake-nakem nira, “Bilaꞌ, itung taw, magpaDiyu-Diyus na! Ampuꞌang Diyus ga bay may iyang pudir!”

Lucas 3:8

Kaꞌilangan nga ipamatuud mi kat pangaꞌgenan mi nga magsinguliꞌ kamu na nga matuud. Ega kesgat nakem mi nga maat mi, tungtung-inapuꞌ kamu naga ni Abraham, aypaꞌ ka sagyaan kamu nagay imyu it Ampuꞌang Diyus. Ka isugid kut imyu nga talagang kaya it Ampuꞌang Diyus nga, garing kat mga batu ngaytung ituꞌun, mapabaraꞌ ya nga mga tungtung-inapuꞌ ni Abraham.

Lucas 5:17

Kaꞌsa nga magpangadal si Jesus, may duꞌun nga mga Pariseo baw mga manigpaꞌyag it mga urdin it Ampuꞌang Diyus. May gimnaring duꞌut mga lansangan nga sakep it Galilea baw sakep it Judea, baw pati duꞌun it siyudad it Jerusalem. Talagang duꞌun nat ki Jesus ngayti i guna it Ampuꞌang Diyus nga ipagkapdek it maski unu nga sarut.

Lucas 5:22

Temed magkaꞌrutan ni Jesus i kat nakem nira ngayti. Aypaꞌ ka maat ya it kanira, “Unuka atkayan i kat nakem mi?

Lucas 7:49

Pagkagneg it beken nga kaꞌibaan yat magkaꞌen, maat i kat nakem nira, “Siyu baytung taw i magpasinsiya paꞌ ngaytu it kasalaꞌan?”

Juan 10:33

Tiyubag kanyat mga Judio nga magꞌaat, “Ega sabap duꞌun it mga magagayen ngayting buwat i pagkubatuwan namen it imu, in daꞌga sabap duꞌun it pagꞌagawun muy kabantugan it Ampuꞌang Diyus, nga magpaDiyu-Diyus ka it taw ka lamang nga manengteng.”

Roma 8:33

Ta, kita ngaytung piniliꞌ it Ampuꞌang Diyus, siyu paꞌ i makadimanda it aten duꞌun it adapan ya? Yay matuud, ega, ka Ampuꞌang Diyus naga i nagsanggup nga iniriꞌ ya na talaga kat panleteg ya i muꞌsang mga kasalaꞌan tami.